കോഴിക്കോട് കനത്ത മഴ; കൂടരഞ്ഞി കൂമ്പാറയിൽ മിന്നലേറ്റ് ഒരാൾ മരിച്ചു

മുക്കം: കോഴിക്കോടിന്റെ കിഴക്കൻ മലയോര മേഖലയിൽ ഇടിമിന്നലോട് കൂടിയ ശക്തമായ മഴ. കനത്ത മഴയ്ക്കിടെയുണ്ടായ ശക്തമായ ഇടിമിന്നലിൽ കൂടരഞ്ഞി പഞ്ചായത്തിൽ രണ്ട് പേർക്ക് പരിക്കേറ്റു. കൂടരഞ്ഞി കൂമ്പാറ മുണ്ടുമല സ്വദേശികളായ ഒരു സ്ത്രീക്കും പുരുഷനുമാണ് മിന്നലേറ്റത്. മിന്നലേറ്റ കൂമ്പാറ സ്വദേശി ജയ്‌സൺ മരിച്ചു.

ഞായറാഴ്ച വൈകുന്നേരത്തോടെയാണ് മലയോര മേഖലകളിൽ രണ്ട് മണിക്കൂറോളമായി നീണ്ടുനിന്ന ശക്തമായ മഴ ആരംഭിച്ചത്.

മഴയ്ക്കൊപ്പം അതിശക്തമായ ഇടിമിന്നലുമുണ്ടായിരുന്നു. പരിക്കേറ്റ രണ്ട് പേരെയും ഉടൻ തന്നെ സമീപത്തെ സ്വകാര്യ ആശുപത്രികളിൽ പ്രവേശിപ്പിച്ചു. ഇതിൽ ഒരാളെ ഓമശ്ശേരിയിലെ സ്വകാര്യ ആശുപത്രിയിലും, രണ്ടാമത്തെയാളെ മണാശ്ശേരി സ്വകാര്യ ആശുപത്രിയിലുമാണ് പ്രവേശിപ്പിച്ചിരിക്കുന്നത്.
മലയോര മേഖലകളിൽ ഇപ്പോഴും മഴ തുടരുകയാണ്.

മിന്നൽ ട്രാക്ക് ചെയ്യാം 👇

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map