ബംഗാൾ ഉൾക്കടലിൽ ന്യൂനമർദ്ദം ശക്തിപ്പെടുന്നു, കേരളത്തിൽ മഴ സാധ്യത

ബംഗാൾ ഉൾക്കടലിൽ ന്യൂനമർദ്ദം ശക്തിപ്പെടുന്നതിന്റെ ഭാഗമായി രണ്ടുദിവസത്തിനുശേഷം കേരളത്തിൽ ഒറ്റപ്പെട്ട മഴ സാധ്യത. കഴിഞ്ഞ രണ്ട് ദിവസമായി തുടരുന്ന ചൂട് ഇന്നും നാളെയും തുടരും. നവംബർ 2ന് ശേഷം കേരളത്തിൽ പലയിടങ്ങളിലായി വീണ്ടും മഴ റിപ്പോർട്ട് ചെയ്യും. എന്നാൽ വ്യാപകമായ മഴ പ്രതീക്ഷിക്കാൻ കഴിയില്ല. അതിശക്തമായ മഴക്കും സാധ്യത കുറവാണ്.

ഏതൊക്കെ പ്രദേശങ്ങളിലാണ് മഴ സാധ്യത എന്ന് അടുത്ത അപ്ഡേറ്റുകളിൽ അറിയാൻ കഴിയും. മഴ കൂടുതലായി പ്രതീക്ഷിക്കുന്നത് വടക്കൻ ജില്ലകളിലാണ്. തുടർന്ന് നവംബർ 8 ന് ശേഷം അല്പം വ്യാപകമായി തെക്കൻ ജില്ലകളിലും മഴ എത്താൻ സാധ്യതയുണ്ട്.

ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി ശക്തിപ്പെടും. നേരത്തെയുള്ള സൂചനകൾ അനുസരിച്ച് ഇത് ചുഴലിക്കാറ്റ് ആകാനും സാധ്യത ഉണ്ടെങ്കിലും, ഇപ്പോഴത്തെ നിരീക്ഷണത്തിൽ ആ സാധ്യത ഇല്ലാതെയായി. തീവ്ര ന്യൂനമർദ്ദമായി ഏതാനും മണിക്കൂറുകൾ തുടർന്ന് ശേഷം വീണ്ടും ശക്തി കുറയാനും തുടർന്ന് വടക്കൻ തമിഴ്നാട്ടിലെ തെക്കൻ ആന്ധ്രപ്രദേശിലോ കരകയറാനുമാണ് സാധ്യത.

നേരത്തെ ബംഗാൾ ഉൾക്കടലിൽ നിന്ന് കരകയറിയ അർണബ് ചുഴലിക്കാറ്റ്, ഈർപ്പത്തെ കരയിലേക്ക് എത്തിച്ചതിനാൽ മധ്യ ഇന്ത്യയിൽ ഇന്നും മഴ തുടരാൻ സാധ്യത. ബംഗാൾ ഉൾ കടലിൽ ഉപഗ്രഹ ചിത്രങ്ങളിൽ ഈർപ്പ സാന്നിധ്യം കുറവാണ്. ഇത് തുലാമഴയെ ബാധിക്കുന്നുണ്ട്.

താൽക്കാലികമായി മഴ കുറഞ്ഞെങ്കിലും ഇനിയുള്ള ദിവസങ്ങളിലും തുലാവർഷം ലഭിക്കുമെന്ന് പ്രതീക്ഷിക്കാം.

English Summary :

A strengthening low-pressure system in the Bay of Bengal is set to bring isolated rainfall to Kerala starting after November 2, following two days of warm weather. While widespread or heavy rainfall is unlikely initially, light to moderate rain is expected primarily in the northern districts