Weather Kerala 25/07/26 : ബംഗാൾ ഉൾക്കടലിൽ ന്യൂനമർദ്ദ സാധ്യത, വടക്കൻ കേരളത്തിൽ ഇന്നും മഴ തുടരും

ബംഗാൾ ഉൾക്കടലിൽ ഒഡിഷ തീരത്ത് അടുത്തയാഴ്ച ന്യൂനമർദ്ദം രൂപപ്പെടാൻ സാധ്യത. ഇതോടെ കേരളത്തിൽ വീണ്ടും മഴ ശക്തിപ്പെടും. വടക്കൻ ജില്ലകളിൽ കഴിഞ്ഞ കുറച്ചു ദിവസമായി മഴ തുടരുകയാണ്. എന്നാൽ എറണാകുളത്തിന് തെക്കോട്ടുള്ള ജില്ലകളിൽ മഴ താരതമ്യേന കുറവാണ്.

ബംഗാൾ ഉൾക്കടലിന്റെ വടക്കൻ മേഖലയിൽ ഒഡീഷ തീരത്തായി രണ്ടുദിവസത്തിനകം ന്യൂനമർദ്ദം രൂപപ്പെടാൻ സാധ്യതയുണ്ട്. ഇത് പിന്നീട് കരകയറി മധ്യ ഇന്ത്യയിലൂടെ ഗുജറാത്ത് ഭാഗത്തേക്ക് സഞ്ചരിക്കും. കേരളതീരത്ത് കാലവർഷക്കാറ്റിനെ ശക്തിപ്പെടുത്തുകയും അടുത്തയാഴ്ചയുടെ കേരളത്തിൽ മഴ വർദ്ധനവ് അനുഭവപ്പെടുകയും ചെയ്യും.

നിലവിൽ വടക്കൻ ജില്ലകളിൽ ഉൾപ്പെടെ ലഭിച്ചുകൊണ്ടിരിക്കുന്നത് ഗുജറാത്തിലും രാജസ്ഥാനും സമീപം രൂപപ്പെട്ട ന്യൂനമർദത്തെ തുടർന്നുള്ള മഴയാണ്. ഈ ന്യൂനമർദ്ദം ഇപ്പോഴും തുടരുകയാണ്. എന്നാൽ വരും മണിക്കൂറുകളിൽ ഇത് ദുർബലപ്പെടാനാണ് സാധ്യത.

പ്രളയ മഴ ഉണ്ടായ രാജസ്ഥാനിലും ഗുജറാത്തിലും ഇതോടെ മഴയുടെ അളവിൽ കുറവ് വരും. കേരളത്തിൽ കണ്ണൂർ, കാസർകോട് ജില്ലകളിലാണ് ഇന്ന് കേന്ദ്ര കാലാവസ്ഥ വകുപ്പ് (IMD) മഴയെ തുടർന്ന് മഞ്ഞ അലർട്ട് പ്രഖ്യാപിച്ചത്. ഈ ജില്ലകളിൽ കഴിഞ്ഞ ഒരാഴ്ചയായി മഴ തുടരുകയാണ്.

ഇന്ന് കോഴിക്കോട്, മലപ്പുറം, വയനാട്, കാസർകോട് ജില്ലകളിലും മഴ ലഭിക്കും. ഏറെനേരം നീണ്ടുനിൽക്കാത്ത എന്നാൽ ഇടത്തരം /ശക്തമായ മഴയായിരിക്കും പ്രതീക്ഷിക്കേണ്ടത്. മഴക്ക് ദീർഘമായ ഇടവേളകൾ ലഭിക്കും.

English Summary : Kerala Weather Update (25/07/2026): Northern Districts to Experience Continued Rain as New Low-Pressure System Forms in Bay of Bengal. Upcoming Low-Pressure System: A new low-pressure system is expected to develop off the Odisha coast in the northern Bay of Bengal within the next two days. It will move inland across central India toward Gujarat, strengthening monsoon winds along the Kerala coast and bringing increased rainfall to the state next week.