Kerala Weather 27/02/26 : മഴ കുറയുന്നു, ചൂട് കൂടുന്നു, മൂടൽ മഞ്ഞ്

കേരളത്തിൽ കഴിഞ്ഞ ദിവസങ്ങളിൽ മഴക്ക് കാരണമായ അന്തരീക്ഷ ഘടകങ്ങൾ ദുർബലമായതോടെ ഇന്നുമുതൽ (വെള്ളി) മഴ കുറയും. കേരളത്തിനൊപ്പം തമിഴ്നാട്ടിലും മഴ ദുർബലമാവുകയാണ്. ഇതോടൊപ്പം ഇരു സംസ്ഥാനങ്ങളിലും ചൂട് കൂടി തുടങ്ങുകയുമാണ്.

കേരളത്തിൽ ഇന്നും ഒന്നോ രണ്ടോ പ്രദേശങ്ങളിൽ ഒറ്റപ്പെട്ട മഴ ലഭിക്കും. കോഴിക്കോട്, തൃശ്ശൂർ എറണാകുളം ജില്ലകളുടെ കിഴക്കൻ മേഖലകളിൽ ഇന്ന് (വെള്ളി) ഒറ്റപ്പെട്ട ഇടത്തരം / ശക്തമായ മഴ സാധ്യത.

വടക്കൻ കേരളത്തിൽ 36 ഡിഗ്രിയിലേക്ക് പകൽ താപനില കൂടും. കഴിഞ്ഞദിവസം വ്യാപകമായി മഴ ലഭിച്ചതിനാൽ തെക്കൻ, മധ്യ ജില്ലകളിൽ ചൂട് ഇന്ന് മറ്റു ജില്ലകളെ അപേക്ഷിച്ച് കുറവായിരിക്കും.

അടുത്ത ദിവസങ്ങളിൽ തെക്കൻ ജില്ലകളിലും ചൂട് വർദ്ധിക്കും. തമിഴ്നാട്ടിലും ചൂട് കൂടുകയാണ്. തമിഴ്നാട്ടിലെ ഉൾനാടൻ മേഖലകളായ ഈറോഡ്, സേലം, വെല്ലൂർ ജില്ലകളിൽ പകൽ ചൂട് 40 ഡിഗ്രി പിന്നിടും. ആന്ധ്രാപ്രദേശിലും ചൂട് 40 ഡിഗ്രിയിലേക്ക് എത്തുകയാണ്.

തെലങ്കാന , കർണാടക സംസ്ഥാനങ്ങളിലും വരും ദിവസങ്ങളിൽ ചൂട് കൂടും. ഉപഗ്രഹ ചിത്രങ്ങളിൽ കേരളത്തിനു മുകളിൽ ഇപ്പോഴും ഈർപ്പത്തിന്റെ സാന്നിധ്യം കാണുന്നുണ്ട്. എന്നാൽ ഇവ പൂർണമായും മഴ പെയ്യാനുള്ള അന്തരീക്ഷ സാഹചര്യം കുറയുകയാണ്.

കണ്ണൂർ, തൃശൂർ, എറണാകുളം ജില്ലകളിലും കോഴിക്കോട് ജില്ലയുടെ കിഴക്കൻ മേഖലയിലും വയനാട്ടിലും രാവിലെ മൂടൽ മഞ്ഞിന് (fog) സാധ്യത. തമിഴ്നാട്ടിൽ കോയമ്പത്തൂർ ഊട്ടി, തിരുപ്പൂര്, ഈറോഡ്, വാൽപ്പാറ , പൊള്ളാച്ചി എന്നിവിടങ്ങളിലും മൂടൽ മഞ്ഞിന് സാധ്യതയുണ്ട്.

ഞങ്ങളുടെ അപ്ഡേറ്റുകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക.

English Summary: Weather conditions in Kerala are shifting as the atmospheric factors that caused recent rains begin to weaken. Starting today, Friday, February 27, 2026, rainfall will significantly decrease across Kerala and Tamil Nadu, giving way to a notable rise in temperature.