ഇന്തോനേഷ്യയിൽ വീണ്ടും ശക്തമായ ഭൂചലനം; ജനങ്ങൾ പരിഭ്രാന്തിയിൽ

ഇന്തോനേഷ്യയിലെ സെൻട്രൽ സുലവേസി പ്രവിശ്യയിൽ ചൊവ്വാഴ്ച രാവിലെ റിക്ടർ സ്‌കെയിലിൽ 6.7 തീവ്രത രേഖപ്പെടുത്തിയ ശക്തമായ ഭൂചലനം അനുഭവപ്പെട്ടു. പ്രാദേശിക സമയം രാവിലെ 11:30 ഓടെയാണ് പലു നഗരത്തിലും സമീപ പ്രദേശങ്ങളിലും ഭൂചലനം ഉണ്ടായത്.

ഭൂചലനത്തിന്റെ പ്രഭവകേന്ദ്രം പലു നഗരത്തിൽ നിന്ന് ഏകദേശം 42 കിലോമീറ്റർ തെക്കുകിഴക്കായി, ഭൂമിക്കടിയിൽ 10 കിലോമീറ്റർ ആഴത്തിലാണെന്ന് ഇന്തോനേഷ്യൻ ഇന്തോനേഷ്യന്‍ മെറ്റീരിയോളജി, ക്ലൈമറ്റോളജി ആന്‍ഡ് ജിയോഫിസിക്‌സ് ഏജന്‍സി (BMKG) വ്യക്തമാക്കി.

പലു, സിഗി, ഡോങ്കാല, ടോജോ ഉനാ-ഉനാ തുടങ്ങിയ മേഖലകളിലാണ് കുലുക്കം ഏറ്റവും ശക്തമായി അനുഭവപ്പെട്ടത്. ഏതാനും സെക്കൻഡുകൾ നീണ്ടുനിന്ന ഭൂചലനത്തെ തുടർന്ന് ജനങ്ങൾ വീടുകളും കെട്ടിടങ്ങളും വിട്ട് തുറസ്സായ സ്ഥലങ്ങളിലേക്ക് ഓടി രക്ഷപ്പെട്ടു. തുറസ്സായ സ്ഥലങ്ങളില്‍ അഭയം തേടി.

സുനാമി ഭീഷണിയെന്ന ആശങ്കയിൽ തീരദേശ മേഖലകളിൽ താമസിക്കുന്ന ചിലർ മുൻകരുതലായി ഉയർന്ന പ്രദേശങ്ങളിലേക്ക് മാറി. ആശുപത്രികളിലും അടിയന്തര ഒഴിപ്പിക്കൽ നടപടികൾ നടന്നു. ഐ.വി ഡ്രിപ്പ് ചികിത്സയിലായിരുന്ന രോഗികളെ വരെ സുരക്ഷിത കേന്ദ്രങ്ങളിലേക്ക് മാറ്റിയതായി റിപ്പോർട്ടുകളുണ്ട്.

വ്യാപക നാശനഷ്ടങ്ങൾ ഉണ്ടായതായി പ്രാഥമിക വിവരങ്ങൾ സൂചിപ്പിക്കുന്നുണ്ടെങ്കിലും ആളപായത്തെക്കുറിച്ചുള്ള കൃത്യമായ വിവരങ്ങൾ പുറത്തുവന്നിട്ടില്ല. വ്യാജവാർത്തകൾ പ്രചരിപ്പിക്കരുതെന്നും ഔദ്യോഗിക അറിയിപ്പുകൾ മാത്രം വിശ്വസിക്കണമെന്നും അധികൃതർ ജനങ്ങളോട് അഭ്യർഥിച്ചു.

2018-ൽ ഭൂകമ്പവും തുടർന്നുണ്ടായ സുനാമിയും വൻ ദുരന്തം വിതച്ച പ്രദേശങ്ങളാണ് പലുവും ഡോങ്കാലയും. അതിനാൽ ഇത്തവണത്തെ ഭൂചലനവും പ്രദേശവാസികളിൽ വലിയ ആശങ്കയ്ക്കും ഭീതിക്കും കാരണമായി.

English Summary : A powerful 6.7 magnitude earthquake rattled Indonesia's Central Sulawesi province on Tuesday morning at approximately 11:30 AM local time. The tremor caused widespread panic across Palu city and neighboring regions.