ബംഗാൾ ഉൾക്കടലിൽ വീണ്ടും ന്യൂനമർദ സാധ്യത; കേരളത്തിൽ 15 വരെ മഴയ്ക്ക് സാധ്യത

ബംഗാൾ ഉൾക്കടലിൽ വീണ്ടും ന്യൂനമർദം രൂപപ്പെടാൻ സാധ്യതയെന്ന് കാലാവസ്ഥാ നിരീക്ഷണം. തെക്കൻ ആൻഡമാൻ കടലിലും സമീപപ്രദേശങ്ങളിലുമായി നിലനിൽക്കുന്ന ചക്രവാതച്ചുഴിയുടെ സ്വാധീനഫലമായി നവംബർ 13-ഓടെ തെക്കുകിഴക്കൻ ബംഗാൾ ഉൾക്കടലിൽ ന്യൂനമർദം രൂപപ്പെട്ടേക്കും. തുടർന്ന് വടക്കുപടിഞ്ഞാറൻ ദിശയിൽ നീങ്ങുന്ന ന്യൂനമർദം അടുത്ത 24 മണിക്കൂറിനുള്ളിൽ ശക്തിപ്രാപിച്ച് ശക്തികൂടിയ ന്യൂനമർദമായി മാറാനും സാധ്യതയുണ്ട്.

കേരളത്തിലും വരും ദിവസങ്ങളിൽ മഴ തുടർന്നേക്കുമെന്നാണ് കാലാവസ്ഥാ മുന്നറിയിപ്പ്. നവംബർ 11 മുതൽ 15 വരെ സംസ്ഥാനത്തെ ഒറ്റപ്പെട്ട സ്ഥലങ്ങളിൽ നേരിയതോ ഇടത്തരം ശക്തിയുള്ളതോ ആയ മഴയ്ക്ക് സാധ്യതയുണ്ട്.

ശ്രീലങ്കക്ക് സമീപം രണ്ടുദിവസത്തിനകം ന്യൂനമർദ്ദം രൂപപ്പെടും
Low-Pressure System to Form Near Sri Lanka Within Two Days
https://metbeatnews.com/low-pressure-system-to-form-near-sri-lanka-within-two-days

ചക്രവാതച്ചുഴിയും നിലനിൽക്കുന്നു

ഇതിനുപുറമെ തെക്കുകിഴക്കൻ അറബിക്കടലിലും സമീപ ലക്ഷദ്വീപ് മേഖലയിലും ഒരു ചക്രവാതച്ചുഴി നിലനിൽക്കുന്നുണ്ട്. മന്നാർ കടലിടുക്കിലും സമീപപ്രദേശങ്ങളിലുമായി മറ്റൊരു ചക്രവാതച്ചുഴിയും സ്ഥിതി ചെയ്യുന്നുണ്ട്. ഈ കാലാവസ്ഥാ സംവിധാനങ്ങളുടെ സ്വാധീനവും സംസ്ഥാനത്ത് മഴയ്ക്ക് അനുകൂലമായ സാഹചര്യമൊരുക്കുന്നുണ്ട്.

അതേസമയം, ഇന്നും നാളെയും (നവംബർ 11, 12) കേരളത്തിലെ ഒറ്റപ്പെട്ട സ്ഥലങ്ങളിൽ ഇടിമിന്നലോടുകൂടിയ മഴയ്ക്കും സാധ്യതയുണ്ട്. ഇടിമിന്നൽ സമയത്ത് തുറസ്സായ സ്ഥലങ്ങളിൽ നിൽക്കുന്നത് ഒഴിവാക്കണമെന്നും സുരക്ഷാ മുൻകരുതലുകൾ സ്വീകരിക്കണമെന്നും നിർദേശമുണ്ട്.

English Summary : The India Meteorological Department (IMD) has forecast the formation of a new low-pressure area over the southeast Bay of Bengal by November 13, driven by a cyclonic circulation over the South Andaman Sea.