ഒക്ടോബറിൽ മഴ കുറയും, ചൂട് കൂടും; ദക്ഷിണേന്ത്യയിൽ സാധാരണ മഴയ്ക്ക് സാധ്യത

രാജ്യത്ത് ഒക്ടോബറിൽ മഴ കുറയുമെന്ന് വ്യക്തമാക്കിയിരിക്കുകയാണ് കേന്ദ്ര കാലാവസ്ഥാ വകുപ്പ് (IMD). ഒക്ടോബർ മാസത്തിൽ രാജ്യത്ത് ആകെ ലഭിക്കുന്ന മഴ ദീർഘകാല ശരാശരിയുടെ 85 ശതമാനത്തിൽ താഴെയായിരിക്കുമെന്നാണ് കാലാവസ്ഥാ വകുപ്പിന്റെ പ്രവചനം. വടക്കുപടിഞ്ഞാറൻ ഇന്ത്യയുടെ ചില ഭാഗങ്ങളിലും തെക്കൻ പെനിൻസുലാർ ഇന്ത്യയിലും ഒറ്റപ്പെട്ട കിഴക്കൻ മേഖലകളിലും സാധാരണയോ അതിൽ കൂടുതലോ മഴ ലഭിച്ചേക്കും.

അതേസമയം, ഒക്ടോബർ മുതൽ ഡിസംബർ വരെയുള്ള വടക്കുകിഴക്കൻ കാലവർഷ സീസണിൽ ദക്ഷിണ പെനിൻസുലാർ ഇന്ത്യയിൽ സാധാരണ മഴ ലഭിക്കാനാണ് സാധ്യത. തമിഴ്നാട്, പുതുച്ചേരി–കാരയ്ക്കൽ, തീരദേശ ആന്ധ്രപ്രദേശ്–യാനം, റായലസീമ, കേരള–മാഹെ, തെക്കൻ കർണാടക എന്നീ അഞ്ച് കാലാവസ്ഥാ ഉപവിഭാഗങ്ങൾ ഉൾപ്പെടുന്ന മേഖലയിൽ ദീർഘകാല ശരാശരിയുടെ 88 മുതൽ 112 ശതമാനം വരെ മഴ ലഭിക്കുമെന്നാണ് പ്രവചനം.

Kerala Weather : ഇത്തവണയും പ്രതീക്ഷയില്ല; മഴ കനിഞ്ഞില്ല, ഏറ്റവും കുറവ് മഴ വയനാട്ടിൽ , കണക്കുകൾ പുറത്തുവിട്ട് കാലാവസ്ഥാ വകുപ്പ്
സെപ്തംബർ മാസത്തിലും മഴ ചതിച്ചു എന്നുതന്നെ പറയാം. കേന്ദ്ര കാലാവസ്ഥാ വകുപ്പിന്റെ (IMD) കണക്കുപ്രകാരം 2026 ജൂൺ 1 മുതൽ സെപ്റ്റംബർ 30 വരെയുള്ള കാലവർഷക്കാല
https://metbeatnews.com/imd-reports-rainfall-shortfall-wayanad-and-idukki-worst-hit

പകൽ താപനില കൂടും

ഒക്ടോബറിൽ രാജ്യത്തിന്റെ ഭൂരിഭാഗം പ്രദേശങ്ങളിലും പകൽ താപനില സാധാരണയേക്കാൾ കൂടുതലായിരിക്കുമെന്നും IMD അറിയിച്ചു. വടക്കുകിഴക്കൻ ഇന്ത്യയുടെ ചില ഭാഗങ്ങളിലും മധ്യ, വടക്കുപടിഞ്ഞാറൻ ഇന്ത്യയിലെ ഒറ്റപ്പെട്ട മേഖലകളിലും സാധാരണ പരമാവധി താപനിലയായിരിക്കും പ്രതീക്ഷിക്കുന്നത്.

രാത്രിയിലെ കുറഞ്ഞ താപനിലയും രാജ്യത്തിന്റെ ഭൂരിഭാഗം പ്രദേശങ്ങളിലും സാധാരണയേക്കാൾ കൂടുതലായിരിക്കാനാണ് സാധ്യത. എന്നാൽ വടക്കുകിഴക്കൻ ഇന്ത്യയിലെ മിക്ക പ്രദേശങ്ങളിലും സാധാരണയോ അതിൽ താഴെയോ കുറഞ്ഞ താപനില അനുഭവപ്പെടാം.

കേന്ദ്ര കാലാവസ്ഥ വകുപ്പ് നൽകിയ Oct മുതൽ Des വരെയുള്ള മഴ സാധ്യത പ്രവചനം Photo : IMD

ശക്തമായ എൽ നിനോ

അതേസമയം, ഭൂമധ്യരേഖാ പസഫിക് സമുദ്രത്തിൽ ശക്തമായ എൽ നിനോ (El Niño) സാഹചര്യമാണ് നിലവിലുള്ളത്. കിഴക്കൻ, മധ്യ-കിഴക്കൻ പസഫിക് മേഖലകളിൽ സമുദ്രോപരിതല താപനില ശരാശരിയേക്കാൾ ഉയർന്ന നിലയിലാണ്. വർഷാവസാനം വരെ എൽ നിനോ കൂടുതൽ ശക്തമാകുമെന്നാണ് വിവിധ കാലാവസ്ഥാ മാതൃകകളുടെ പ്രവചനം.

ഇന്ത്യൻ മഹാസമുദ്രത്തിൽ നിലവിൽ ന്യൂട്രൽ ഇന്ത്യൻ ഓഷ്യൻ ഡൈപോൾ (IOD) സാഹചര്യമാണ്. വടക്കുകിഴക്കൻ കാലവർഷ സീസണിലും ന്യൂട്രൽ IOD തുടരാനാണ് സാധ്യതയെന്നും IMD അറിയിച്ചു.

English Summary : Discover the latest India Meteorological Department (IMD) weather forecast for October 2026. Learn about predicted below-normal rainfall nationwide, rising daytime and nighttime temperatures, and the ongoing impact of El Niño on South India's upcoming northeast monsoon season.