കേരളത്തിൽ അടുത്ത അഞ്ച് ദിവസങ്ങളിൽ വിവിധ ജില്ലകളിൽ നേരിയ മഴയ്ക്ക് സാധ്യത

സംസ്ഥാനത്ത് വീണ്ടും മഴ ദിനങ്ങളെത്തുന്നു എന്ന റിപ്പോർട്ടുകളാണ് പുറത്തു വരുന്നത്. ഒരിടവേളയ്ക്ക് ശേഷം മഴ സാധ്യതയെന്ന് കേന്ദ്ര കാലാവസ്ഥാ വകുപ്പിൻ്റെ അറിയിപ്പ് വന്നിരിക്കുകയാണ്. ഡിസംബർ 29 മുതൽ ജനുവരി 1 വരെ വിവിധ ജില്ലകളിൽ നേരിയ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് വ്യക്തമാക്കിയിട്ടുണ്ട്. ഇതിൻ്റെ പശ്ചാത്തലത്തിൽ ഗ്രീൻ അലർട്ട് പ്രഖ്യാപിച്ച ജില്ലകൾ ഇവയാണ്.

തിങ്കൾ (29.12.2025)

തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് മഴ സാധ്യതയുള്ളത്. .

ചൊവ്വ (30.12.2025)

തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് മഴ സാധ്യതയുള്ളത്.

ബുധൻ (31.12,.2025)

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ഇടുക്കി ജില്ലകളിലാണ് മഴ സാധ്യതയുള്ളത്.

വ്യാഴം (01.01.2026)

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ഇടുക്കി ജില്ലകളിലാണ് മഴ സാധ്യതയുള്ളത്.

അതേസമയം ഇന്ന് മുതൽ 30 വരെയുള്ള തീയതികളിൽ ശബരിമലയിൽ അനുകൂല കാലാവസ്ഥയാണ് കേന്ദ്ര കാലാവസ്ഥാ വകുപ്പ് പ്രവചിച്ചിരിക്കുന്നത്. സന്നിധാനം, പമ്പ, നിലയ്ക്കൽ എന്നിവിടങ്ങളിൽ ആകാശം ഭാഗികമായി മേഘാവൃതമായിരിക്കും.

മത്സ്യത്തൊഴിലാളി ജാഗ്രത നിർദേശം

കേരള - കർണാടക - ലക്ഷദ്വീപ് തീരങ്ങളിൽ ഇന്ന് (28/12/2025) മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

തണുപ്പിന് മാറ്റമില്ല

കേരളത്തിൽ തണുപ്പ് തുടരുമെന്നാണ് സൂചന. സാധാരണ വർഷങ്ങളിൽ വൃശ്ചികം-ധനു-മകര മാസങ്ങളിൽ അനുഭവപ്പെടാറുള്ളതിലധികം തണുപ്പാണ് ഇക്കൊല്ലം കേരളത്തിൽ, പ്രത്യേകിച്ച് മലയോര ജില്ലകളിൽ രേഖപ്പെടുത്തിയത്.

കർണാടകയിൽ നിന്ന് കേരളത്തിലേക്ക് പ്രവേശിക്കുന്ന കാറ്റിൻ്റെ ഗതിയാണ് വടക്കൻ കേരളത്തിൽ തണുപ്പ് കൂടാൻ പ്രധാന കാരണമെന്ന് കാലാവസ്ഥാ നിരീക്ഷകർ പറയുന്നു.

English Summary : Shabarimala weather forecast predicts favorable conditions from today until the 30th. Expect partial cloud cover in Sannidhanam, Pamba, and Nilakkal.