കേരളത്തില്‍ വിവിധ ജില്ലകളില്‍ ഇന്ന് മഴ തുടങ്ങി. രാവിലത്തെ ഞങ്ങളുടെ അവലോകന റിപ്പോര്‍ട്ടില്‍ പ്രവചിച്ച പ്രദേശങ്ങളില്‍ അല്‍പം വൈകിയാണ് മഴ തുടങ്ങിയത്. ഉച്ചയ്ക്ക് 1 മണിക്ക് ശേഷം കണ്ണൂരിന്റെ കിഴക്കന്‍ മേഖലയായ ആലക്കോട്, ചെറുപുഴ ഭാഗങ്ങളില്‍ മഴ ലഭിക്കുമെന്നായിരുന്നു പ്രവചനം. എന്നാല്‍ വൈകിട്ട് മൂന്നരയോടെ ചെറുപുഴയിലും പരിസര മേഖലകളിലും മഴയെത്തി. കണ്ണൂര്‍ രായരോമില്‍ ഇടിയും മിന്നലുമുണ്ടായിരുന്നു.

Weather Keralam 18/10/26 : ഇന്ന് ഈ പ്രദേശങ്ങളിൽ ഉച്ചയ്ക്കുശേഷം മഴ സാധ്യത
Kerala Weather Update (October 18, 2026): Yellow Alert Issued for Northern Districts and Afternoon Thundershowers Expected
https://metbeatnews.com/yellow-alert-issued-for-northern-districts-and-afternoon-thundershowers-expected

തെക്കുപടിഞ്ഞാറന്‍ അറബിക്കടലില്‍ രൂപപ്പെട്ട ന്യൂനമര്‍ദം മൂലം കേരളത്തില്‍ കൂടുതല്‍ പ്രദേശങ്ങളില്‍ മഴ സാധ്യതയുണ്ട്. അടുത്ത 24 മണിക്കൂറിനകം ന്യൂന മര്‍ദം ദൂര്‍ബലപ്പെട്ട് ചക്രവാതച്ചുഴി ആകാനാണ് സാധ്യത.

ലക്ഷദ്വീപില്‍ നിന്ന് വടക്കന്‍ ഉള്‍നാടന്‍ കര്‍ണാടകയിലേക്ക് നീങ്ങുന്ന ന്യൂനമര്‍ദപാത്തി കാരണം കണ്ണൂര്‍, കാസര്‍കോട് ജില്ലകളുടെ മലയോരത്തും ഇതിനോട് ചേര്‍ന്ന കര്‍ണാടകയിലെ മലനിരകളിലും ഇന്ന് ഇടിയോടെ മഴ സാധ്യത പ്രവചിക്കപ്പെട്ടിരുന്നു. ഈ മേഖലയില്‍ ഇതിനകം മഴ ലഭിച്ചിട്ടുണ്ട്.

കണ്ണൂർ ജില്ലയിലെ രായരോമിൽ ഇന്ന് വൈകിട്ട് ഉണ്ടായ മിന്നൽ 📷 : Tinu

കോഴിക്കോട് ജില്ലയുടെ കിഴക്കന്‍ മേഖലയായ തുഷാരഗിരി, മലപ്പുറം ജില്ലയുടെ കിഴക്കന്‍ മേഖലയായ കാളികാവ്, പാലക്കാട് ജില്ലയിലെ മണ്ണാര്‍ക്കാട് എന്നിവിടങ്ങളില്‍ മഴ ലഭിച്ചു. പാലക്കാട് ജില്ലയിലെ പട്ടാമ്പി, കല്ലടിക്കോട്, വടക്കാഞ്ചേരി ഇന്ന് രാവിലത്തെ അവലോകനത്തില്‍ മഴ സാധ്യത പറഞ്ഞ പ്രദേശങ്ങളാണ്. ഇതില്‍ കല്ലടിക്കോട്, മണ്ണാര്‍ക്കാട് ഉള്‍പ്പെടെ വൈകിട്ട് 5 ഓടെ മഴ ലഭിച്ചു.

കോട്ടയം ജില്ലയിലെ പാതാംപുഴ ഉള്‍പ്പെടെയുള്ള പ്രദേശങ്ങളിലും ശക്തമായ മഴ ലഭിച്ചു.

English Summary : Rain has commenced across multiple districts in Kerala, driven by a low-pressure system formed over the southwest Arabian Sea. Although slightly delayed compared to morning forecasts, rainfall with occasional thunder and lightning was reported in various eastern and highland regions, including Kannur