നേപ്പാൾ ദുരന്തം; തുരങ്കത്തിൽ നിന്ന് ശബ്ദം, ഒൻപത് ദിവസത്തിന് ശേഷം രണ്ട് ജീവനുകൾ രക്ഷപ്പെടുത്തി, മരണസംഖ്യ 1282 ആയി

നേപ്പാൾ ദുരന്തത്തിൻ്റെ ഓർമകൾ ഇപ്പോഴും കെട്ടടങ്ങിയിട്ടില്ല. ഇപ്പോഴും ബന്ധുക്കളെയും കൂട്ടുകാരെയും അന്വോഷിച്ച് അലമുറയിട്ട് കരയുകയാണ് നേപ്പാൾ ജനത. ഉറ്റവർ തിരിച്ചുവരാൻ നിറകണ്ണുകളുമായി കാത്തിരിക്കുകയാണവർ. ഇപ്പോഴിതാ ദുരന്തം വിതച്ച നേപ്പാളിൽ പ്രതീക്ഷയുടെ പുൽനാമ്പുമായി രണ്ട് ജീവനുകൾ.

MIRACLE AFTER 9 DAYS! 🥹🙏🇳🇵

After 9 long days trapped inside the Trishuli 3A tunnel, Sanjay Shah has finally been rescued alive. This is more than a rescue - this is a miracle that has brought tears, hope, and an entire nation together. ❤️‍🩹

According to the initial assessment,… pic.twitter.com/5CW1CBZ369
— Ananda Nepali (@anandanepali99) September 4, 2026

ഒൻപത് ദിവസങ്ങൾക്ക് ശേഷം തുരങ്കത്തിൽ കുടുങ്ങിയ രണ്ട് തൊഴിലാളികളെയാണ് ജീവനോടെ രക്ഷപ്പെടുത്തിയത്. രസുവ ജില്ലയിലെ ത്രിശൂലി–3എ ജലവൈദ്യുത പദ്ധതിയുടെ തുരങ്കത്തിൽ നിന്നാണ് ഇവരെ രക്ഷപ്പെടുത്തിയത്. തുരങ്കത്തിനുള്ളിൽ നിന്ന് ശബ്ദം കേട്ടതിനെ തുടർന്ന് നടത്തിയ പരിശോധനയിലാണ് തൊഴിലാളികളുടെ സാന്നിധ്യം മനസ്സിലാക്കുകയും രക്ഷാപ്രവർത്തകർ അവിടേക്കിറങ്ങിച്ചെന്ന് തൊഴിലാളികളെ രക്ഷപ്പെടുത്തിയതും.

മെക്കാനിക്കൽ ഫോർമാൻ സഞ്ജയ് സാഹ്, മെക്കാനിക്കൽ സൂപ്പർവൈസർ കബീർ മഹാർജൻ എന്നിവരാണ് രക്ഷപ്പെട്ടത്. രക്ഷാപ്രവർത്തനത്തിൽ പങ്കാളിയായ എൻജിനീയറും സ്വതന്ത്ര പാർട്ടി നിയമനിർമാതാവുമായ ശ്രീ റാം നൗപാനെയാണ് ഇക്കാര്യം സാമൂഹികമാധ്യമത്തിലൂടെ സ്ഥിരീകരിച്ചത്.

#WATCH | Nepal | Rescue workers rescue one person from inside the tunnel of the Trishuli 3A hydel project

Video source: Secretariat of the Ministry of Energy, Water Resources and Irrigation, Govt of Nepal pic.twitter.com/tNZTMoWgIp
— ANI (@ANI) September 4, 2026

ഇതുവരെ 40 പേരെ രക്ഷപ്പെടുത്തി

ആഗസ്റ്റ് 26ന് ഉണ്ടായ ദുരന്തത്തിന് പിന്നാലെ ത്രിശൂലി–3എ പദ്ധതിയിൽ നിന്ന് ഇതുവരെ 40 പേരെ രക്ഷപ്പെടുത്തിയിട്ടുണ്ട്. എന്നാൽ രാജ്യത്തെ കുറഞ്ഞത് ആറ് ജലവൈദ്യുത പദ്ധതികളിലായി 900ലധികം തൊഴിലാളികളെക്കുറിച്ച് ഇപ്പോഴും വിവരമില്ല. നേപ്പാൾ സൈന്യത്തിന്റെയും അർധസൈനിക വിഭാഗമായ ആംഡ് പൊലീസ് ഫോഴ്സിന്റെയും സംഘങ്ങൾ തുരങ്കങ്ങളിലേക്ക് പ്രവേശിച്ച് തിരച്ചിൽ ശക്തമാക്കിയിട്ടുണ്ട്.

Nepal Flood Disaster: നേപ്പാൾ പ്രളയം; സഹായമല്ല വേണ്ടത്, ഇന്ത്യയടക്കം മൂന്ന് രാജ്യങ്ങളോട് നഷ്ട്ടപരിഹാരം ചോദിച്ച് നേപ്പാൾ
നേപ്പാൾ പ്രളയത്തിൻ്റെ ഭീകരത ഇന്നും വിട്ടൊഴിഞ്ഞിട്ടില്ല. നിമിഷനേരം കൊണ്ട് നേപ്പാളിൻ്റെ മുഖം മാറ്റിയ ദുരന്തത്തിൽ ആയിരങ്ങളുടെ ജീവൻ പൊലിഞ്ഞു.
https://metbeatnews.com/demanding-climate-loss-damage-compensation-not-aid-from-top-polluter

ഇന്ത്യൻ കരസേനയുടെ വിദഗ്ധ സംഘം ജലവൈദ്യുത പദ്ധതികളുടെ തുരങ്കങ്ങളിൽ ഇപ്പോഴും തിരച്ചിൽ തുടരുകയാണ്. നൂറിലധികം തൊഴിലാളികൾ തുരങ്കങ്ങളിൽ കുടുങ്ങിക്കിടക്കുന്നുണ്ടെന്നാണ് വിലയിരുത്തൽ. രക്ഷാപ്രവർത്തനം വേഗത്തിലാക്കാൻ ബെയ്ലി പാലങ്ങൾ ഉടൻ നിർമിക്കുമെന്നും അധികൃതർ അറിയിച്ചു.

മരണസംഖ്യ 1282

നേപ്പാളിലുണ്ടായ മിന്നൽപ്രളയത്തിൽ മരിച്ചവരുടെ എണ്ണം 1282 ആയി ഉയർന്നതായാണ് റിപ്പോർട്ട്. ഇനിയും മരണസംഖ്യ ഉയരാനാണ് സാധ്യത. കെട്ടിടാവശിഷ്ടങ്ങൾ നീക്കിയും മണ്ണ് നീക്കിയും വിവിധ മേഖലകളിൽ തിരച്ചിൽ നടത്തിയും രക്ഷാപ്രവർത്തനം തുടരുകയാണ്. അയ്യായിരത്തിലധികം പേരെ ഇപ്പോഴും കണ്ടെത്താനായിട്ടില്ല.

ദുരന്തബാധിതമായ രസുവ, നുവാകോട്ട് ജില്ലകളിലെ 600 കുട്ടികളെക്കുറിച്ച് ഇപ്പോഴും വിവരമില്ല. രണ്ട് ജില്ലകളിലായി 12 സ്കൂളുകളും പൂർണമായും അപ്രത്യക്ഷമായതായാണ് റിപ്പോർട്ട്.

275 ഇന്ത്യക്കാരെ കാണാനില്ല

275 ഇന്ത്യക്കാരെയും 128 ഇന്ത്യൻ വംശജരെയും ഇതുവരെ കണ്ടെത്താനായിട്ടില്ല. കാണാതായ മലയാളികളെക്കുറിച്ചും വ്യക്തമായ വിവരങ്ങളൊന്നും ലഭിച്ചിട്ടില്ല. മരിച്ചവരെ തിരിച്ചറിയുന്നതിനുള്ള ഡിഎൻഎ പരിശോധനയിൽ ഇന്ത്യൻ ഫോറൻസിക് സംഘവും സഹായം നൽകുന്നുണ്ട്.

Nepal Flash Floods: നേപ്പാളിലെ മിന്നൽപ്രളയം; ആ ആറു മലയാളികൾ എവിടെ ?
നേപ്പാളിലെ മിന്നൽ പ്രളയം അക്ഷരാർത്ഥത്തിൽ ലോകത്തെ തന്നെ ഞെട്ടിച്ചിരിക്കുകയാണ്.
https://metbeatnews.com/disaster-impact-missing-travelers-and-evacuation-status

English Summary : Two mechanical staff members—Sanjay Sah (Mechanical Foreman) and Kabir Maharjan (Mechanical Supervisor)—were pulled alive from a tunnel at the Trishuli-3A Hydroelectric Project in Trishuli after 9 days.