വിവിധ ജില്ലകളിൽ മഴ തുടങ്ങി; രാത്രി കൂടുതൽ പ്രദേശങ്ങളിൽ മഴ സാധ്യത

കേരളത്തിൽ വിവിധ പ്രദേശങ്ങളിൽ ഉച്ചയോടെ തന്നെ മഴയെത്തി. ഇന്ന് (ഞായർ ) രാത്രി മഴ കിട്ടുമെന്നായിരുന്നു രാവിലെ Metbeat News ൽ നൽകിയ Metbeat weather ൻ്റെ റിപ്പോർട്ട്. രാവിലെ തന്നെ അറബിക്കടലിൽ മേഘരൂപീകരണം സജീവമായിരുന്നു. ലക്ഷദ്വീപിന് സമീപം രൂപപ്പെട്ട ചക്രവാത ചുഴി വടക്കൻ കേരളത്തിൽ കൂടുതൽ മേഘങ്ങൾ കരകയറാൻ കാരണമായി.

Kerala Weather Weekly Update 21/06/26 : ഇന്ന് രാത്രി മുതൽ മഴ സാധ്യത, കാലവർഷം തിരികെയെത്തുന്നു
കേരളത്തിൽ ഇന്നു രാത്രി വൈകി കാലവർഷ മഴ തിരികെ എത്താൻ സാധ്യത.
https://metbeatnews.com/kerala-weather-weekly-update-monsoon-returns-tonight-with-heavy-rain-forecast

കണ്ണൂർ, കോഴിക്കോട്, മലപ്പുറം, കോട്ടയം, തൃശ്ശൂർ ജില്ലകളിൽ ഇന്ന് ഉച്ചയോടെ മിതമായ തോതിൽ മഴ ലഭിച്ചു. ചിലയിടങ്ങളിൽ മഴക്കൊപ്പം ഇടിമിന്നലും അനുഭവപ്പെട്ടു. ഉച്ചയ്ക്കുശേഷം കോട്ടയം, പത്തനംതിട്ട, ആലപ്പുഴ, ഇടുക്കി, കൊല്ലം ജില്ലകളിലും മഴ ലഭിച്ചു.

കേരളത്തിൽ ഇന്ന് ഉച്ചക്ക് ലഭിച്ച മഴ. കാലാവസ്ഥാ വകുപ്പിന്റെ റഡാറിൽ

രാത്രിയോടെ മഴ കൂടുതൽ പ്രദേശങ്ങളിലേക്ക് എത്തുമെന്നാണ് മെറ്റ് ബീറ്റിന്റെ നിരീക്ഷണം. തിരുവനന്തപുരം, കൊല്ലം, പാലക്കാട്, വയനാട്, കണ്ണൂർ, കാസർകോട് ഒഴികെയുള്ള ജില്ലകളിൽ കാലാവസ്ഥ വകുപ്പ് ഇന്ന് മഞ്ഞ അലർട്ട് പ്രഖ്യാപിച്ചു.

English Summary: Kerala Weather Update: Rain Begins in Various Districts; Heavy Showers Likely Tonight. Rain has commenced across various parts of Kerala since Sunday afternoon, aligning with an earlier forecast by Metbeat Weather. Active cloud formation in the Arabian Sea, triggered by a cyclonic circulation near Lakshadweep, has pushed rain clouds into northern Kerala.