രാത്രിയിലും പകലിലും ചൂട്, ഉഷ്ണം അസ്വസ്ഥകരമായ അന്തരീക്ഷം തുടരും, കാരണം അറിയാം

കേരളത്തിൽ ഇന്നും നാളെയും രാത്രിയിലും പകലിലും ചൂടും അസ്വസ്ഥകരമായ അന്തരീക്ഷ സ്ഥിതിയും തുടരും. ചൂടിനെ തുടർന്ന് കാലാവസ്ഥ വകുപ്പ് മഞ്ഞ അലർട്ട് നൽകിയിട്ടുണ്ട്. വടക്കൻ കേരളത്തിൽ രാത്രി താപനിലയിൽ വർധനവ് രേഖപ്പെടുത്തി. പകലിലും ചൂട് കൂടുക വടക്കൻ ജില്ലകളിലാണ്. അന്തരീക്ഷ ഈർപ്പവും ചൂടും ചേർന്ന് അസ്വസ്ഥകരമായ അന്തരീക്ഷം (hot Humid Weather) ഉണ്ടാക്കും. അതേസമയം മധ്യ, തെക്കൻ ജില്ലകളുടെ കിഴക്കൻ മേഖലയിൽ ഒറ്റപ്പെട്ട മഴ സാധ്യത നിലനിൽക്കുന്നു.

എന്താണ് കാരണം?

മഴ കുറഞ്ഞു, നേരിട്ട് വെയിലെത്തുന്നു

സെപ്റ്റംബർ മാസത്തിൽ സാധാരണ പെയ്യേണ്ട കാലവർഷ മഴയിൽ വലിയ കുറവുണ്ടാവുകയും അന്തരീക്ഷം മേഘാവൃതമല്ലാതെ തെളിഞ്ഞു നിൽക്കുകയും ചെയ്യുന്നതാണ് ചൂട് കൂടാൻ പ്രധാന കാരണം. നേരിട്ട് ശക്തമായ സൂര്യപ്രകാശം ഭൂമി പതിക്കുന്നത് താപനില ഉയർത്തുന്നു. U V സൂചികയും വർദ്ധിച്ചിട്ടുണ്ട്. അതിനാൽ ദീർഘനേരം നേരിട്ട് വെയിൽ കൊള്ളുന്നത് അപകടകരമാണ്.

അന്തരീക്ഷത്തിലെ ഉയർന്ന ഈർപ്പം (High Relative Humidity)

കേരളം തീരദേശ സംസ്ഥാനമായതിനാൽ അറബിക്കടലിൽ നിന്നുള്ള ഈർപ്പമുള്ള കാറ്റ് അന്തരീക്ഷത്തിൽ ധാരാളമായി തങ്ങിനിൽക്കുന്നു. താപനിലയും ഉയർന്ന ഈർപ്പവും ഒന്നിക്കുമ്പോൾ യഥാർത്ഥ താപനിലയേക്കാൾ കൂടുതൽ ചൂട് ശരീരത്തിന് അനുഭവപ്പെടുന്നു (High Heat Index). താപസൂചികയിലെ ഈ വർദ്ധനവ് നമുക്ക് അനുഭവപ്പെടുന്ന ചൂട് 38- 40 ഡിഗ്രി വരെ ആയി ഇപ്പോൾ തോന്നും.

ശരീരത്തിൽ ഉണ്ടാക്കുന്ന മാറ്റം

അന്തരീക്ഷത്തിൽ ഈർപ്പം കൂടുതലാകുമ്പോൾ ശരീരത്തിലെ വിയർപ്പ് വേഗത്തിൽ ബാഷ്പീകരിച്ചു (evaporate) പോകില്ല. ഇത് ശരീരത്തിന്റെ സ്വാഭാവിക തണുപ്പിക്കൽ പ്രക്രിയയെ തടസ്സപ്പെടുത്തുകയും കൂടുതൽ അസ്വസ്ഥതയും ക്ഷീണവും ഉണ്ടാക്കുകയും ചെയ്യുന്നു. അതാണ് ചൂട് കൂടുമ്പോൾ കേരളത്തിൽ വിയർത്തൊലിക്കാൻ കാരണം.

Hot Humid Weather Keralam : ചൂടിനെ തുടർന്ന് മൂന്നുദിവസം മഞ്ഞ അലർട്ട്, ഒറ്റപ്പെട്ട മഴ സാധ്യതയും
Yellow Alert Issued in Kerala Due to Hot and Humid Weather; Isolated Showers Expected
https://metbeatnews.com/yellow-alert-issued-in-kerala-due-to-hot-and-humid-weather-isolated-showers-expe

പ്രാദേശികമായ ഘടകങ്ങൾ (Urban Heat Island Effect)

കോൺക്രീറ്റ് കെട്ടിടങ്ങളുടെ വർദ്ധനവ്, മരങ്ങളുടെ കുറവ്, ക്രമാതീതമായ വനനശീകരണവും നഗരവൽക്കരണവും അന്തരീക്ഷത്തിലെ ചൂട് പ്രാദേശികമായി നിലനിർത്താൻ കാരണമാകുന്നു. ഇത് ഓരോ വർഷവും കൂടി വരുന്നതിനാൽ നമ്മൾ അനുഭവിക്കുന്ന ശരാശരി താപനിലയിലും മർദ്ദനം ഉണ്ടാകും.

ശ്രദ്ധിക്കേണ്ട കാര്യങ്ങൾ

ഉച്ചയ്ക്ക് 11 മണി മുതൽ 3 മണി വരെയുള്ള സമയത്ത് നേരിട്ട് വെയിൽ ഏൽക്കുന്നത് പരമാവധി ഒഴിവാക്കുക.
നിർജ്ജലീകരണം ഒഴിവാക്കാൻ ധാരാളം വെള്ളം കുടിക്കുക.
അയഞ്ഞ കോട്ടൺ വസ്ത്രങ്ങൾ ധരിക്കാൻ ശ്രദ്ധിക്കുക.

കൂടുതല്‍ കൃത്യതയുള്ള പുതിയ ലോകഭൂപടത്തിന് യു.എന്‍ അംഗീകാരം ; ആഫ്രിക്ക വലുതാകും, കേരളം ചെറുതാകും
UN Approves More Accurate Equal Earth World Map: Africa Appears Larger, Slight Visual Shift for Kerala
https://metbeatnews.com/un-approves-more-accurate-equal-earth-world-map-africa-appears-larger-slight-vis

നിങ്ങളുടെ പ്രദേശത്ത് രാത്രിയിലും പകലും അനുഭവപ്പെട്ട താപനിലയെ കുറിച്ച് താഴെ കാണുന്ന കമൻറ് ബോക്സിൽ അറിയിക്കാം. സംശയങ്ങൾക്കും മറ്റും ഞങ്ങളുടെ weather team അവിടെ മറുപടി നൽകും.

English Summary : Kerala is set to experience high temperatures and uncomfortable, hot-and-humid conditions during both day and night today and tomorrow, prompting the India Meteorological Department (IMD) to issue a yellow alert.