എട്ട് ജില്ലകളിൽ ഇന്ന് യെല്ലോ അലേർട്ട്; 24, 25 തീയതികളിൽ വടക്കൻ കേരളത്തിൽ മഴ ശക്തമാകും

കേരളത്തിൽ അടുത്ത അഞ്ച് ദിവസം വിവിധ ജില്ലകളിൽ ശക്തമായ മഴയ്ക്ക് സാധ്യത. ഇന്ന് എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ ജില്ലകളിലാണ് ഇന്ന് ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യത.

പാലക്കാട് മുതൽ കാസർകോട് വരെയുള്ള വടക്കൻ ജില്ലകളിൽ ഇന്ന് കാര്യമായ മഴ മുന്നറിയിപ്പില്ല. ഇവിടെ നേരിയതോ മിതമായതോ ആയ മഴയ്ക്കാണ് സാധ്യത. 22, 23 തീയതികളിൽ സംസ്ഥാനത്ത് പ്രത്യേക മഴ മുന്നറിയിപ്പുകളില്ല. എല്ലാ ജില്ലകളിലും സാധാരണ രീതിയിലുള്ള മഴയ്ക്കാണ് സാധ്യത.

Kerala Weather : മലപ്പുറത്ത് മലവെള്ളപ്പാച്ചിൽ; മരണം അഞ്ചായി, ആറ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു
മലപ്പുറം ചോക്കാട് പൂക്കോട്ടുപാടം ടി.കെ നഗറിലുണ്ടായ മലവെള്ളപ്പാച്ചിലിൽ മരിച്ചവരുടെ എണ്ണം അഞ്ചായി. കാണാതായവരിൽ
https://metbeatnews.com/malappuram-tragedy-claims-5-lives-orange-alert-issued-across-6-districts

വടക്കൻ കേരളത്തിൽ മഴ ശക്തമാകും

സെപ്റ്റംബർ 24, 25 തീയതികളിൽ വടക്കൻ കേരളത്തിൽ മഴ വീണ്ടും ശക്തമാകാൻ സാധ്യതയുണ്ട്. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഈ രണ്ട് ദിവസങ്ങളിലും ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുള്ളതിനാൽ യെല്ലോ അലർട്ട് പ്രഖ്യാപിച്ചിട്ടുണ്ട്.
മഴ മുന്നറിയിപ്പുള്ള ജില്ലകളിൽ പൊതുജനങ്ങൾ ജാഗ്രത പാലിക്കണമെന്നും കാലാവസ്ഥാ വകുപ്പിന്റെ നിർദേശങ്ങൾ കൃത്യമായി പാലിക്കണമെന്നും അധികൃതർ അറിയിച്ചു.

English Summary : The Indian Meteorological Department (IMD) has issued a yellow alert for eight districts in Kerala Thiruvananthapuram, Kollam, Pathanamthitta, Alappuzha, Kottayam, Ernakulam, Idukki, and Thrissur due to a forecast of isolated heavy rainfall today.