മലപ്പുറം ജില്ലയിലെ വിവിധ ഭാഗങ്ങളിൽ ഇന്നലെ (23.12.2025) രാത്രി 11ഓടെ ഭൂമിക്കടിയിൽ നിന്നും വലിയ ശബ്ദവും നേരിയ പ്രകമ്പനവും അനുഭവപ്പെട്ടതായി റിപ്പോർട്ടുകൾ. ഭൂമികുലുക്കം ആണെന്ന് നാട്ടുകാർ പറയുന്നു. ഇതുവരെ പ്രത്യാഘാതങ്ങളെ കുറിച്ച് റിപ്പോർട്ടുകൾ ഒന്നും വന്നിട്ടില്ല.

പ്രകമ്പനം അനുഭവപ്പെട്ട സ്ഥലങ്ങൾ
വേങ്ങര, കോട്ടക്കൽ
പുതുപ്പറമ്പ്, കോഴിച്ചെന, ഊരകം, ആട്ടിരി,
മറ്റത്തൂർ, ക്ലാരി സൗത്ത്, മൂച്ചിക്കൽ, സ്വാഗതമാട് ഈ സ്ഥലങ്ങളിലാണ്
ഭൂമിക്കടിയിൽ നിന്നും വലിയ സ്ഫോടനത്തിന് സമാനമായ ശബ്ദമാണ് ഉണ്ടായതെന്ന് നാട്ടുകാർ പറയുന്നു. വേങ്ങര, കോട്ടക്കല്‍, പുതുപ്പറമ്പ്, കോഴിച്ചെന, ഊരകം, ആട്ടിരി, മറ്റത്തൂര്‍, ക്ലാരി സൗത്ത്, മൂച്ചിക്കല്‍, സ്വാഗതമാട്, എന്നിവിടങ്ങളിലും ഭൂമി കുലുക്കം അനുഭവപ്പെട്ടതായി നാട്ടുകാർ പറയുന്നു.

പലയിടങ്ങളിലും വീട്ടുപകരണങ്ങൾ കുലുങ്ങുകയും പാത്രങ്ങൾ നിലത്തുവീഴുകയും ചെയ്തതായും റിപ്പോർട്ടുകളുണ്ട്.

എന്നാൽ ഔദ്യോഗികമായി ഭൂചലനം സ്ഥിരീകരിച്ചുകൊണ്ടുള്ള അറിയിപ്പുകൾ നാഷണൽ സെന്റർ ഫോർ സീസ്മോളജിയിൽ ( NCS) നിന്നോ സംസ്ഥാന ദുരന്തനിവാരണ അതോറിറ്റിയിൽ (KSDMA) നിന്നോ ഇതുവരെ ലഭ്യമായിട്ടില്ല.

അതേസമയം1970 മുതൽ മലപ്പുറത്ത് 2 ന് മുകളിലും 4.6 വരെ തീവ്രതയുള്ള 13 ഭൂകമ്പങ്ങൾ ഉണ്ടായിട്ടുണ്ട്. 2024 ജൂൺ 14 ന് കുന്നംകുളത്ത് 3 തീവ്രത രേഖപ്പെടുത്തിയ ഭൂചലനം ഉണ്ടായിരുന്നു. അത് 10.9 കിലോമീറ്റർ താഴ്ച്ചയിലായിരുന്നു. ഈ ഭൂചലനമാണ് കേരളത്തിൽ അവസാനം റിപ്പോർട്ട് ചെയ്യപ്പെട്ട ഭൂചലനം.

Metbeat news