ശ്രീലങ്കക്ക് സമീപം രണ്ടുദിവസത്തിനകം ന്യൂനമർദ്ദം രൂപപ്പെടും

തെക്കു കിഴക്കൻ ബംഗാൾ ഉൾക്കടലിൽ ശ്രീലങ്കക്കും തമിഴ്നാടിനും ഇടയിലായി വെള്ളിയാഴ്ചയോടെ ന്യൂനമർദ്ദം രൂപപ്പെടാൻ സാധ്യത. ഈ മാസം 13ന് ന്യൂനമർദ്ദം രൂപപ്പെടുമെന്ന് വിവിധ കാലാവസ്ഥ മോഡലുകൾ പറയുന്നു. നവംബർ 14ന് ഈ സിസ്റ്റം വീണ്ടും ശക്തിപ്പെട്ടു well marked low pressure ആകാൻ സാധ്യത. തുടർന്ന് പതിനഞ്ചിനോ 16 നോ ന്യൂനമർദ്ദം തീവ്ര ന്യൂനമർദ്ദം ( Depression) ആയേക്കാം. വീണ്ടും ശക്തിപ്പെട്ടാൽ ചുഴലിക്കാറ്റ് ആകാനും സാധ്യതയുണ്ട്.

നവംബർ 20 ഓടെ ചുഴലിക്കാറ്റ് സാധ്യത നേരത്തെ നമ്മൾ സൂചിപ്പിച്ചിരുന്നു. എന്നാൽ ഇപ്പോഴത്തെ നിരീക്ഷണ പ്രകാരം ചുഴലിക്കാറ്റ് ആകുമോ എന്നുള്ള കാര്യത്തിൽ സംശയം നിലനിൽക്കുന്നു.

ശ്രീലങ്കയിൽ ഈ സിസ്റ്റം മൂലം ശക്തമായ മഴയ്ക്ക് സാധ്യത. പ്രാദേശിക പ്രണയത്തിനും മണ്ണിടിച്ചിലിനും സാധ്യതയുണ്ട്. തമിഴ്നാട്ടിലും തെക്കൻ കേരളത്തിലും ജാഗ്രത തുടരേണ്ടി വരുമെങ്കിലും ചിലപ്പോൾ സിസ്റ്റം ഈ പ്രദേശങ്ങളെ ബാധിക്കാതെ കടന്നുപോകും. സിസ്റ്റത്തിന്റെ ഭാഗമായി കേരളത്തിലും തമിഴ്നാട്ടിലും മഴ പ്രതീക്ഷിക്കണം. ഓറഞ്ച് അലർട്ട് ഉൾപ്പെടെ ഉണ്ടാകാനും സാധ്യതയുണ്ട്.

സിസ്റ്റം കന്യാകുമാരി കടൽ വഴി അറബിക്കടലിലേക്ക് നീങ്ങാനാണ് സാധ്യത. അറബിക്കടലിൽ എത്തിയാൽ വീണ്ടും ശക്തിപ്പെടുമോ എന്നുള്ള കാര്യവും നിരീക്ഷിക്കപ്പെടണം. ട്രാക്ക് ഉൾപ്പെടെ കൂടുതൽ വിവരങ്ങൾ അടുത്ത ദിവസങ്ങളിൽ വ്യക്തമാകും.

English Summary : A low-pressure system is expected to develop over the southeast Bay of Bengal, between Sri Lanka and Tamil Nadu, by Friday (November 13). Weather models indicate that it could strengthen into a well-marked low-pressure area by November 14 and potentially intensify into a depression by November 15 or 16, with a possibility of further intensifying into a cyclone.