ന്യൂനമർദ്ദം ശക്തി പ്രാപിക്കുന്നു, കനത്ത മഴയും കാറ്റും മഞ്ഞു വീഴ്ച്ചയും

അയർലണ്ടിൽ വീണ്ടും സ്നോയെത്തുമെന്ന് കാലാവസ്ഥാ നിരീക്ഷകരുടെ മുന്നറിയിപ്പ്. ന്യൂനമർദ്ദം ശക്തി പ്രാപിക്കുന്നതിനാലാണ് രാജ്യത്തിന്റെ ചില ഭാഗങ്ങളിൽ മഞ്ഞുവീഴ്ചയ്ക്ക് സാധ്യത വരുന്നത്.അടുത്ത ആഴ്‌ച ശക്തമായ മഴയും കാറ്റുമുണ്ടാകുമെന്നും രാജ്യത്തിന്റെ ചില ഭാഗങ്ങളിൽ ചൊവ്വാഴ്ച സ്ലീറ്റും സ്നോയും മഞ്ഞുവീഴ്ചയും ഉണ്ടാകുമെന്നും ഡോണേഗൽ വെതർ ചാനൽ പ്രവചിക്കുന്നു.മെറ്റ് ഏറാനും ചൊവ്വാഴ്ചത്തെ കനത്ത മഞ്ഞ് വീഴ്ച സ്ഥിരീകരിച്ചിട്ടുണ്ട്.

അടുത്ത ചൊവ്വാഴ്‌ച രാവിലെയും ഉച്ചയ്ക്കും അയർലണ്ടിന് മുകളിൽ ന്യൂനമർദ്ദമുണ്ടാകും.ഇത് മഴയെ സ്നോയിലേയ്ക്ക് പരിവർത്തനം ചെയ്യിക്കും.ഇ സി എം ഡബ്ല്യു എഫും യു കെ എം ഒ മോഡലും ചൊവ്വാഴ്ചത്തെ കാലാവസ്ഥാ പ്രവചനം ശരിവെയ്ക്കുന്നു. ചില ഉയർന്ന പ്രദേശങ്ങളിൽ സ്നോ വലിയ പ്രശ്നമാകുമെന്നും നിരീക്ഷണം പറയുന്നു.

കനത്ത മഴയ്ക്ക് സാധ്യത

ചൊവ്വാഴ്ച കനത്ത മഴയ്ക്കുള്ള സാധ്യതയുമുണ്ട്. ഉയർന്ന പ്രദേശങ്ങളിൽ കുറച്ചുനേരം സ്നോയും സ്ളീറ്റും പോലെ മഴ പെയ്യുമെന്നും വീണ്ടും മഴയായി മാറുമെന്നും കാർലോ വെതറിലെ അലൻ ഒ'റെയ്ലി നിരീക്ഷിച്ചു. അടുത്ത നാല് ദിവസങ്ങളിൽ കൂടുതൽ മഴ പെയ്യാൻ സാധ്യതയുണ്ട്. ഇപ്പോൾ മുതൽ വ്യാഴാഴ്ച വരെ തെക്കുകിഴക്കൻ ഭാഗങ്ങളിൽ 100 മില്ലിമീറ്ററിൽ കൂടുതൽ മഴ പെയ്യുമെന്നും ഇദ്ദേഹം പ്രവചിക്കുന്നു.

വെയിൽ പ്രതീക്ഷിക്കാം

ചൊവ്വാഴ്ച ഫ്രോസ്റ്റും ഐസും തണുപ്പുമുള്ള കാലാവസ്ഥയായിരിക്കും. പടിഞ്ഞാറ് ഭാഗത്ത് കൂടുതൽ വെയിലുമുണ്ടാകും. ഉച്ചകഴിഞ്ഞ് ഈർപ്പവും കാറ്റും കിഴക്കൻ കൗണ്ടികളിലേക്ക് വ്യാപിക്കും. ഉയർന്ന പ്രദേശങ്ങളിൽ മഴ മഞ്ഞുവീഴ്ചയായി മാറാൻ സാധ്യതയുണ്ടെന്നും 3സി മുതൽ 7സി വരെ ആയിരിക്കും ഉയർന്ന താപനിലയെന്നും മെറ്റ് ഏറാൻ വിശദീകരിച്ചു.

English Summary : There is also a chance of heavy rain on Tuesday. Alan O'Reilly of Carlow Weather has predicted that the rain will turn to snow and sleet in the higher areas for a short time, before changing to rain again.