സിക്കിമിൽ ശക്തമായ മഴയിൽ വൻ മണ്ണിടിച്ചിൽ, വീടുകൾക്ക് നാശനഷ്ടം

പശ്ചിമ സിക്കിമിൽ കനത്ത മഴയെ തുടർന്ന് റിംബി ഗ്രാമത്തിൽ വൻ മണ്ണിടിച്ചിൽ. കഴിഞ്ഞ ദിവസം രാത്രിയുണ്ടായ മണ്ണിടിച്ചിലിൽ വൻ നാശനഷ്ട്ടമുണ്ടായി. നിരവധി വീടുകൾക്ക് കേടുപാടുകൾ സംഭവിച്ചു. ആളപായമൊന്നും റിപ്പോർട്ട് ചെയ്തിട്ടില്ല. മണ്ണും പാറകളും മറ്റ് അവശിഷ്ടങ്ങളും ജനവാസ മേഖലയിലേക്ക് ഒഴുകിയെത്തിയത് ജനങ്ങളെ ആശങ്കയിലാക്കി. ഗ്യാൽഷിങ് ജില്ലയിലെ റിംബി മേഖലയിൽ കഴിഞ്ഞ വെള്ളിയാഴ്ച്ച മുതൽ തുടർച്ചയായി മണ്ണിടിച്ചിൽ റിപ്പോർട്ട് ചെയ്യുന്നുണ്ട്. അതുകൊണ്ട് തന്നെ അപകടസാധ്യത കണക്കിലെടുത്ത് ഈ മേഖലയിലെ 35 കുടുംബങ്ങളെ കഴിഞ്ഞ ആഴ്ച അധികൃതർ ഒഴിപ്പിച്ചിരുന്നു.

#WATCH | Sikkim | A major landslide in the Rimbi area has left more than 30 houses affected. The incident was triggered by heavy mudslides and debris coming down from the upper slopes, sending large quantities of mud, rocks and other debris towards the lower areas

(Video source:… pic.twitter.com/5rhBlSoiTB
— ANI (@ANI) September 25, 2026

റോഡ് ഗതാഗതം തടസ്സപ്പെട്ടു

കനത്ത മഴയെ തുടർന്ന് സിക്കിമിന്റെ വിവിധ ഭാഗങ്ങളിൽ മണ്ണിടിച്ചിലും മണ്ണൊഴുക്കും കാരണം റോഡ് തടസ്സവും ഉണ്ടായി. 24 മണിക്കൂർ തുടർച്ചയായ് പെയ്ത മഴ കാരണം മണ്ണും കൂറ്റൻ പാറകളും അവശിഷ്ടങ്ങളും റോഡുകളിൽ പതിച്ചു. ഇതോടെ ഗതാഗതം വഴിതിരിച്ചുവിട്ടു. സിക്കിമിനെ രാജ്യത്തിന്റെ മറ്റ് ഭാഗങ്ങളുമായി ബന്ധിപ്പിക്കുന്ന പ്രധാന പാതയായ NH-10ൽ ബർദാങിലെ 20-ാം മൈലിൽ മണ്ണിടിച്ചിലുണ്ടായതിനെ തുടർന്ന് രംഗ്പോ–ഗാങ്ടോക്ക് റോഡ് ഗതാഗതവും തടസ്സപ്പെട്ടു.
സെപ്റ്റംബർ 23, 24 തീയതികളിൽ കബി ടിങ്ഡ എംഎൽഎ ഷെറിങ് ടി. ഭൂട്ടിയയുടെ നേതൃത്വത്തിലുള്ള വിവിധ വകുപ്പുകളുടെ സംഘം ദുരിതബാധിത മേഖലകൾ സന്ദർശിച്ചിരുന്നു.

Landslide Causes Havoc in Rimbi, West Sikkim
Continuous rainfall triggered a major landslide in Rimbi last night, washing away houses, government quarters and other properties. No loss of life has been reported so far. pic.twitter.com/YnKaq5HSYy
— I Love Siliguri (@ILoveSiliguri) September 25, 2026

ബോജോഗ്ഹാരി, ലോവർ ബോജോഗ്ഹാരി, ലിങ്ഡിങ്, ഹൈക്കോർട്ട് റോഡ്, ടി.എൻ.എ ഗേറ്റ്, വി.ഐ.പി കോളനി, അപ്പർ ഇസഡ്–ബോജോഗ്ഹാരി, പാങ്താങ്–ലിങ്ഡോക് റോഡ്, പാംറോ ഗാവ് തുടങ്ങിയ നിരവധി മേഖലകളിൽ സംഘം പരിശോധന നടത്തി. സിച്ചെയിലെ മലിനജല ശുദ്ധീകരണ പ്ലാന്റിനും കേടുപാടുണ്ടായി.
മണ്ണിടിച്ചിൽ സാധ്യതയുള്ള മേഖലകളിൽ കൂടുതൽ മഴവെള്ളം കയറുന്നത് തടയാൻ ടാർപോളിൻ സ്ഥാപിച്ചിട്ടുണ്ട്. നിരവധി റോഡുകളിൽ ഇപ്പോഴും വാഹന ഗതാഗതം ബുദ്ധിമുട്ടിലാണ്. റോഡുകളിലെ അവശിഷ്ടങ്ങൾ നീക്കി ഗതാഗതം പുനഃസ്ഥാപിക്കാനും നാശനഷ്ടം കൃത്യമായി വിലയിരുത്താനും ദുരിതബാധിതർക്ക് സഹായം എത്തിക്കാനും ജില്ലാ ഭരണകൂടം നിർദേശം നൽകി.

കനത്ത മഴ എല്ലാ പ്രദേശങ്ങളെയും ബാധിച്ചു

കനത്ത മഴ പശ്ചിമ ബംഗാളിലെ മലനിരകളിലും സിലിഗുരിയിലും സമീപപ്രദേശങ്ങളിലും ബാധിച്ചു. നദികളിൽ ജലനിരപ്പ് ഉയർന്നു. തീസ്ത നദിയിലെ ജലനിരപ്പ് 145 മീറ്ററിലെത്തി. അപകടനിലയായ 150 മീറ്ററിന് അടുത്താണിത്. സിലിഗുരിയിലെ മഹാത്മാഗാന്ധി ചൗക്കിന് സമീപം മഹാനന്ദ നദിയിലെ ജലനിരപ്പ് ഏകദേശം 113 മീറ്ററിലെത്തി. ഇവിടെ അപകടനില 116 മീറ്ററാണ്.

കനത്ത മഴയ്ക്ക് മുന്നറിയിപ്പ്, ഇടിമിന്നലിനും കാറ്റിനും സാധ്യത

ഇന്ന് റീജിയണൽ മെറ്റീരിയോളജിക്കൽ സെന്റർ, കൊൽക്കത്ത, ഓറഞ്ച് അലർട്ടും ശനിയാഴ്ച്ച യെല്ലോ അലർട്ടും പ്രഖ്യാപിച്ചു. ഡാർജിലിങ്, ജൽപായ്ഗുരി, അലിപുർദ്വാർ ജില്ലകളുടെ ചില ഭാഗങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗത്തിലുള്ള കാറ്റിനും സാധ്യതയുണ്ട്. 48 മണിക്കൂറിനിടെ 120 മില്ലിമീറ്റർ വരെ മഴ ലഭിക്കാനും സാധ്യതയുണ്ട്. അതേസമയം സിക്കിമിലെ ഗാങ്ടോക്ക്, ഗ്യാൽഷിങ്, മംഗൻ, നാംചി, സോറങ്, പാക്യോങ് ജില്ലകൾക്ക് വെള്ളിയാഴ്ച യെല്ലോ അലർട്ട് പ്രഖ്യാപിച്ചിട്ടുണ്ട്.

രാത്രികാല യാത്ര ഒഴിവാക്കുക

മണ്ണിടിച്ചിൽ സാധ്യതയുള്ള മേഖലകളിലൂടെ, പ്രത്യേകിച്ച് രാത്രികാലങ്ങളിൽ, അനാവശ്യ യാത്രകൾ ഒഴിവാക്കണമെന്ന് അധികൃതർ നിർദേശിച്ചു. മണ്ണിൽ വിള്ളൽ, മലഞ്ചരിവുകളിൽ ചലനം, പാറകളും മണ്ണും താഴേക്ക് പതിക്കുന്നത് തുടങ്ങിയവ ശ്രദ്ധയിൽപ്പെട്ടാൽ ഉടൻ അധികൃതരെ അറിയിക്കണമെന്നും നിർദേശമുണ്ട്. കനത്ത മഴയുള്ള സമയത്ത് വിനോദസഞ്ചാരികളും യാത്ര ഒഴിവാക്കണമെന്ന് അധികൃതർ മുന്നറിയിപ്പ് നൽകി.

സീസണിലെ ആദ്യ മഞ്ഞുവീഴ്ചയും

അതിനിടെ സിക്കിമിൽ ഈ സീസണിലെ ആദ്യ മഞ്ഞുവീഴ്ചയും രേഖപ്പെടുത്തിയിരിക്കുകയാണ്. വടക്കൻ സിക്കിമിലെ സീറോ പോയിന്റിലും കിഴക്കൻ സിക്കിമിലെ സോംഗോ (ചാങ്ഗു) തടാക മേഖലയിലുമാണ് ഇന്നലെ കനത്ത മഞ്ഞുവീണത്. ഗാങ്ടോക്കിൽ നിന്ന് സീറോ പോയിന്റിലേക്ക് ഏകദേശം 160 കിലോമീറ്ററും സോംഗോ തടാകത്തിലേക്ക് 40 കിലോമീറ്ററുമാണ് ദൂരം.

English Summary : Continuous heavy rainfall in Sikkim triggered massive landslides, particularly in West Sikkim’s Rimbick village (Gyalshing district) and along the critical NH-10 (Rangpo–Gangtok route). While no casualties were reported, numerous houses sustained damage, and 35 vulnerable families were safely evacuated prior