കേരള തീരത്ത് ന്യൂനമർദ പാത്തി (Trough) നില നിൽക്കുന്ന സാഹചര്യത്തിൽ ഇന്നും വിവിധ ജില്ലകളിൽ മഴ ലഭിക്കും. തെക്കു കിഴക്കൻ അറബിക്കടലിൽ നിന്ന് തെക്കൻ കേരളത്തിൻ്റെ തീരപ്രദേശം വഴി കർണാടക ഭാഗത്തേക്ക് നീളുന്ന ന്യൂനമർദ്ദ പാത്തി മൂലം കേരളത്തിൻ്റെ തീരപ്രദേശങ്ങളിൽ കടലിൽ മേഘ രൂപീകരണം നടക്കുന്നുണ്ട്.

സമുദ്രനിരപ്പിൽ നിന്ന് 0.9 കിലോമീറ്റർ ഉയരത്തിലാണ് ന്യൂനമർദ്ദ പാത്തി രൂപപ്പെട്ടത്. വടക്കൻ കേരളത്തിൻറെ തീരപ്രദേശങ്ങളിലും തിരുവനന്തപുരത്ത് തിര മേഖലകളിലും ആണ് മേഘങ്ങൾ ഉള്ളത്. ഉച്ചയ്ക്ക് ശേഷം കരകയറാനാണ് സാധ്യത. അതോടൊപ്പം കിഴക്കൻ കാറ്റ് സജീവമായതിനാൽ ഇടിയോടുകൂടിയുള്ള മേഘങ്ങളും രൂപപ്പെടും.

ഇനിയുള്ള ദിവസങ്ങളിൽ ഇടിയോടു കൂടെയുള്ള തുലാവർഷ മഴ കേരളത്തിന്റെ വിവിധ ഭാഗങ്ങളിൽ ലഭിക്കും. മലയോര മേഖലകളിൽ ഇടിമിന്നലിനും മലവെള്ളപ്പാച്ചിലിനും സാധ്യതയുള്ളതിനാൽ ജാഗ്രത പാലിക്കണം.

ഇന്നത്തെ മഴ സാധ്യത പ്രദേശങ്ങൾ

ചാലക്കുടി, അങ്കമാലി, വള്ളിക്കുളങ്ങര, ആലുവ, പെരുമ്പാവൂർ, ഇല്ലിത്തോട്, പുത്തൻകുരിശ്, മൂവാറ്റുപുഴ , പിറവം, ഏറ്റുമാനൂര്, കോട്ടയം, കറുകച്ചാൽ, തിരുവല്ല, കോഴഞ്ചേരി, പന്തളം, കാഞ്ഞിരപ്പള്ളി, ചിറ്റാർ, കോന്നി, നെടുമങ്ങാട്, വിതുര, പട്ടാമ്പി, ഒറ്റപ്പാലം, പെരിന്തൽമണ്ണ തുടങ്ങിയ പ്രദേശങ്ങളിൽ ഉച്ചക്ക് ശേഷം ഇടിയോടെ മഴ സാധ്യത.

English Summary :

A low-pressure trough existing off the Kerala coast (extending from the southeast Arabian Sea through southern Kerala toward Karnataka at an altitude of 0.9 km) is causing cloud formation along coastal areas. Cloud clusters are currently observed over northern Kerala's coast and Thiruvananthapuram