സംസ്ഥാനത്ത് ഉച്ചയ്ക്ക് ശേഷം ഈ പ്രദേശങ്ങളിൽ മഴയ്ക്ക് സാധ്യത; വടക്കൻ ജില്ലകളിലും മലയോര മേഖലകളിലും ജാഗ്രത വേണം

സംസ്ഥാനത്ത് ഇന്ന് ഉച്ചയ്ക്ക് ശേഷം വിവിധ ജില്ലകളിൽ മഴയ്ക്ക് സാധ്യത. വടക്കൻ കേരളത്തിലും മലയോര മേഖലകളിലും മഴയ്ക്കും ഇടിമിന്നലിനും സാധ്യതയുണ്ട്. മധ്യകേരളത്തിലെ വിവിധ പ്രദേശങ്ങളിലും ഒറ്റപ്പെട്ട മഴ ലഭിച്ചേക്കും.

കോഴിക്കോട്, മലപ്പുറം, വയനാട് ജില്ലകളിലെ വിവിധ പ്രദേശങ്ങളിൽ ഉച്ചയ്ക്ക് ശേഷം മഴയ്ക്ക് അനുകൂലമായ അന്തരീക്ഷമാണ്. കോഴിക്കോട് ജില്ലയിലെ ഉൾപ്രദേശങ്ങളിൽ ചിലയിടങ്ങളിൽ 11 മില്ലിമീറ്റർ വരെ മഴയ്ക്കുള്ള സാധ്യതയുണ്ട്. കോഴിക്കോട്, ബേപ്പൂർ, കൊയിലാണ്ടി, താമരശ്ശേരി, മലപ്പുറത്തെ മഞ്ചേരി, കൊണ്ടോട്ടി, അരീക്കോട്, പെരിന്തൽമണ്ണ, നിലമ്പൂർ തുടങ്ങിയ പ്രദേശങ്ങളിലാണ് പ്രധാനമായും കാലാവസ്ഥാ വ്യതിയാനം പ്രതീക്ഷിക്കുന്നത്. ഇവിടങ്ങളിൽ താപനില 26 ഡിഗ്രി സെൽഷ്യസ് വരെയാകാം. കക്കയം, അടിവാരം, ചൂരൽമല മേഖലകളിൽ 21 മുതൽ 24 ഡിഗ്രി സെൽഷ്യസ് വരെയാണ് താപനില.

കണ്ണൂർ, കാസർകോട്, വയനാട് ജില്ലകളുടെ മലയോര മേഖലകളിലും അതിർത്തി പ്രദേശങ്ങളിലും ഉച്ചയ്ക്ക് ശേഷം മേഘാവൃതമായ അന്തരീക്ഷവും മഴയ്ക്കുള്ള സാധ്യതയും നിലനിൽക്കുന്നു. കണ്ണൂർ, തലശ്ശേരി, ശ്രീകണ്ഠപുരം, ആലക്കോട്, ചെറുപുഴ വയനാട്ടിലെ മാനന്തവാടി, സുൽത്താൻ ബത്തേരി, കൽപ്പറ്റ എന്നിവിടങ്ങളിൽ മഴയ്ക്ക് സാധ്യത.

എറണാകുളം, കോട്ടയം, ഇടുക്കി ജില്ലകളിലും ഒറ്റപ്പെട്ട മഴയ്ക്ക് സാധ്യതയുണ്ട്. ആലപ്പുഴ, കോട്ടയം, തൊടുപുഴ, പാലാ, കുട്ടനാട്, മൂന്നാർ, വാഗമൺ തുടങ്ങിയ പ്രദേശങ്ങളിലും മഴ ലഭിച്ചേക്കാം.

പാലക്കാട്, തൃശൂർ ജില്ലകളിലും ഉച്ചയ്ക്ക് ശേഷം മഴയ്ക്കും ഇടിമിന്നലിനും സാധ്യതയുണ്ട്. പാലക്കാട്, തൃശൂർ, ചിറ്റൂർ, ഒറ്റപ്പാലം, മണ്ണാർക്കാട്, നെല്ലിയാമ്പതി എന്നിവിടങ്ങളിൽ ഉച്ചയ്ക്ക് ശേഷം മേഘാവൃതമായ അന്തരീക്ഷം ശക്തമാകാനും വിവിധയിടങ്ങളിൽ ഒറ്റപ്പെട്ടതോ മിതമായതോ ആയ മഴ ലഭിക്കാനും സാധ്യതയുണ്ട്.

English Summary : The Meteorological Department indicates a strong possibility of afternoon rainfall and lightning across several districts in Kerala, with higher intensity expected in Northern Kerala and hilly regions. Central Kerala is also likely to witness isolated spells of rain.