Weather Keralam 09/10/26 : ന്യൂനമർദ്ദ പാത്തി, ചക്രവാത ചുഴി ; ഇന്നും നാളെയും മഴ ലഭിക്കും

തെക്കുപടിഞ്ഞാറൻ മൺസൂൺ (കാലവർഷം) വിടവാങ്ങൽ കർണാടകയിൽ എത്തി. ഇനി വടക്കു കിഴക്കാൻ സംസ്ഥാനങ്ങൾ, കേരളം തമിഴ്നാട്, ആന്ധ്ര പ്രദേശ് ഉൾപ്പെടെയുള്ള സംസ്ഥാനങ്ങളിൽ കൂടി കാലവർഷം വിടവാങ്ങാൻ ഉണ്ട്.

അതേസമയം, തമിഴ്നാട്ടിലും കേരളത്തിലും ഇന്ന് ഇടിയോടുകൂടെ ശക്തമായ മഴ സാധ്യത. കേരളത്തിൽ എറണാകുളം മുതൽ തെക്കോട്ടുള്ള ജില്ലകളിലാണ് ഇന്ന് ഉച്ചക്ക് ശേഷം ഇടിയോടെ മറ്റു ജില്ലകളെ അപേക്ഷിച്ച് കൂടുതൽ ശക്തമായ മഴ പ്രതീക്ഷിക്കുന്നത്. നാളെയും തെക്കൻ ജില്ലകളിലാണ് മഴയുടെ ശക്തി കൂടാൻ സാധ്യത. മഴയ്ക്കൊപ്പം ഇടിമിന്നലും മണിക്കൂറിൽ 50 കിലോമീറ്റർ വരെ വേഗതയുള്ള കാറ്റിനും സാധ്യത.

Kerala Weather : കോഴിക്കോട്ടും കൊല്ലത്തും തിരുവനന്തപുരത്തും ശക്തമായ മഴ, മരങ്ങൾ കടപുഴകി വീണു, ഗതാഗതം തടസ്സപ്പെട്ടു
തിരുവനന്തപുരം ഉൾപ്പെടെ സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴ. തിരുവനന്തപുരത്ത് വൈകുന്നേരത്തോടെ മഴ ശക്തമായി.
https://metbeatnews.com/heavy-downpour-uprooted-trees-and-traffic-disruptions-hit-kozhikode-kollam-and-t

എന്നാൽ കണ്ണൂർ, കാസർകോട് , കോഴിക്കോട്, വയനാട് , മലപ്പുറം, ഉൾപ്പെടെയുള്ള വടക്കൻ ജില്ലകളിലും മഴ സാധ്യതയുണ്ട്. ഇന്ന് രാവിലെയുള്ള ഉപഗ്രഹ ചിത്രത്തിൽ കോഴിക്കോടിന് പടിഞ്ഞാറായി അറബിക്കടലിന്റെ മുകളിൽ വലിയ മേഘ കൂട്ടങ്ങളും ഇടിയോടുകൂടിയുള്ള ശക്തമായ മഴയും ലഭിക്കുന്നുണ്ട്. കണ്ണൂർ തീരം ഉൾപ്പെടെയുള്ള പ്രദേശങ്ങളിൽ ഭാഗികമായ മേഘാവൃതമാണ്.

തെക്കൻ കേരളത്തിന് സമീപം ലക്ഷദ്വീപിന് അടുത്തായി കഴിഞ്ഞ ദിവസം രൂപപ്പെട്ട ചക്രവാത ചുഴി ഇപ്പോൾ ദുർബലമായിട്ടുണ്ട്. അതേസമയം അറബിക്കടലിൽ നിന്ന് കർണാടക ഭാഗത്തേക്ക് വടക്കൻ കേരളം വഴി കടന്നു പോകുന്ന ന്യൂനമർദ്ദ പാത്തി (ട്രഫ് ) തുടരുകയുമാണ്.
ഇതാണ് ഇന്നും നാളെയും മഴ ശക്തിപ്പെടാനുള്ള സാഹചര്യം ഒരുക്കുക. ഞായറാഴ്ചയോടെ വീണ്ടും മഴയിൽ കുറവ് അനുഭവപ്പെടും.

English Summary : The Southwest Monsoon withdrawal has reached Karnataka, with departure expected soon from Kerala, Tamil Nadu, Andhra Pradesh, and northeastern states. However, strong thunderstorms are forecast across Kerala and Tamil Nadu over the next two days due to a low-pressure trough extending from the Arabian Sea across northern Kerala toward Karnataka.