കാലവര്‍ഷം : പ്രവചനം പോലെ തകര്‍ത്തു പെയ്ത് ആദ്യവാരം : ലഭിച്ചത് 25% അധിക മഴ

കാലവര്‍ഷം കേരളത്തില്‍ ആദ്യ വാരം പിന്നിട്ടപ്പോള്‍ ലഭിച്ചത് കനത്ത മഴ. 25 ശതമാനം അധിക മഴയാണ് ജൂണ്‍ 1 മുതല്‍ ജൂണ്‍ 7 വരെയുള്ള കാലയളവില്‍ കേരളത്തില്‍ ലഭിച്ചത്. കേരളത്തില്‍ ആദ്യവാരം കനത്ത മഴയോടെ ജൂണ്‍ നാലിന് കാലവര്‍ഷമെത്തുമെന്നായിരുന്നു മെറ്റ്ബീറ്റ് വെതറിന്റെ മെയ് 26 ലെ പ്രവചനം. ഇതു ശരിവയ്ക്കുന്ന വിധത്തിലാണ് കാലവര്‍ഷ മഴയുടെ ആദ്യ വാരത്തിലെ കണക്കുകള്‍.

കാലവർഷം ജൂൺ 4 ന് എത്താൻ സാധ്യത, തുടക്കം കനത്ത മഴയോടെ
2026 ലെ തെക്കു പടിഞ്ഞാറൻ മൺസൂൺ (South West Monsoon) അഥവാ കാലവർഷം ജൂൺ 4 ഓടെ എല്ലാ മാനദണ്ഡങ്ങളും പാലിച്ച് കേരളത്തിൽ എത്താൻ സാധ്യത.
https://metbeatnews.com/kerala-monsoon-onset-likely-delayed-to-june-4-expected-to-begin-with-heavy-rains

ഈ കാലയളവില്‍ സാധാരണ ലഭിക്കേണ്ട 144.9 mm മഴയ്ക്ക് പകരം 181.1 mm മഴയാണ് സംസ്ഥാനത്ത് ആകെ രേഖപ്പെടുത്തിയത്. ലക്ഷദ്വീപില്‍ സാധാരണയേക്കാള്‍ 80% അധിക മഴ (188.9 mm) യും ലഭിച്ചു.

കോഴിക്കോട് ഒന്നാമത്; പത്തനംതിട്ടയില്‍ റെക്കോര്‍ഡ് മഴ

ജില്ലാടിസ്ഥാനത്തിലുള്ള കണക്കുകള്‍ പരിശോധിക്കുമ്പോള്‍ ഏറ്റവും കൂടുതല്‍ മഴ ലഭിച്ചത് കോഴിക്കോട് ജില്ലയിലാണ് . 268.1 mm). തൊട്ടുപിന്നാലെ കോട്ടയത്ത് 246.9 mm മഴയും കാസര്‍കോട് 244 mm മഴയും രേഖപ്പെടുത്തി.
ശതമാനക്കണക്കില്‍ സാധാരണയേക്കാള്‍ ഏറ്റവും കൂടുതല്‍ മഴ ലഭിച്ചത് പത്തനംതിട്ട ജില്ലയിലാണ്. പത്തനംതിട്ടയില്‍ സാധാരണ ലഭിക്കേണ്ട 135 mm മഴയ്ക്ക് പകരം 220.9 mm മഴ ലഭിച്ചു (64% അധിക മഴ). ഇത് 'ലാര്‍ജ് എക്‌സസ്' (Large Excess) വിഭാഗത്തിലാണ് ഉള്‍പ്പെടുത്തിയിരിക്കുന്നത്.

വിവിധ ജില്ലകളിലെ മഴ ലഭ്യത ഒറ്റനോട്ടത്തില്‍

വലിയ തോതില്‍ അധിക മഴ (Large Excess)

പത്തനംതിട്ട (64%).

അധിക മഴ (Excess)

കോട്ടയം (41%), മലപ്പുറം (48%), പാലക്കാട് (37%), എറണാകുളം (33%), തിരുവനന്തപുരം (32%), കാസര്‍കോട് (32%), കോഴിക്കോട് (31%), തൃശ്ശൂര്‍ (28%), മാഹി (20%).

സാധാരണ മഴ (Normal)

കണ്ണൂര്‍ (11%), ആലപ്പുഴ (5%), ഇടുക്കി (2%), വയനാട് (5%), കൊല്ലം (17%).
ഈ വാരത്തില്‍ വയനാട് (5%), കൊല്ലം (17%) എന്നീ ജില്ലകളില്‍ നേരിയ കുറവ് രേഖപ്പെടുത്തിയെങ്കിലും കാലാവസ്ഥാ വകുപ്പിന്റെ കണക്കനുസരിച്ച് ഇത് സാധാരണ (Normal) മഴയുടെ പരിധിയില്‍ തന്നെയാണ് വരുന്നത്. വരും ദിവസങ്ങളിലും സംസ്ഥാനത്ത് വ്യാപകമായ മഴ തുടരാനാണ് സാധ്യത.

English Summary: Monsoon Intensifies in Kerala: State Records 25% Excess Rainfall in the First Week of June. According to data released by the India Meteorological Department (IMD) for the first week of June (June 1 to June 8, 2026), the state received 181.1 mm of actual rainfall against the normal average of 144.9 mm, marking a 25% departure (Excess