ബംഗാൾ ഉൾക്കടലിൽ ന്യൂനമർദം രൂപപ്പെട്ടു; കേരളത്തിൽ 25 വരെ മഴയ്ക്കും കാറ്റിനും സാധ്യത

തെക്കുപടിഞ്ഞാറൻ ബംഗാൾ ഉൾക്കടലിൽ തമിഴ്നാട് തീരത്തിന് സമീപം ന്യൂനമർദം രൂപപ്പെട്ടു. ഇതിന് പിന്നാലെ ബംഗാൾ ഉൾക്കടലിൽ മറ്റൊരു ന്യൂനമർദം കൂടി രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ സാഹചര്യത്തിൽ കേരളത്തിൽ ഒക്ടോബർ 21 മുതൽ 25 വരെ മഴ ശക്തമാകാൻ സാധ്യതയുണ്ട്. ചില ദിവസങ്ങളിൽ ഒറ്റപ്പെട്ടയിടങ്ങളിൽ അതിശക്തമായ മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ കാറ്റിനും സാധ്യതയുണ്ടെന്നാണ് മുന്നറിയിപ്പ്.

തായ്‌ലൻഡ് കടലിടുക്കിനും സമീപത്തെ തായ്‌ലൻഡ്, മ്യാൻമർ പ്രദേശങ്ങൾക്കും മുകളിലായി ചക്രവാതച്ചുഴി സ്ഥിതിചെയ്യുന്നുണ്ട്. ഈ ചക്രവാതച്ചുഴി ഇന്ന് (ഒക്ടോബർ 21) വടക്കൻ ആൻഡമാൻ കടലിലേക്ക് പ്രവേശിക്കാനാണ് സാധ്യത. തുടർന്ന് പടിഞ്ഞാറ്-വടക്കുപടിഞ്ഞാറ് ദിശയിൽ നീങ്ങും. ഇതിന്റെ സ്വാധീനഫലമായി ഒക്ടോബർ 23-ഓടെ തെക്കുകിഴക്കൻ ബംഗാൾ ഉൾക്കടലിലും സമീപത്തെ മധ്യ-കിഴക്കൻ ബംഗാൾ ഉൾക്കടലിലും പുതിയ ന്യൂനമർദം രൂപപ്പെട്ടേക്കും.

Kerala Weather : അഞ്ച് ജില്ലകളിൽ ഓറഞ്ച് അലർട്ട്; ഇന്ന് വൈകിട്ട് കവചം സൈറണുകൾ മുഴങ്ങും
സംസ്ഥാനത്ത് ശക്തമായ മഴയ്ക്ക് സാധ്യതയുള്ളതിനാൽ അഞ്ച് ജില്ലകളിൽ ഇന്ന് (ഒക്ടോബർ 21) ഓറഞ്ച് അലർട്ട് പ്രഖ്യാപിച്ചു.
https://metbeatnews.com/orange-alert-issued-for-5-districts

തുടർന്നുള്ള ദിവസങ്ങളിൽ വടക്കുപടിഞ്ഞാറൻ ദിശയിൽ നീങ്ങുന്ന ന്യൂനമർദം കൂടുതൽ ശക്തിപ്രാപിക്കാനും സാധ്യതയുണ്ട്. ബംഗാൾ ഉൾക്കടലിലെ ഈ കാലാവസ്ഥാ മാറ്റങ്ങൾ ദക്ഷിണേന്ത്യയിലെ മഴസാഹചര്യത്തെയും സ്വാധീനിച്ചേക്കാം.

കേരളത്തിൽ അഞ്ച് ദിവസം മഴ

ഒക്ടോബർ 21 മുതൽ 25 വരെ കേരളത്തിൽ പൊതുവെ നേരിയതോ മിതമായതോ ആയ മഴയ്ക്ക് സാധ്യതയുണ്ട്. ഇതോടൊപ്പം ചില ദിവസങ്ങളിൽ ഒറ്റപ്പെട്ടയിടങ്ങളിൽ ശക്തമായതോ അതിശക്തമായതോ ആയ മഴ ലഭിച്ചേക്കും.

ഒക്ടോബർ 21, 22, 24, 25 തീയതികളിലാണ് ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് സാധ്യതയുള്ളത്. ഒക്ടോബർ 21 മുതൽ 25 വരെ എല്ലാ ദിവസങ്ങളിലും ഒറ്റപ്പെട്ടയിടങ്ങളിൽ ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

കേരള തീരത്ത് 25 ന് ന്യൂനമർദ്ദ സാധ്യത, അറബിക്കടലിൽ ന്യൂനമർദ്ദം തുടരുന്നു, ബംഗാൾ ഉൾക്കടലിൽ നാളെയും 23നും ന്യൂനമർദ്ദങ്ങൾ രൂപപ്പെടും
Multiple Low-Pressure Systems Form Across Arabian Sea and Bay of Bengal, Triggering Heavy Rain Warning for Kerala
https://metbeatnews.com/multiple-low-pressure-systems-form-across-arabian-sea-and-bay-of-bengal-triggeri

കാറ്റിന് സാധ്യത

മഴയ്ക്കൊപ്പം ഇടിമിന്നലിനും ശക്തമായ കാറ്റിനും സാധ്യതയുണ്ട്. ഒക്ടോബർ 21 മുതൽ 23 വരെ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റിനും സാധ്യതയുണ്ട്.
ഒക്ടോബർ 24, 25 തീയതികളിൽ കാറ്റിന്റെ വേഗം മണിക്കൂറിൽ 40 മുതൽ 50 കിലോമീറ്റർ വരെയാകാം. ശക്തമായ മഴയ്ക്കും കാറ്റിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം.

English Summary : The India Meteorological Department (IMD) has issued a heavy rain and wind alert for Kerala from October 21 to October 25, driven by consecutive low-pressure systems forming over the Bay of Bengal.