Kerala Weather Weekly Update 21/06/26 : ഇന്ന് രാത്രി മുതൽ മഴ സാധ്യത, കാലവർഷം തിരികെയെത്തുന്നു

കേരളത്തിൽ ഇന്നു രാത്രി വൈകി കാലവർഷ മഴ തിരികെ എത്താൻ സാധ്യത. ഇന്ന് രാവിലെ കേരളത്തിൽ മഴയില്ലെങ്കിലും അറബികടലിൽ ഒറ്റപ്പെട്ട മഴ കാണാം. രാത്രി വൈകി വടക്കൻ കേരളത്തിൽ മഴയെത്താനാണ് സാധ്യത. മലപ്പുറം ജില്ലയിലെ പൊന്നാനി മുതൽ കാസർകോട് വരെയുള്ള മേഖലകളിൽ മഴ ലഭിക്കും. കണ്ണൂർ, കോഴിക്കോട് ജില്ലകളിൽ നാളെ ശക്തമായ മഴ സാധ്യത.

വടക്കൻ കേരളത്തിന് മുകളിൽ അന്തരീക്ഷ ചുഴി രൂപപ്പെട്ടിരുന്നു. ഇത് ഇപ്പോൾ ദുർബലമാവുകയാണ്. അതോടൊപ്പം ലക്ഷദ്വീപിന് മുകളിൽ ചക്രവാത ചുഴി (cyclonic circulation) രൂപം കൊണ്ടിട്ടുണ്ട്. ഇത് കാലവർഷക്കാറ്റ് കേരളത്തിൽ എത്താൻ കാരണമാകും. കഴിഞ്ഞദിവസത്തെ അപ്ഡേറ്റിലും തിങ്കളാഴ്ച മുതൽ മഴ സാധ്യത സൂചിപ്പിച്ചിരുന്നു.

Kerala Weather Update 20/06/26 : തിങ്കൾ മുതൽ മഴ ശക്തിപെടും , ഇന്നും നാളെയും ഇടവേളകൾ പ്രയോജനപ്പെടുത്താം
Kerala Weather Update: Heavy Rainfall to Intensify from Monday; Utilize Current Dry Intervals This Weekend.
https://metbeatnews.com/kerala-weather-update-heavy-rainfall-to-intensify-from-monday-utilize-current-dry-intervals-this-weekend

മധ്യകേരളത്തിൽ എറണാകുളം ജില്ലയിലും ശക്തമായതോ ഇടത്തരം ആയ മഴ ലഭിക്കും. മറ്റു ജില്ലകളിലും ഇടത്തരം മഴ സാധ്യത. ഈ മഴ ബുധനാഴ്ച വരെ നീണ്ടുനിൽക്കും. ചൊവ്വാഴ്ച മുതൽ വടക്കൻ കേരളത്തിൽ ആയി മഴ ചുരുങ്ങും. ബുധനാഴ്ചയും വടക്കൻ ജില്ലകളിൽ നേരിയ തോതിൽ മഴയുണ്ടാകും.

തുടർന്ന് വെള്ളിയാഴ്ച രാത്രി മുതൽ വീണ്ടും മഴ ശക്തിപ്പെടാനാണ് സാധ്യത. ശനി ഞായർ ദിവസങ്ങളിൽ കേരളത്തിലെ എല്ലാ ജില്ലകളിലും അതിശക്തമായ മഴ സാധ്യത.

നിങ്ങളുടെ പ്രദേശത്തെ കാലാവസ്ഥ തത്സമയം അറിയാൻ Metbeat Weather ൻ്റെ forecast വെബ്സൈറ്റ് metbeat.com സന്ദർശിക്കുക. കാലാവസ്ഥ അവലോകനങ്ങൾ വായിക്കാൻ metbeatnews.com സന്ദർശിക്കുക.

Image: IMD Kochi Radar

English Summary : Kerala Weather Weekly Update: Monsoon Returns Tonight with Heavy Rain Forecast. Immediate Forecast (Tonight & Monday): The monsoon is expected to return late tonight, starting with rain in northern Kerala (from Ponnani in Malappuram to Kasaragod). On Monday, Kannur and Kozhikode are highly likely to experience heavy rainfall.