കേരളത്തിൽ അഞ്ചുദിവസം ശക്തമായ മഴ സാധ്യത; ഇന്നത്തെ മഴ തുടങ്ങി

India Meteorological Departmentൻ്റെ തിരുവനന്തപുരം കാലാവസ്ഥാ കേന്ദ്രം പുറത്തിറക്കിയ പുതിയ മഴ പ്രവചന റിപ്പോർട്ടിൽ (Rainfall Forecast) സംസ്ഥാനത്ത് അടുത്ത അഞ്ച് ദിവസവും വ്യാപക മഴ തുടരുമെന്ന് അറിയിച്ചു. മെയ് 8 മുതൽ 12 വരെ കേരളത്തിലെ വിവിധ ജില്ലകളിൽ ഒറ്റപ്പെട്ട ശക്തമായ മഴയ്ക്കും (Isolated Heavy Rainfall) ഇടിമിന്നലോടുകൂടിയ മഴയ്ക്കും സാധ്യതയുണ്ടെന്നാണ് മുന്നറിയിപ്പ്.

തെക്കൻ ജില്ലകളിൽ കൂടുതൽ ജാഗ്രത

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ മെയ് 8 മുതൽ 10 വരെ കനത്ത മഴ സാധ്യത രേഖപ്പെടുത്തിയിട്ടുണ്ട്. അതായത് ഒറ്റപ്പെട്ട പ്രദേശങ്ങളിൽ ശക്തമായ മഴ ലഭിക്കാം.

മെയ് 11, 12 തീയതികളിലും പല ജില്ലകളിൽ നേരിയ മുതൽ മിതമായ മഴ (Light to Moderate Rainfall) സംസ്ഥാനത്തിന്റെ ഭൂരിഭാഗം ഭാഗങ്ങളിലും അനുഭവപ്പെടാൻ സാധ്യതയുണ്ട്.

മധ്യ-വടക്കൻ കേരളത്തിലും മഴ ശക്തമാകും

തൃശൂർ, കോഴിക്കോട് ജില്ലകളിൽ മെയ് 9ന് ശക്തമായ മഴ സാധ്യത പ്രവചിച്ചിട്ടുണ്ട്. മലപ്പുറം ജില്ലയിൽ മെയ് 12നും കോഴിക്കോട് ജില്ലയിൽ മെയ് 12നും ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.

കണ്ണൂർ ജില്ലയിൽ മെയ് 8ന് (ഇന്ന്)ശക്തമായ മഴ ലഭിക്കാമെന്നും കാസർഗോഡ് ജില്ലയിൽ സാധാരണ മുതൽ മിതമായ മഴ (Normal to Moderate Rain) തുടരുമെന്നുമാണ് പ്രവചനം. വയനാട്ടിൽ എല്ലാ ദിവസങ്ങളിലും നേരിയ മുതൽ മിതമായ മഴയ്ക്ക് സാധ്യതയുണ്ട്.

ലക്ഷദ്വീപിലും മഴ സജീവം

Lakshadweep മേഖലയിലും മഴ ശക്തമാകാൻ സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. മെയ് 9, 10 തീയതികളിൽ ഒറ്റപ്പെട്ട കനത്ത മഴയ്ക്കും (Isolated Heavy Rain) സാധ്യതയുണ്ട്.

ഇന്നത്തെ മഴ തുടങ്ങി

ഇന്ന് വെകുന്നേരത്തോടെ കോഴിക്കോട് ജില്ലയിലെ ചില പ്രദേശങ്ങളിൽ മഴ തുടങ്ങി. രാത്രിയോടെ ശക്തമായ ഇടിയോടുകൂടി വിവിധ പ്രദേശങ്ങളിൽ മഴ ലഭിക്കാനുള്ള സാധ്യത ഏറെയാണ്. കൊല്ലം, ഏറ്റുമാനൂർ ഭാഗങ്ങളിലും മഴ നേരത്തെ തുടങ്ങി. അതേസമയം കുറ്റ്യാടി മലയോര മേഖലകളിൽ ശക്തമായ കാറ്റും മഴയും ഒപ്പം ഇടിമിന്നലും ഉണ്ടായി. 3.30 ഓടെയാണ് മഴ ആരംഭിച്ചത്. കുറ്റ്യാടി,തൊട്ടിൽപ്പാലം,മരുതോങ്കര മേഖലകളിലാണ് വേനൽ മഴ ലഭിക്കുന്നത്. മരുതോങ്കര കാവിലുംപാറ ഭാഗങ്ങളിൽ മഴക്കൊപ്പം ശക്തമായ കാറ്റും ഇടിമിന്നലും ഉണ്ടായി. മാത്രമല്ല പലയിടങ്ങളിലും മരങ്ങൾ കടപുഴകി.

കൊല്ലം ജില്ലയിലെ ചുങ്കത്തറ, കൊട്ടാരക്കര 📹 : Rejith Puthoor | Weatherman Kerala
കൊല്ലം ജില്ലയിലെ ചുങ്കത്തറ, കൊട്ടാരക്കര 📹 : Rejith Puthoor
https://www.facebook.com/reel/1520397252829001

ഏറ്റുമാനൂർ മഴ 08/05/26 📹 : Jobin Jose | Weatherman Kerala
ഏറ്റുമാനൂർ മഴ 08/05/26 📹 : Jobin Jose
https://www.facebook.com/reel/1448487656579484

മത്സ്യത്തൊഴിലാളികൾക്കും ജനങ്ങൾക്കും നിർദേശം

ശക്തമായ മഴയ്‌ക്കൊപ്പം ഇടിമിന്നലിനും കാറ്റിനും സാധ്യതയുള്ളതിനാൽ താഴ്ന്ന പ്രദേശങ്ങളിൽ താമസിക്കുന്നവർ ജാഗ്രത പാലിക്കണമെന്ന് അധികൃതർ നിർദേശിച്ചു. മലനിരകളിൽ മണ്ണിടിച്ചിൽ സാധ്യതയും ചെറുനദികളിൽ ജലനിരപ്പ് ഉയരാനും സാധ്യതയുള്ളതിനാൽ ദുരന്തനിവാരണ വിഭാഗത്തിന്റെ മുന്നറിയിപ്പുകൾ ശ്രദ്ധിക്കണമെന്നും നിർദേശം നൽകിയിട്ടുണ്ട്.

നിങ്ങളുടെ പ്രദേശത്തെ കാലാവസ്ഥ വിവരങ്ങൾ അറിയാൻ താഴെ കൊടുത്ത ലിങ്കിൽ click ചെയ്യൂ

Metbeat Weather - Accurate Weather Forecasts
Metbeat Weather provides reliable and precise weather forecasts, climate analysis, and real-time updates, empowering individuals and businesses to make informed decisions.
https://www.metbeat.com/

English Summary : Summary:The India Meteorological Department (IMD) has issued a heavy rainfall warning for Kerala, predicting widespread showers and thunderstorms from May 8 to May 12, 2026. South Kerala is expected to bear the brunt of the weather system initially, with districts like Thiruvananthapuram, Idukki, and Pathanamthitta on high alert.