തെക്കുപടിഞ്ഞാറൻ മൺസൂൺ ഇന്ത്യയിൽ നിന്ന് ഔദ്യോഗികമായി പിൻവാങ്ങി. സജീവമായ ഒരു മഴക്കാലമായിരുന്നു കാലവർഷ സീസൺ. ഒക്ടോബർ 15 ന് സാധാരണ തീയതിയേക്കാൾ ഒരു ദിവസം വൈകിയാണ് ഒക്ടോബർ 16 ന് കാലാവസ്ഥാ വകുപ്പ് (IMD) കാലവർഷം പിൻവാങ്ങിയത് സ്ഥിരീകരിച്ചത്.

വടക്കുകിഴക്കൻ മൺസൂൺ ആരംഭിക്കുന്നു

തമിഴ്‌നാട്, പുതുച്ചേരി, കാരക്കൽ, തീരദേശ ആന്ധ്രാപ്രദേശ്, റായലസീമ, തെക്കൻ ഉൾനാടൻ കർണാടക, കേരളം-മാഹി എന്നിവിടങ്ങളിൽ വടക്കുകിഴക്കൻ മൺസൂൺ ആരംഭിച്ചു. നാല് മാസത്തെ മൺസൂൺ സീസണിൽ ഇന്ത്യയിൽ 937.2 മില്ലിമീറ്റർ മഴ രേഖപ്പെടുത്തി 8% അധിക മഴ. വടക്കുപടിഞ്ഞാറൻ ഇന്ത്യയിൽ സാധാരണയേക്കാൾ 27.3% കൂടുതൽ മഴ ലഭിച്ചു.

അതേസമയം കിഴക്കും വടക്കുകിഴക്കൻ ഇന്ത്യയിലും 20% കുറവ് രേഖപ്പെടുത്തി.
ലാ നിന അവസ്ഥയുടെ സാധ്യത വർദ്ധിക്കുമെന്ന് IMD പ്രവചിക്കുന്നു. ഇത് സാധാരണയേക്കാൾ കൂടുതൽ വടക്കുകിഴക്കൻ മൺസൂണും തണുത്ത ശൈത്യകാലവും കൊണ്ടുവരുമെന്ന് പ്രതീക്ഷിക്കുന്നു.

ഒക്ടോബറിൽ സാധാരണയേക്കാൾ 15% കൂടുതൽ മഴ ലഭിക്കുമെന്ന് ഐഎംഡി പ്രവചിക്കുന്നു.

അതേസമയം തെക്കൻ കേരളത്തിലും മധ്യകേരളത്തിലും ഇന്നും ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ മുന്നറിയിപ്പ്. അതിശക്തമായ മഴ കണക്കിലെടുത്ത് എറണാകുളം ജില്ലയിൽ ഇന്ന് കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുണ്ട്.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, തൃശ്ശൂർ ജില്ലകളിൽ യെല്ലോ അലർട്ട് ആണ്.

ഉച്ചയ്ക്കു ശേഷമുള്ള ഇടിമിന്നലോട് കൂടിയ മഴയാണ് തുലാവർഷത്തിന്റെ പ്രത്യേകതയെന്നതിനാൽ ഇടിമിന്നൽ ജാഗ്രത മുൻകരുതലുകൾ പാലിക്കുക. മലയോര മേഖലകളിൽ ഇടിമിന്നലും കാറ്റോടു കൂടിയ മഴയ്ക്കാണ് സാധ്യതയുള്ളത്.

ശക്തമായ കാറ്റിനും കടൽ പ്രക്ഷുബ്ധമാകാനും സാധ്യതയുള്ളതിനാൽ കേരള, കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കേർപ്പെടുത്തി. കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം, കന്യകുമാരി തീരങ്ങളിൽ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം മുന്നറിയിപ്പ് നൽകിയിട്ടുണ്ട്. മത്സ്യത്തൊഴിലാളികളും, തീരദേശവാസികളും ജാഗ്രത പാലിക്കണം.

Metbeat news