ക്ലീൻ അപ്പ് ഡ്രൈവുമായി കുസാറ്റിൽ എൻ.സി.സി. കേഡറ്റുകൾ

എൻ.സി.സിയുടെ അഞ്ഞൂറ് കേഡറ്റുകൾ കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) ക്യാമ്പസ്സിൽ ഒന്ന് കറങ്ങിവന്നപ്പോളേക്കും പ്ലാസ്റ്റിക്കുകൾ കൊണ്ട് നിറഞ്ഞത് പത്തോളം വലിയ കവറുകൾ. 7 കേരള നേവി എറണാകുളം യൂണിറ്റ് കുസാറ്റിൽ സംഘടിപ്പിക്കുന്ന പത്തുദിവസത്തെ സഹവാസ ക്യാമ്പിലാണ് കുസാറ്റ് ക്ലീനിംഗ് ശ്രമദാനം നടന്നത്. കുട്ടികൾ ഏഴു ടീമുകളായി തിരിഞ്ഞു കുസാറ്റിന്റെ വിവിധ വിഭാഗങ്ങളിലും, ഭരണവകുപ്പിലും, ഹോസ്റ്റലുകളിലും കേന്ദ്രീകരിച്ചാണ് പ്ളാസ്റ്റിക് ശുചീകരണം സംഘടിപ്പിച്ചത്.

കുസാറ്റിൽ പ്ലാസ്റ്റിക് മാലിന്യങ്ങൾ ശേഖരിക്കുന്ന എൻ.സി.സി കേഡറ്റുകൾ

വെറും രണ്ടുമണിക്കൂറുകൾ കൊണ്ടാണ് കുസാറ്റിലെ വലിച്ചെറിയപ്പെട്ട പ്ലാസ്റ്റിക് കവറുകളും ബോട്ടിലുകളും കുട്ടികൾ ശേഖരിച്ചത്. ക്യാമ്പസ്സിൽ ഒരു പ്ലാസ്റ്റിക് മാലിന്യവും അവശേഷിക്കുന്നില്ല എന്ന് ഉറപ്പിച്ചതിനുശേഷമാണ് കുട്ടികൾ ശുചീകരണം അവസാനിപ്പിച്ചത്.

ക്യാപ്റ്റൻ. ഷിബു ജോൺ, ലെഫ്റ്റനന്റ്. കമാണ്ടർ ജിതിൻ രാജീവ്, അഡ്ജറ്റന്റ് സബ് ലെഫ്റ്റനന്റ് ഡോ. ദിദിമോസ് എം.വി, കുസാറ്റ് എൻ.സി.സി കെയർ ടേക്കർ ഓഫീസർ ഡോ.അബേഷ് രഘുവരൻ, വിവിധ സ്കൂളുകളിൽ നിന്നുള്ള അസോസിയേറ്റ് എൻ.സി.സി ഓഫീസർമാർ, ട്രെയിനർമാർ എന്നിവർ നേതൃത്വം നൽകി.

English Summary : Around 500 NCC cadets from the 7 Kerala Navy Ernakulam Unit successfully conducted a massive cleanliness drive at the Cochin University of Science and Technology (CUSAT) campus. Splitting into seven teams, the cadets cleared plastic waste from various departments, administrative blocks, and hostels during their 10-day residential camp.