ന്യൂനമർദ്ദം കേരള തീരത്തേക്ക് നീങ്ങാൻ സാധ്യത; 26 വരെ മഴയും കാറ്റും ശക്തമാകും

കേരളം, കന്യാകുമാരി, തമിഴ്‌നാട് മേഖലകൾക്ക് മുകളിലായി നിലവിലുള്ള ന്യൂനമർദം നാളെയോടെ അറബിക്കടലിൽ കേരള തീരത്തേക്ക് നീങ്ങാൻ സാധ്യത. ഇതിന്റെ സ്വാധീനഫലമായി സംസ്ഥാനത്ത് മഴയും ഇടിമിന്നലും കാറ്റും ശക്തമാകാനിടയുണ്ട്.

ഇന്ന് വടക്കൻ കേരളത്തിലെ ജില്ലകളിൽ മഴ വർധിക്കാൻ സാധ്യതയുണ്ട്. തുടർന്നുള്ള ദിവസങ്ങളിൽ, ഒക്ടോബർ 26 വരെ, സംസ്ഥാനത്തെ എല്ലാ ജില്ലകളിലും മഴ, ഇടിമിന്നൽ, കാറ്റ് എന്നിവ ശക്തിപ്പെടാൻ സാധ്യതയുണ്ടെന്നാണ് കാലാവസ്ഥാ വിലയിരുത്തൽ.

അതേസമയം, ബംഗാൾ ഉൾക്കടലിൽ രൂപപ്പെടുന്ന മറ്റൊരു ന്യൂനമർദം ശക്തിപ്രാപിച്ച് ആന്ധ്രാപ്രദേശ്–ഒഡിഷ തീരങ്ങളിലേക്ക് നീങ്ങാനും സാധ്യതയുണ്ട്. ഈ രണ്ട് കാലാവസ്ഥാ സംവിധാനങ്ങളുടെയും പശ്ചാത്തലത്തിൽ വരും ദിവസങ്ങളിലെ മഴയിലും കാറ്റിലും മാറ്റങ്ങളുണ്ടാകാം.

English Summary : A low-pressure system over Kerala, Kanyakumari, and Tamil Nadu is expected to move toward the Arabian Sea near the Kerala coast, bringing widespread heavy rainfall, thunderstorms, and strong winds across the state.