ഗൾഫിലും ഇറാനിലും ഇസ്രായേലിലും കനത്ത മഴ വരുന്നു, UAE യിലടക്കം പ്രാദേശിക പ്രളയ സാധ്യത

GCC ഉൾപ്പെടെ പശ്ചിമേഷ്യയിൽ ഇന്നു (23/03/26 ) മുതൽ മാർച്ച് 27 വരെയുള്ള ദിവസങ്ങളിൽ ശക്തമായ ഇടി മിന്നലോടു ( Thunderstorm ) കൂടിയുള്ള മഴ സാധ്യത. കഴിഞ്ഞ ദിവസങ്ങളിൽ ഒമാൻ, സൗദി അറേബ്യ തുടങ്ങിയ രാജ്യങ്ങളിൽ കനത്ത മഴയും വെള്ളക്കെട്ടും രൂപപ്പെട്ടിരുന്നു. UAE, ഖത്തർ, കുവൈത്ത് രാജ്യങ്ങളിലേക്കും ഇനി മഴ എത്തുകയാണ്.

പശ്ചിമവാതം (WD) കാരണം

ഗൾഫിൽ ഗൈത്ത് എന്നറിയപ്പെടുന്ന ഋതു മാറ്റത്തിൻ്റെ ഭാഗമായി ലഭിക്കുന്ന മഴയാണെങ്കിലും ഇത് ഒരാഴ്ച നീണ്ടുനിൽക്കുന്നു എന്നുള്ളതാണ് പ്രത്യേകത. ഈ മാസം അവസാനം വരെ മഴ ശക്തി കുറഞ്ഞും കൂടിയും തുടരാനാണ് സാധ്യത. മധ്യധരണ്യാഴി (Mediterranean Sea) യിൽ നിന്നുള്ള പടിഞ്ഞാറൻ ശൈത്യ കാറ്റായ പശ്ചിമവാതം ( Western Disturbance) ശക്തിപ്പെടുന്നതാണ് മഴക്ക് കാരണം.

GCC മുതൽ ഇന്ത്യ വരെ മഴ

ഈ കാറ്റ് തുർക്കി വഴി കരയിൽ പ്രവേശിച്ച ശേഷം ഇന്ത്യയുടെ ഹിമാലയൻ മേഖല വരെ പ്രവഹിക്കും. ഇതിനിടയിൽ വരുന്ന ഗൾഫ് മേഖല, ഇറാൻ, ഇറാഖ്, ഫലസ്തീൻ, ഇസ്രായേൽ, അഫ്ഗാനിസ്ഥാൻ, പാക്കിസ്ഥാൻ, ഇന്ത്യയിലെ കശ്മീർ, ഹിമാചൽ പ്രദേശ് തുടങ്ങിയ മേഖലകളിലും മഴയ്ക്കും ആലപഴ ( Hail Storm ) വർഷത്തിനും മഞ്ഞുവീഴ്ചക്കും കാരണമായേക്കും.

യു.എ.ഇയിൽ വെള്ളിവരെ മഴ

യു.എ.ഇയിൽ വെള്ളി വരെ ശക്തമായ മഴ convective clouds ( സംവഹന മേഘങ്ങൾ) കഴിഞ്ഞ ദിവസം മുതൽ രൂപപ്പെടാൻ തുടങ്ങിയിട്ടുണ്ട്. ഇത് ഇടിയോടുകൂടിയുള്ള ശക്തമായ മഴക്ക് കാരണമാകും. ദുബായ്, അബുദാബി, ഷാർജ, അൽ ഐൻ, റാസൽ ഖൈമ എന്നിവിടങ്ങളിൽ മഴ ലഭിക്കും.

അബുദാബി മുതൽ വടക്കൻ എമറേറ്റുകളിലേക്ക് മഴ ശക്തപ്പെടാൻ സാധ്യതയുള്ളതിനാൽ വെള്ളക്കെട്ടുകളും യാത്രാ തടസ്സവും ഉണ്ടാകാൻ സാധ്യതയുണ്ട് അതിനാൽ ജാഗ്രത പാലിക്കേണ്ടിവരും.

സാധാരണയായി ദുബായിൽ വാർഷിക മഴ ആയിരം എം.എം ആണെങ്കിലും ഇത് പെട്ടെന്ന് ലഭിക്കുന്ന രീതിയിലുള്ള ഇവന്റുകളാണ് കാലാവസ്ഥാ മാറ്റത്തിന് ഭാഗമായി ഉണ്ടാകുന്നത്. ഇത് വെള്ളപ്പൊക്കത്തിന് കാരണമായേക്കാം. ഇപ്പോഴത്തെ മഴയും 20 സെൻറീമീറ്ററോളം മഴ ഒരാഴ്ചക്കിടെ പ്രവചിക്കുന്നുണ്ട്.

ഇന്നുമുതൽ വെള്ളിയാഴ്ച വരെ കാറ്റും ഉണ്ടാകും. ദൃശ്യപരത (Visibility) കുറയാൻ സാധ്യതയുള്ളതിനാൽ യാത്രക്കാർ ജാഗ്രത പാലിക്കണമെന്ന് പൊലിസും National Centre of Meteorology (NCM) മുന്നറിയിപ്പ് നൽകി.

ഇന്ന് ( തിങ്കൾ) മുതൽ രാജ്യത്തിൻ്റെ വടക്കൻ മേഖലയിലും കിഴക്കൻ മേഖലയിലും മഴ ശക്തിപ്പെടും. അൽഐനിലും മഴയും കാറ്റും ഉണ്ടാകും.

ചൊവ്വാഴ്ച വടക്ക്, കിഴക്ക്, തെക്ക് മേഖലകളിൽ മഴ യുണ്ടാകും . അൽ ഐനിൽ ആണ് ഇത്തവണ കൂടുതൽ മഴ പ്രതീക്ഷിക്കുന്നത്. ബുധനാഴ്ച എല്ലായിടത്തും മഴ പ്രതീക്ഷിക്കാം. വ്യാഴാഴ്ച രാവിലെ മുതൽ മഴ കുറവായിരിക്കും എങ്കിലും ഉച്ചക്കുശേഷം മഴ കൂടും. രാജ്യത്തിൻ്റെ പടിഞ്ഞാറ് മേഖലകളിൽ അടക്കം വ്യാഴാഴ്ച മഴ ലഭിക്കും.

വെള്ളിയാഴ്ച ദ്വീപുകളിലും തീരദേശങ്ങളിലും മഴ ശക്തിപ്പെടും. തുടർച്ചയായ മഴ സാധ്യത തുടർന്ന് ദുബായ് മീഡിയ ഓഫീസ് പൊതുജനങ്ങൾക്ക് ജാഗ്രത നിർദ്ദേശങ്ങൾ പുറപ്പെടുവിച്ചു.

താഴ്‌വരകൾ, വെള്ളപ്പൊക്ക സാധ്യതയുള്ള പ്രദേശങ്ങൾ, മഴവെള്ളം കെട്ടിക്കിടക്കാൻ സാധ്യതയുള്ള സ്ഥലങ്ങൾ എന്നിവിടങ്ങളിൽ നിന്ന് അകന്നു നിൽക്കുക.
പർവതപ്രദേശങ്ങളിൽ നിന്ന് അകന്നു നിൽക്കുക.
കടലിൽ പോകുന്നത് ഒഴിവാക്കുക.
വാഹനമോടിക്കുമ്പോൾ ജാഗ്രത പാലിക്കുകയും വേഗത കുറയ്ക്കുകയും ചെയ്യുക എന്നിവയാണ് നിർദേശങ്ങൾ

Contact emergency services when needed
- Dubai Civil Defense: 997
- Dubai Ambulance: 998
- Dubai Police: 999
•Dubai Electricity and Water Authority: 991
•Roads and Transport Authority: 800 9090
•Dubai Municipality: 800 900
•Dubai Health: 80060 pic.twitter.com/qzovqpMuZi
— Dubai Media Office (@DXBMediaOffice) March 22, 2026

സൗദി അറേബ്യയിൽ

സൗദി അറേബ്യയുടെ വിവിധ ഭാഗങ്ങളിൽ ഇന്ന് (മാർച്ച് 23 തിങ്കൾ) കനത്ത മഴയ്ക്കും ശക്തമായ കാറ്റിനും സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ ( National Centre of Meteorology (NCM) മുന്നറിയിപ്പ് നൽകി. മഴയുടെ തീവ്രതയനുസരിച്ച് റെഡ്, ഓറഞ്ച്, യെല്ലോ അലർട്ടുകൾ വിവിധ പ്രവിശ്യകളിൽ നിലവിൽ പ്രഖ്യാപിച്ചിട്ടുണ്ട്.

المملكة تشارك العالم الاحتفال بـ #اليوم_العالمي_للأرصاد_الجوية 2026، والذي يوافق 23 مارس من كل عام، تحت شعار #نرصد_اليوم_لنحمي_الغد، من خلال إبراز قدرات المملكة في الرصد الجوي، وضمان سلامة الأرواح، وحماية الممتلكات.#نحيطكم_بأجوائكم pic.twitter.com/D2V8eBXoXr
— المركز الوطني للأرصاد (NCM) (@NCMKSA) March 22, 2026

അൽ-അഹ്സ, അൽ-ഉഖൈർ, ഹരാദ് എന്നീ കിഴക്കൻ പ്രദേശങ്ങളിൽ തിങ്കളാഴ്ച പുലർച്ചെ 1 വരെയും, ജുബൈൽ, ഖോബാർ, ദമാം, ദഹ്റാൻ, ഖത്തീഫ്, റാസ് തന്നൂറ എന്നിവിടങ്ങളിൽ തിങ്കളാഴ്ച ഉച്ചയ്ക്ക് 1മണി മുതൽ രാത്രി 11 വരെയും അതീവ ജാഗ്രത വേണമെന്നാണ് മുന്നറിയിപ്പ്.

അസീർ (ബിഷ, തത്ലീത്), നജ്റാൻ എന്നിവിടങ്ങളിൽ ഇന്ന് ഉച്ചയ്ക്ക് ശേഷം കനത്ത മഴയും ആലിപ്പഴ വർഷവും ഉണ്ടായേക്കാം.

ശക്തമായ മഴയ്ക്കൊപ്പം കാറ്റ് വീശാൻ സാധ്യതയുള്ളതിനാൽ ദൃശ്യപരത ( Visibility ) കുറയാം. വെള്ളപ്പൊക്കത്തിനും (Flash Flood) ഇടിമിന്നലിനും ,( Thunderstorm ) സാധ്യതയുള്ളതിനാൽ താഴ്ന്ന പ്രദേശങ്ങളിൽ താമസിക്കുന്നവർ അതീവ ജാഗ്രത പാലിക്കണമെന്ന് അധികൃതരുടെ മുന്നറിയിപ്പുണ്ട്.

ഇറാനിലും ഒമാനിലും മഴ കനക്കും

സൗദിക്കും യുഎഇ ക്കും പുറമേ ഒമാനിലും മഴ ശക്തിപ്പെടും. മസ്കറ്റ്, ബുറൈമി , സോഹാർ , ദുകം , ബാതിന ഗവർണറേറ്റുകൾ ' ഇബ്രി എന്നിവിടങ്ങളിലാകും മഴ കൂടുതൽ. എന്നാൽ സലാലയിൽ മഴ കുറയും.

Four Children Killed as Old Building Collapses Amid Heavy Rain in Oman
Rustaq, Oman's Al-Haymali district, a devastating incident transpired on Sunday evening when four children tragically perished.
https://metbeatnews.com/childrens-killed-as-old-building-collapses-heavy-rain-in-oman

Oman Rain 22/03/26 : ഒമാനിൽ കനത്ത മഴയിൽ കെട്ടിടം തകർന്ന് നാല് കുട്ടികൾ മരിച്ചു
Four Children Killed as Old Building Collapses Amid Heavy Rain in Oman.
https://metbeatnews.com/four-children-killed-as-old-building-collapses-amid-heavy-rain-in-oman

യുദ്ധത്തെ മഴ ബാധിക്കും

യുദ്ധം നടക്കുന്ന ഇറാൻ്റെ തെക്കൻ മേഖലയിൽ മഴ ശക്തിപ്പെടും. ഇറാഖിലും മഴ ശക്തമാകാൻ സാധ്യത. ഇത് യുദ്ധത്തിൽ കൃത്യമായ ആക്രമണങ്ങളെ ബാധിക്കും. ഇസ്രായേലിലും ലബനാനിലും മഴ ശക്തിപ്പെടും. യുദ്ധം നടക്കുന്ന പ്രദേശങ്ങളാണ് ഇത്. ഇവിടങ്ങളിൽ യുദ്ധക്കെടുതികൾ അനുഭവിക്കുന്നവർക്കു മഴ ദുരിതമാകും. വംശഹത്യാ ആക്രമണങ്ങൾ നടന്ന ഗസ്സയിലും കനത്ത മഴ സാധ്യതയുണ്ട്.

ഗൾഫ് മേഖലയിൽ ഇപ്പോഴത്തെ മഴ ഏകദേശം ഈ മാസം അവസാനം വരെ കൂടിയും കുറഞ്ഞു തുടരാനാണ് സാധ്യത. തുടർന്ന് ഏപ്രിൽ തുടക്കത്തിലും ഒറ്റപ്പെട്ട മഴ സാധ്യതയുണ്ട്. സൗദി അറേബ്യയിൽ ഉൾപ്പെടെ ഗൾഫ് രാജ്യങ്ങളിലെ ജലസംഭരണികളിലും ഡാമുകളിലും നീരൊഴുക്ക് വർദ്ധിക്കും. കൃഷിക്കും മറ്റും അനുകൂലവും പ്രതികൂലവും ആയി ഈ മഴ മാറും.

GCC രാജ്യങ്ങളിലുള്ള മലയാളികൾക്ക് കാലാവസ്ഥാ വിവരങ്ങൾ ലഭ്യമാകാൻ ഞങ്ങളുടെ വാട്സ്ആപ്പ് ഗ്രൂപ്പിൽ ചേരാം. അതിനായി ഇവിടെ ക്ലിക്ക് ചെയ്യുക.

English Summary : Middle East Weather Alert: Heavy Rain and Flash Flood Warnings for UAE, Saudi Arabia, and Oman. A severe weather system, triggered by a strong Western Disturbance from the Mediterranean, is set to impact the GCC and surrounding nations until the end of March. The phenomenon, locally associated with the "Gaith" seasonal transition, is expected to bring up to 20cm of rainfall in a single week to parts of the UAE, raising significant concerns about urban flooding.