Kerala Weather Update 19/06/26 : കേരളത്തിൽ ഒറ്റപ്പെട്ട മഴ തുടരുന്നു, 21 മുതൽ കാലവർഷം ശക്തിപ്പെടാൻ സാധ്യത

കേരളത്തിൽ ഇന്ന് ഒറ്റപ്പെട്ട മഴ തുടരുന്നു. കോഴിക്കോട് മുതൽ ആലപ്പുഴ വരെയുള്ള ജില്ലകളിലാണ് ഇന്ന് രാവിലെ മുതൽ മഴ സാധ്യതയുള്ളത്. മഴ കൂടുതലും തീരദേശത്തും ഇടനാട് പ്രദേശത്തുമാണ് പ്രതീക്ഷിക്കേണ്ടത്.

തൃശ്ശൂർ, എറണാകുളം, കോട്ടയം, ഇടുക്കി, ആലപ്പുഴ ജില്ലകളിലാണ് മറ്റു ജില്ലകളെ അപേക്ഷിച്ച് ഇന്ന് ഉച്ചവരെയുള്ള സമയത്ത് കൂടുതൽ മഴ സാധ്യത. ഈ ജില്ലകളെ അപേക്ഷിച്ച് തിരുവനന്തപുരം, കൊല്ലം ജില്ലകളിൽ മഴ കുറയും. വടക്കൻ കേരളം ഇന്ന് മേഘാവൃതമായി തുടരും.

മഴക്കൊപ്പം മധ്യ, തെക്കൻ ജില്ലകളിൽ ഇടിമിന്നൽ സാധ്യതയുണ്ട്. കാലവർഷം ദുർബലമായതിനാൽ ബംഗാൾ ഉൾക്കടലൽ നിന്നുള്ള ഈർപ്പം തമിഴ്നാട്ടിലും, തെക്കു കിഴക്കൻ കർണാടകയിലും കേരളത്തിൻ്റെ കിഴക്കൻ പ്രദേശങ്ങളിലും ഇടിയോടുകൂടെയുള്ള മഴ നൽകുന്നുണ്ട്. ഊട്ടി, ഗൂഡല്ലൂർ പ്രദേശങ്ങളിലും ഇന്ന് ശക്തമായ മഴ സാധ്യത.

കേരളത്തിൽ കാലവർഷം വീണ്ടും ശക്തിപ്പെടാൻ ജൂൺ 22 ആകാനാണ് സാധ്യത. 21 മുതൽ തന്നെ സംസ്ഥാനത്ത് വീണ്ടും കാലവർഷത്തിന്റെ ഭാഗമായുള്ള മഴ സജീവമാകും.

നിങ്ങളുടെ പ്രദേശത്തെ കാലാവസ്ഥ തത്സമയം അറിയാൻ Metbeat Weather ൻ്റെ forecast വെബ്സൈറ്റ് metbeat.com സന്ദർശിക്കുക. കാലാവസ്ഥ അവലോകനങ്ങൾ വായിക്കാൻ metbeatnews.com സന്ദർശിക്കുക.

English Summary: Kerala Weather Update (June 19, 2026): Scattered Rainfall to Continue, Monsoon Likely to Intensify from June 21