Weather Keralam 20/09/26 : ന്യൂനമർദ്ദം തെക്കൻ ജില്ലകളിൽ മഴ തുടങ്ങി

ആൻഡമാൻ കടലിൽ കഴിഞ്ഞദിവസം രൂപംകൊണ്ട ന്യൂനമർദ്ദത്തെ തുടർന്ന് കേരളത്തിൽ ഉൾപ്പെടെ സാധ്യത. രാവിലെ മുതൽ തെക്കൻ ജില്ലകളിൽ മഴ ലഭിക്കുന്നുണ്ട്. എറണാകുളം മുതൽ തെക്കോട്ടുള്ള ജില്ലകളിലാണ് മഴ ലഭിക്കുന്നത്. വടക്കൻ കേരളം മേഘാവൃതമാണ്.

അറബിക്കടലിലും ബംഗാൾ ഉൾക്കടലിലും കന്യാകുമാരി കടലിലും മേഘരൂപീകരണം നടക്കുന്നു. തമിഴ്നാട്ടിലും മറ്റും ഇടിയോടുകൂടിയുള്ള മഴയ്ക്കും സാധ്യത. ഇന്ന് മുതൽ മൂന്നുദിവസം കേരളത്തിൽ മഴ ലഭിക്കുമെന്ന് നേരത്തെ പ്രവചനം ഉണ്ടായിരുന്നു.

രാവിലെ മുതൽ കോട്ടയം, പത്തനംതിട്ട ജില്ലകളിൽ ഒറ്റപ്പെട്ട ശക്തമായ മഴ റിപ്പോർട്ട് ചെയ്തു. ഇന്നലെ രാത്രിയും ഈ ജില്ലകളിൽ മഴയുണ്ടായിരുന്നു. എന്നാൽ വടക്കൻ കേരളത്തിൽ മഴ ലഭിച്ചില്ല. ഇന്ന് രാവിലെ മുതൽ വടക്കൻ ജില്ലകൾ മേഘാവൃതമായ അന്തരീക്ഷമാണെന്ന് ഉപഗ്രഹ ചിത്രങ്ങൾ തെളിയിക്കുന്നു.

ആൻഡമാൻ കടലിലെ ന്യൂനമർദ്ദം ഈ മാസം 22 ന് ശേഷം ശക്തിപ്പെട്ട് ഒഡീഷക്കും ആന്ധ്രപ്രദേശിനും ഇടയിൽ കരകയറാനാണ് സാധ്യത. കരകയറും മുമ്പ് ചുഴലിക്കാറ്റ് ആകാൻ വരെ സാധ്യതയുണ്ട്. ഒഡീഷയിൽ ന്യൂനമർദ്ദ സാധ്യതയെ തുടർന്ന് 20 ജില്ലകൾക്ക് സംസ്ഥാന സർക്കാർ അലർട്ട് പുറപ്പെടുവിച്ചു. വരും ദിവസങ്ങളിൽ കനത്ത മഴയും ഇടിയോടുകൂടിയുള്ള കാറ്റും ഉണ്ടാകുമെന്നാണ് മുന്നറിയിപ്പ്.

ചുഴലിക്കാറ്റ് ആയാൽ അർണബ്

ഈ ന്യൂനമർദ്ദം ഈ മാസം 22 ഓടെ ചുഴലിക്കാറ്റ് ആയി മാറാൻ സാധ്യതയുണ്ടെന്ന് Metbeat Weather പറയുന്നു. ഈ സീസണിലെ ബംഗാൾ ഉൾക്കടലിലെ ആദ്യത്തെ ചുഴലിക്കാറ്റ് ആയിരിക്കും ഇത്. ഇന്ത്യ നൽകിയ അർണബ് എന്ന പേരിലായിരിക്കും ചുഴലിക്കാറ്റ് രൂപപ്പെട്ടാൽ അറിയപ്പെടുക.

95 B എന്ന പേരിലാണ് ബംഗാൾ ഉൾക്കടലിൽ ഇപ്പോൾ രൂപപ്പെട്ട ന്യൂനമർദ്ദം അറിയപ്പെടുക. ഇപ്പോഴത്തെ ന്യൂനമർദ്ദം തീവ്ര ന്യൂനമർദ്ദം ആകാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി.

സെപ്റ്റംബർ സിസ്റ്റങ്ങൾ ആന്ധ്രയിലേക്ക്

നിലവിൽ കാലാവസ്ഥ മോഡലുകൾ നൽകുന്ന സൂചന പ്രകാരം ആന്ധ്രാപ്രദേശിന്റെ വടക്കൻ മേഖലയും ഒഡീഷയുടെ തെക്കൻ മേഖലയും ലക്ഷ്യമാക്കിയാണ് ഈ ന്യൂനമർദ്ദം സഞ്ചരിക്കുന്നത്. എന്നാൽ ബംഗാൾ ഉൾക്കടലിൽ എത്തിയശേഷം ഇതിൻ്റെ ദിശയിൽ മാറ്റം വരാനുള്ള സാധ്യത നിലനിൽക്കുന്നു.

ഉയർന്ന മർദ്ദ മേഖലയായ സബ്ട്രോപിക്കൽ റിഡ്ജ് രൂപപ്പെടുന്നത് അനുസരിച്ച് സിസ്റ്റത്തിന്റെ പാത ആന്ധ്രപ്രദേശിലേക്ക് മാറാൻ സാധ്യതയുണ്ട്. നേരത്തെയും സെപ്റ്റംബർ ഒക്ടോബർ മാസങ്ങളിലെ ന്യൂനമർദ്ദങ്ങൾ ആന്ധ്രപ്രദേശിൽ കരകയറിയ ചരിത്രമുണ്ട്. അങ്ങനെയെങ്കിൽ കേരളത്തിലും തമിഴ്നാട്ടിലും കൂടുതൽ മഴ സാധ്യത പ്രതീക്ഷിക്കാം.

തീരത്തോട് അടുത്ത് ചുഴലിക്കാറ്റ്

ബംഗാൾ ഉൾക്കടലിൽ ഈ മാസം 21നു ശേഷം ചുഴലിക്കാറ്റ് സാധ്യതയുണ്ടെന്ന് കഴിഞ്ഞ ആഴ്ച തന്നെ Metbeat News റിപ്പോർട്ട് ചെയ്തിരുന്നു. ഇപ്പോഴത്തെ ന്യൂനമർദ്ദം ശക്തിപ്പെട്ട് കരകയറുന്നതിനു മുൻപായി ഏതാനും മണിക്കൂറുകൾ ചുഴലിക്കാറ്റ് മാനദണ്ഡത്തിലേക്ക് എത്തുമെന്നാണ് പ്രതീക്ഷിക്കുന്നത്. സിസ്റ്റം ശക്തിപ്പെടാൻ ഉള്ള എല്ലാ അനുകൂല അന്തരീക്ഷവും ഈ മേഖലയിലുണ്ട് എന്നുള്ളതാണ് കാരണം.

അതിനിടെ, കാലവർഷം വടക്കു പടിഞ്ഞാറ് ഇന്ത്യയിൽ നിന്ന് സാധാരണയേക്കാൾ രണ്ട് ദിവസം വൈകി വിടവാങ്ങൽ തുടങ്ങി. പടിഞ്ഞാറൻ രാജസ്ഥാനിൽ നിന്നാണ് കാലവർഷം വിടവാങ്ങൽ ആരംഭിച്ചത്. ഒരു ചെറിയ പ്രദേശത്ത് മാത്രമാണ് കാലാവർഷം ഇവിടെ വാങ്ങിയത്. തുടർന്നുള്ള ദിവസങ്ങളിൽ സമീപപ്രദേശങ്ങളിലേക്ക് കൂടി വ്യാപിക്കും.

കാലവർഷം കേരളത്തിൽ നിന്ന് വിടവാങ്ങുന്നതോടെ മാത്രമാണ് രാജ്യത്തുനിന്ന് പൂർണമായി വിടവാങ്ങി എന്ന് പറയാൻ കഴിയുക. ഇത്തവണ ഒക്ടോബർ 15ന് മുമ്പ് കാലവർഷം കേരളത്തിൽ നിന്ന് വിടവാങ്ങുമെന്നാണ് പ്രതീക്ഷിക്കുന്നത്.

പിന്നാലെ തുലാവർഷം എത്തും. തുലാവർഷം സാധാരണ രീതിയിൽ ലഭിക്കാനാണ് സാധ്യത. എൽ നിനോ ഭീഷണി ഉണ്ടെങ്കിലും, ഇന്ത്യൻ ഓഷ്യൻ ഡൈപോൾ (IOD) പോസിറ്റീവിലേക്ക് വരുന്നതാണ് കാരണം. എല്ലാ വർഷത്തെ ലഭിക്കുന്ന മഴവെള്ളം പരമാവധി സംഭവിച്ചാൽ വരാനിരിക്കുന്ന വരൾച്ചയെ നേരിടാൻ കഴിയും.

നിങ്ങളുടെ പ്രദേശത്തെ കാലാവസ്ഥ അടുത്ത 15 ദിവസം വരെയുള്ളത് മുൻകൂട്ടി അറിയാം ഞങ്ങളുടെ ഫോർകാസ്റ്റ് വെബ്സൈറ്റ് ഉപയോഗിക്കാം. മിന്നൽ, മഴ സാധ്യത, ലൈവ് ഉപഗ്രഹ ചിത്രങ്ങൾ, കാറ്റ്, കടലിലെ ഒഴുക്ക് എന്നിവ അറിയാൻ ഞങ്ങളുടെ വെബ്സൈറ്റിൽ നൽകിയ താഴെയുള്ള ലിങ്ക് ഉപയോഗിക്കാം.

ലൈവ് ആയി മഴ മേഘങ്ങൾ, കാറ്റ് ഉപഗ്രഹ ചിത്രങ്ങൾ എന്നിവ കാണാൻ.👇

Live Lightning Strike Map | Metbeat News
Real-time lightning strike tracker for Kerala and the world. Live thunderstorm and lightning activity map powered by Blitzortung.org.
https://metbeatnews.com/page/lightning-strike-map

English Summary : Low Pressure Brings Rain to Southern Kerala; Cyclone Arnab Likely to Form by September 22. A low-pressure system that formed over the Andaman Sea has triggered rainfall across southern Kerala, with showers reported from Ernakulam southward since morning, while northern Kerala remains cloudy.