Weather Kerala 17/09/26 : ന്യൂനമർദ്ദ സാധ്യത, മധ്യ തെക്കൻ ജില്ലകളിൽ ഇന്ന് മഴ ലഭിക്കും

കേരളത്തിൽ ഇന്ന് വിവിധ ജില്ലകളിൽ മഴ സാധ്യത. മധ്യകേരളത്തിലും തെക്കൻ ജില്ലകളിലുമാണ് കൂടുതൽ മഴ ലഭിക്കാൻ അനുകൂലമായ അന്തരീക്ഷം ഉള്ളത്. തൃശൂർ, എറണാകുളം, ഇടുക്കി, കോട്ടയം, പത്തനംതിട്ട, കൊല്ലം ജില്ലകളിലാണ് മഴ സാധ്യത.

നാളെയും ഈ മേഖലകൾക്കൊപ്പം വടക്കൻ ജില്ലകളിലെ ചില പ്രദേശങ്ങളിലും മഴ ലഭിക്കും. നാളെ വടക്കൻ കേരളത്തിൽ കോഴിക്കോട് ജില്ലയുടെ കിഴക്കൻ മലയോര മേഖലകളിലും കണ്ണൂർ ജില്ലയുടെ മേഖലകളിലും സാധ്യത. ഈ മാസം 25ന് ശേഷം കേരളത്തിൽ എല്ലാ ജില്ലകളിലും ന്യൂനമർദ്ദത്തിന്റെ ഭാഗമായ മഴ ലഭിച്ചേക്കും .

ഇപ്പോഴത്തെ അന്തരീക്ഷ സ്ഥിതി, ന്യൂനമർദ്ദ സാധ്യത

സൗരാഷ്ട്രയ്ക്കു സമീപം വടക്കുകിഴക്കൻ അറബിക്കടലിനും മുകളിലായി ന്യൂനമർദം തുടരുന്നുണ്ട്. ഈ മാസം 21നു ശേഷം ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടേക്കുമെന്നും അത് ചുഴലിക്കാറ്റ് ആകാൻ സാധ്യതയുണ്ടെന്നും Metbeat News കഴിഞ്ഞ ദിവസങ്ങളിൽ റിപ്പോർട്ട് ചെയ്തിരുന്നു.

ബംഗാൾ ഉൾക്കടലിൽ ഈ മാസം അവസാനം ചുഴലിക്കാറ്റ് സാധ്യത
New Low-Pressure System and Kerala Weather Update
https://metbeatnews.com/new-low-pressure-system-and-kerala-weather-update

ഇതിൻ്റെ ഭാഗമായി വടക്കൻ തായ്‌ലൻഡിന് മുകളിൽ ചക്രവാതച്ചുഴി (Cyclonic Circulation) രൂപപ്പെട്ടു. ഇത് സെപ്റ്റംബർ 18 വൈകുന്നേരത്തോടെ വടക്കൻ ആൻഡമാൻ കടലിലേക്ക് എത്താൻ സാധ്യത. സെപ്റ്റംബർ 19 വൈകുന്നേരത്തോടെ ചക്രവാതച്ചുഴി ന്യൂനമർദമായി (Low Pressure Area) ശക്തി പ്രാപിക്കാനും സാധ്യത.

ന്യൂനമർദം ക്രമേണ ശക്തിപ്പെടുകയും അടുത്ത 3–4 ദിവസങ്ങളിൽ പടിഞ്ഞാറ്-വടക്കുപടിഞ്ഞാറൻ ദിശയിലേക്ക് നീങ്ങി തെക്കൻ ഒഡിഷ–വടക്കൻ ആന്ധ്രപ്രദേശ് തീരത്തേക്ക് നീങ്ങാൻ സാധ്യതയുണ്ട്.

തെക്കൻ തീരദേശ ആന്ധ്രപ്രദേശിനും സമീപ റയലസീമയ്ക്കും മുകളിലായി നിലവിൽ ചക്രവാതച്ചുഴി തുടരുന്നു.

വടക്കുപടിഞ്ഞാറൻ ബംഗാൾ ഉൾക്കടലിലും സമീപ വടക്കൻ ഒഡിഷ–പശ്ചിമ ബംഗാൾ തീരപ്രദേശങ്ങളിലക്കും മുകളിലായി ചക്രവാതച്ചുഴി നിലനിൽക്കുന്നു

തെക്കൻ കർണാടകയിൽ നിന്നും മാന്നാർ കടലിടുക്കിലേക്ക് തമിഴ്‌നാടിനും കർണാടകയ്ക്കും മുകളിലൂടെ ന്യൂനമർദപാത്തി സ്ഥിതി ചെയ്യുന്നു .

കേരളത്തിൽ 2026 സെപ്റ്റംബർ 16 മുതൽ 20 വരെയുള്ള ദിവസങ്ങളിൽ നേരിയതോ മിതമായതോ ആയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി.

Monsoon 2026 : സെപ്റ്റംബർ 19 ഓടെ കാലവർഷം പിൻവാങ്ങും; ഇത്തവണ രണ്ട് ദിവസം വൈകി
രാജ്യത്ത് തെക്കുപടിഞ്ഞാറൻ കാലവർഷം പിൻവാങ്ങാൻ ഒരുങ്ങുന്നു. അതിന് അനുകൂലമായ സാഹചര്യം ഒരുങ്ങി തുടങ്ങി.
https://metbeatnews.com/delay-in-southwest-monsoon-withdrawal-expected-from-sept-19

സെപ്റ്റംബർ 17-20 തീയതികളിൽ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സെപ്റ്റംബർ 18, 19 തീയതികളിൽ കേരളത്തിൽ ഒറ്റപ്പെട്ട സ്ഥലങ്ങളിൽ ഇടിമിന്നലിനും മഴയ്ക്കും മണിക്കൂറിൽ 40–50 കി.മീ വരെ വേഗതയിൽ ശക്തമായ കാറ്റിനും സാധ്യതയുണ്ട് എന്നാണ് മുന്നറിയിപ്പ്.

നിങ്ങളുടെ പ്രദേശത്തെ കാലാവസ്ഥ അടുത്ത 15 ദിവസം വരെയുള്ളത് മുൻകൂട്ടി അറിയാം ഞങ്ങളുടെ ഫോർകാസ്റ്റ് വെബ്സൈറ്റ് ഉപയോഗിക്കുക. metbeat.com ൽ ലോഗിൻ ചെയ്യുക. ഇതൊരു ആപ്പ് ആയി സേവ് ചെയ്യാനും കഴിയും. Metbeat News വെബ്സൈറ്റും ആപ്പ് പോലെ സേവ് ചെയ്ത് ഉപയോഗിക്കാം.

Metbeat News വാർത്തകൾ വാട്സാപ്പിലും ടെലഗ്രാമിലും ഗൂഗിൾ ന്യൂസിലും ലഭിക്കാൻ താഴെ കാണുന്ന ഐക്കണുകൾ ഫോളോ ചെയ്യുക. ഈ വാർത്തയുടെ കമന്റ് ബോക്സിൽ സംശയങ്ങൾ ചോദിച്ചാൽ മറുപടി ലഭിക്കും.

English Summary : Kerala Weather Update (17/09/26): Low-Pressure Systems Formed; Rain Expected in Central and Southern Districts. Rain is expected across various parts of Kerala today, particularly in central and southern districts including Thrissur, Ernakulam, Idukki, Kottayam, Pathanamthitta, and Kollam. Tomorrow, rain is likely to extend to northern regions, including the eastern hilly areas of Kozhikode and Kannur.