Kerala Weather 29/06/26 : പരക്കെ മഴ, ഇപ്പോഴത്തെ മഴ വിവരം അറിയാം

കേരളത്തിലെ വിവിധ ജില്ലകളിൽ ഉന്നും പരക്കെ മഴയ്ക്ക് സാധ്യത. 11 ജില്ലകളിൽ കേന്ദ്ര കാലാവസ്ഥ വകുപ്പ് ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്. വിദ്യാഭ്യാസ സ്ഥാപനങ്ങൾക്ക് എവിടെയും അവധി പ്രഖ്യാപിച്ചിട്ടില്ല. രാവിലെ മുതൽ ജില്ലകളിൽ ഒറ്റപ്പെട്ട മഴ തുടരുന്നു. രാവിലെ ആറു മുതൽ 11 വരെ എല്ലാ ജില്ലകളിലും ഇടവേളയോടുകൂടി മഴയുണ്ടാകും.

ചിലയിടങ്ങളിൽ തുടർന്ന് മഴക്ക് ഇടവേള ലഭിക്കുകയും ഉച്ചക്ക് ശേഷം വീണ്ടും മഴ ശക്തിപ്പെടുകയും ചെയ്യും. അറബിക്കടലിൽ മേഘരൂപീകരണം നടക്കുകയും പടിഞ്ഞാറൻ കാറ്റ് (westerly wind) ശക്തിപ്പെടുകയും ചെയ്തിട്ടുണ്ട്.

കേരളത്തിന് വടക്കോട്ടുള്ള സംസ്ഥാനങ്ങളിലേക്കാണ് കൂടുതൽ മഴ എത്തുന്നത്. ഇന്നലെ കാലവർഷം ഗുജറാത്തിലെ സൂറത്തിൽ വരെ എത്തിയിട്ടുണ്ട്. മഹാരാഷ്ട്ര മധ്യപ്രദേശ് ഉത്തർപ്രദേശ് ഗുജറാത്ത് സംസ്ഥാനങ്ങളിൽ ഇന്നും മഴ ലഭിക്കും.

ഉത്തരേന്ത്യയിൽ അനുഭവപ്പെടുന്ന ചൂടിനും കുറവുണ്ടാകും. വടക്കൻ കേരളത്തിൽ ആണ് വരുന്ന കുറച്ചു ദിവസങ്ങളിൽ കൂടുതൽ മഴ ലഭിക്കുക. ഇന്ന് രാവിലെ 7 മുതൽ 11 വരെ കോഴിക്കോട്, മലപ്പുറം, കണ്ണൂർ ജില്ലകളുടെ തീരദേശം ഉൾപ്പെടെ ശക്തമായ മഴ സാധ്യത. ഈ സമയത്ത് തെക്കൻ ജില്ലകളുടെ ഇടനാട് പ്രദേശങ്ങളിലും മഴശക്തിപ്പെടും.

English Summary : Kerala Weather Update (29/06/2026): Orange Alert in 11 Districts; Widespread Rain Across the State. Widespread rain is expected across various districts in Kerala today, prompting the Central Meteorological Department to issue an Orange Alert for 11 districts. No school or college holidays have been declared as of now.