Kerala Weather Update 28/06/26 : കാലവർഷം താൽകാലികമായി തിരികെ എത്തി

കേരളത്തിൽ ദീർഘമായ ഇടവേളക്ക് ശേഷം കാലവർഷം (Monsoon ) തിരികെയെത്തി. ഇന്ന് (ഞായർ) പുലർച്ചെ മുതൽ സംസ്ഥാനത്തിന്റെ വിവിധ ഭാഗങ്ങളിൽ മഴ തുടരുകയാണ്. തെക്കൻ ജില്ലകളിലാണ് പരക്കെ മഴ ലഭിക്കുന്നത്. വടക്കൻ കേരളത്തിലും മഴ തുടരുന്നുണ്ട്.

ഇന്നലെ മുതൽ മഴ നേരിയ വർധനവ് എന്നായിരുന്നു Metbeat Weather ൻ്റെ നിരീക്ഷണം. എന്നാൽ ഇന്നലെ മുതൽ ശക്തമായ മഴയ്ക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം ഉൾപ്പെടെ വിവിധ ഏജൻസികൾ പ്രവചിച്ചിരുന്നു.

Kerala Weather Update 27/06/26 : അറബിക്കടലിൽ കാറ്റ് ശക്തിപ്പെടുന്നു; ഇന്ന് മുതൽ മഴയിൽ നേരിയ വർധനവ്
കേരള-കർണാടക-ലക്ഷദ്വീപ് തീരങ്ങളിൽ വരും ദിവസങ്ങളിൽ കാറ്റ് കൂടുതൽ ശക്തമാകാൻ സാധ്യതയുണ്ട്.
https://metbeatnews.com/rain-may-enhance-from-today-kerala-weather

ബംഗാൾ ഉൾക്കടലിൽ ആന്ധ്രപ്രദേശ് തീരത്തായി രൂപപ്പെട്ട ചക്രവാത ചുഴി (Cyclonic Circulation) പടിഞ്ഞാറൻ കാറ്റിനെ (Westerly Wind) കരയിലേക്ക് അടുപ്പിക്കുന്നതാണ് മഴ ലഭിക്കാനുള്ള കാരണം. കാലവർഷം ഇതിനകം മധ്യ ഇന്ത്യയിൽ വ്യാപിച്ചുകഴിഞ്ഞു. പടിഞ്ഞാറൻ തീരത്ത് (western coast) രാവിലത്തെ ഉപഗ്രഹങ്ങൾ പ്രകാരം മേഘങ്ങളുടെ കൂട്ടം കാണാനുണ്ട്. കേരളത്തിൻ്റെ വടക്കൻ മേഖലകളിലാണ് കൂടുതലും മേഘ രൂപീകരണം.

ഇന്ന് രാവിലെ മുതൽ ലഭിച്ച മഴ റഡാറിൽ. Image - IMD Kochi Radar

ഇന്നത്തെ മഴ ഇങ്ങനെ

കൊങ്കൺ, തീരദേശ കർണാടക, മഹാരാഷ്ട്ര എന്നിവിടങ്ങളിലും ഇന്ന് രാവിലെ മുതൽ ഉച്ച വരെ ശക്തമായ മഴ ലഭിക്കാൻ സാധ്യത. വടക്കൻ കേരളത്തിൽ തീരദേശത്തും ഇടനാട്ടിലുമാണ് ((Mid land) ഇന്ന് രാവിലെ മുതൽ കൂടുതൽ മഴ ലഭിക്കുക. തൃശ്ശൂർ മുതൽ തലശ്ശേരി വരെയുള്ള തീരദേശ പ്രദേശങ്ങളിലും അതിനോട് ചേർന്നുള്ള ഇടനാട് മേഖലകളിലും മഴ രാവിലെ 10 വരെ തുടരാനാണ് സാധ്യത.

എന്നാൽ കോഴിക്കോട്, മലപ്പുറം, തൃശൂർ, പാലക്കാട് ജില്ലകളുടെ കിഴക്കൻ മേലകളിൽ തീരദേശത്തെ അപേക്ഷിച്ച് മഴ കുറവായിരിക്കും. തെക്കൻ കേരളത്തിൽ കോട്ടയം, പത്തനംതിട്ട, കൊല്ലം, തിരുവനന്തപുരം ജില്ലകളുടെ ഇടനാട് മേഖലകളിലും കിഴക്കൻ മേഖലകളിലും മഴ ഉണ്ടാകും.

വൈകിട്ടു മുതൽ രാത്രി വരെ

ഉച്ചയ്ക്ക് ശേഷം മേഘങ്ങൾ വ്യാപകമായി കരകയറുന്ന സാഹചര്യത്തിൽ കേരളത്തിൽ കൂടുതൽ പ്രദേങ്ങളിൽ രാത്രി മഴ ശക്തിപ്പെടാൻ സാധ്യത.

നാളെ ( തിങ്കൾ )

നാളെ കേരളത്തിൽ കൂടുതൽ പ്രദേശങ്ങളിൽ മഴ ലഭിക്കും. ഇപ്പോഴത്തെ മഴ കൃഷി പണികൾക്ക് അനുയോജ്യമായ സമയമാണ്.

മലവെളളപാച്ചിൽ ശ്രദ്ധിക്കുക

ചിലയിടങ്ങളിൽ മഴക്കൊപ്പം ഇടിമിന്നലും ശക്തമായ കാറ്റിനും സാധ്യത ഉള്ളതിനാൽ ജാഗ്രത പുലർത്തണം. കിഴക്കൻ മേഖലയിൽ നിന്ന് ഉത്ഭവിക്കുന്ന പുഴകളിലും തോടുകളിലും പെട്ടെന്ന് മലവെള്ളപാച്ചിലിന് (Flash flood ) സാധ്യത കൂടുതലാണ്. അതിനാൽ അരുവികളിലും പാറക്കെട്ടുകളിലും സെൽഫി, ഫോട്ടോ എടുക്കാൻ ഇറങ്ങുന്നത് അപകടകരമാണ്. പെട്ടെന്നുള്ള മലവെള്ള പാച്ചിലിൽ നിങ്ങൾ ഒഴുക്കിൽപെട്ട് ജീവഹാനി വരെ സംഭവിച്ചേക്കാം.

കോഴിക്കോട്ട് മലവെള്ളപ്പാച്ചിലില്‍ 11 പേര്‍ ഒഴുക്കില്‍പ്പെട്ടു, രക്ഷിക്കാന്‍ ചാടിയ ഗൈഡിനെ കാണാതായി
Flash Flood in Kozhikode: 11 Tourists Rescued, Local Guide Missing. flash flood occurred this evening at Anakampoyil
https://metbeatnews.com/flash-flood-in-kozhikode-11-tourists-rescued-local-guide-missing

കാറ്റും മിന്നലും സൂക്ഷിക്കണം

ഇടിമിന്നൽ (Lightning) അപകടകാരികൾ ആയതിനാൽ കാറ്റും മിന്നലുമുള്ള സമയങ്ങളിൽ ജനങ്ങൾ സുരക്ഷിതമായ കെട്ടിടങ്ങൾക്കുള്ളിലേക്ക് മാറണമെന്നും ജാഗ്രത പാലിക്കണമെന്നും ദുരന്തനിവാരണ അതോറിറ്റി (KSDMA ) അറിയിച്ചിട്ടുണ്ട്. മിന്നൽ സൂചനയുള്ളപ്പോൾ ഉയർന്ന തറസായ പ്രദേശത്ത് (Hill Area) പ്രത്യേകിച്ച് ഉച്ചയ്ക്കു ശേഷം നിൽക്കുന്നത് അപകടകരമാണ്.

English Summary : Kerala Weather Update (28/06/2026): Monsoon Returns to the State; Heavy Rains Expected to Intensify by Night. cyclonic circulation formed over the Bay of Bengal near the Andhra Pradesh coast is pushing westerly winds toward the mainland. Satellite images show significant cloud formation along the western coast, particularly over northern Kerala.