സംസ്ഥാനത്ത് 5 ദിവസം നേരിയ മഴയ്ക്ക് സാധ്യത; മുന്നറിയിപ്പുകൾ ഇല്ല

കേരളത്തിൽ 5 ദിവസം നേരിയ മഴയ്ക്ക് സാധ്യതയെന്ന് കാലാവസ്ഥാ വകുപ്പ് അറിയിച്ചു. ഇന്ന് മുതൽ സെപ്റ്റംബർ 1 വരെയുള്ള ദിവസങ്ങളിലാണ് നേരിയ മഴ സാധ്യത പ്രവചിച്ചിരിക്കുന്നത്.

Low Pressure Area to Form in Bay of Bengal : ഓഗസ്റ്റ് 29 ഓടെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യത, കേരളത്തിലെ മഴ സാധ്യത ഇങ്ങനെ
ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപപ്പെടാൻ സാധ്യതയെന്ന് കാലാവസ്ഥ വകുപ്പ്. വടക്കുപടിഞ്ഞാറൻ ബംഗാൾ ഉൾക്കടലിനും സമീപ പശ്ചിമ ബംഗാൾ–വടക്കൻ ഒഡിഷ തീരപ്രദേ
https://metbeatnews.com/eastern-and-central-india-along-with-odisha-west-bengal-and-jharkhand

മുന്നറിയിപ്പുകളോ ജാഗ്രതാ നിർദ്ദേശമോ ഇല്ല

കാലാവസ്ഥ പ്രവചനപ്രകാരം സംസ്ഥാനത്തെ 14 ജില്ലകളിലും 5 ദിവസം പച്ച അലേർട്ടാണ് പ്രഖ്യാപിച്ചിരിക്കുന്നത്. അതുകൊണ്ട് തന്നെ യാതൊരു വിധ ജാഗ്രതാ നിർദേശങ്ങളും അധികൃതർ നൽകിയിട്ടില്ല. അതേസമയം ഒറ്റപ്പെട്ടയിടങ്ങളിൽ 2.5 മില്ലീമീറ്റർ മുതൽ 64.4 മില്ലീമീറ്റർ വരെ മഴ ലഭിക്കാൻ സാധ്യതയുണ്ട്.

മത്സ്യതൊഴിലാളികൾക്ക് ജാഗ്രതാ നിർദ്ദേശം

തെക്കൻ തമിഴ്‌നാട് തീരം, ഗൾഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം, തെക്ക് പടിഞ്ഞാറൻ ബംഗാൾ ഉൾക്കടൽ, അതിനോട് ചേർന്ന തെക്കൻ ശ്രീലങ്കൻ തീരം എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യത.

English Summary : The India Meteorological Department (IMD) has forecasted light to moderate rainfall across Kerala for the next five days (August 28 to September 1).