കാലവർഷം പിൻവാങ്ങിത്തുടങ്ങി; ബംഗാൾ ഉൾക്കടലിൽ അതിതീവ്ര ന്യൂനമർദ്ദത്തിന് സാധ്യത

തെക്കുപടിഞ്ഞാറൻ മൺസൂൺ കേരളത്തിൽ നിന്ന് പൂർണമായി പിൻവാങ്ങുന്നതിന് മുന്നോടിയായി രാജ്യത്ത് പിൻവാങ്ങൽ തുടങ്ങി. സാധാരണയേക്കാൾ രണ്ട് ദിവസം വൈകി ഇന്ന്, സെപ്റ്റംബർ 19ന്, പശ്ചിമ രാജസ്ഥാന്റെ ചില ഭാഗങ്ങളിൽ നിന്ന് തെക്കുപടിഞ്ഞാറൻ മൺസൂൺ പിൻവാങ്ങി തുടങ്ങി. പടിഞ്ഞാറൻ രാജസ്ഥാനിൽ നിന്നാണ് ഇന്ന് വിടവാങ്ങിയതായി കേന്ദ്രകാലാവസ്ഥാ വകുപ്പ് സ്ഥിരീകരിച്ചത്. സാധാരണ സെപ്തംബർ 17 നാണ് രാജസ്ഥാനിൽ നിന്ന് വിടവാങ്ങാറുള്ളത്. ഉത്തരേന്ത്യയിൽ നിന്ന് ഓരോ ദിവസവും ദക്ഷിണേന്ത്യയിലേക്ക് വിടവാങ്ങൽ തുടരും. അവസാനം കേരളത്തിലെത്തി പൂർണമായും മൺസൂൺ വിടവാങ്ങും. സാധാരണയായി 30 ദിവസം വരെ വിടവാങ്ങൽ പുരോഗമിക്കാറുണ്ട്.

പുതിയ ന്യൂനമർദ്ദം

ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെടാൻ സാധ്യത. വടക്കൻ ആൻഡമാൻ കടലിനും സമീപ പ്രദേശങ്ങൾക്കും മുകളിലുള്ള ചക്രവാതച്ചുഴി ഇന്ന് വൈകുന്നേരത്തോടെ ന്യൂനമർദ്ദമായി ശക്തിപ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

Weather 19/09/26 : ആൻഡമാൻ കടലിൽ ന്യൂനമർദ്ദം രൂപപ്പെട്ടു, അർണബ് ചുഴലിക്കാറ്റിന് സാധ്യത
Low Pressure Area Forms in Andaman Sea; Potential Cyclone "Arnab" Ahead
https://metbeatnews.com/low-pressure-area-forms-in-andaman-sea-potential-cyclone-arnab-ahead

കേരളത്തിലും മഴയ്ക്ക് സാധ്യത

ബംഗാൾ ഉൾക്കടലിലെ കാലാവസ്ഥാ മാറ്റത്തിന്റെ പശ്ചാത്തലത്തിൽ സെപ്റ്റംബർ 19 മുതൽ 21 വരെ കേരളത്തിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. ഈ ദിവസങ്ങളിൽ ചിലയിടങ്ങളിൽ ഇടിമിന്നലിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. അതേസമയം മൺസൂൺ പിൻവാങ്ങൽ ആരംഭിച്ചെങ്കിലും ബംഗാൾ ഉൾക്കടലിൽ രൂപപ്പെടുന്ന ന്യൂനമർദ്ദം വരും ദിവസങ്ങളിൽ കാലാവസ്ഥയിൽ മാറ്റങ്ങൾക്ക് വഴിവയ്ക്കുമെന്നാണ് പ്രതീക്ഷ.

English Summary : The Southwest Monsoon has officially started withdrawing from parts of West Rajasthan as of September 19—two days later than the normal onset date for retreat. This signals the initial phase of its complete withdrawal from Kerala and the rest of the Indian subcontinent.