kerala weather 09/02/26 : കേരളത്തിൽ ഈ മേഖലകളിൽ ചൂട് കൂടും

കേരളത്തിൽ പകൽ ചൂട് പതിയെ കൂടുന്നു. ദക്ഷിണേന്ത്യയിൽ ചൂട് കൂടുതൽ അനുഭവപ്പെടുന്നത് ഇപ്പോൾ കേരളത്തിലാണ്. തമിഴ്നാട്നേക്കാൾ പകൽ ചൂട് കേരളത്തിൽ വർധിക്കുകയാണ്.

കോഴിക്കോടിലും ആലപ്പുഴക്കും ഇടയിലുള്ള ജില്ലകളിലാണ് ഇന്നും നാളെയും കൂടുതൽ ചൂട് അനുഭവപ്പെടുക. തൃശ്ശൂർ, പാലക്കാട്, എറണാകുളം ജില്ലകളിൽ താപനില 36 ഡിഗ്രി സെൽഷ്യസ് കടക്കും. കൊല്ലം പത്തനംതിട്ട, കോട്ടയം, ജില്ലകളുടെ ഇടനാട് പ്രദേശങ്ങളിലും ചൂടുകൂടും.

കേരളത്തിൽ ഏറ്റവും കുറവ് ചൂടു രേഖപ്പെടുത്തുക മൂന്നാർ ഉൾപ്പെടെയുള്ള ഹൈറേഞ്ച് മേഖലകളിലാണ്. എന്നാൽ ഇടുക്കി ജില്ലയുടെ പടിഞ്ഞാറൻ മേഖലയിൽ ചൂട് കൂടുതലാകും.

അതേസമയം, വയനാട് ജില്ലയിൽ എല്ലായിടത്തും മിതോഷ്ണ കാലാവസ്ഥ അനുഭവപ്പെടും. ഇതിൻ്റെ ഒരു സ്വാധീനം കോഴിക്കോട് ജില്ലയിലും ഉണ്ടാകും. അതിനാൽ കോഴിക്കോടും മറ്റു ജില്ലകളെ അപേക്ഷിച്ച് ചൂട് കുറയും. കണ്ണൂർ, കാസർകോട് ജില്ലകളുടെ തീരദേശത്തും കടൽക്കാറ്റിന്റെ സ്വാധീനം മൂലം താപനിലമായ ഗണ്യമായ തോതിൽ വർധിക്കില്ല.

തമിഴ്നാടിന്റെ തെക്കൻ മേഖലകളായ തൂത്തുക്കുടി, കന്യാകുമാരി, മധുര മേഖലകളിൽ ചൂട് കൂടും. കർണാടകയുടെ ഉൾനാടൻ പ്രദേശങ്ങളിലും ചൂട് കുറയും.

കേരളത്തിൽ മഴ സാധ്യത ഇപ്പോഴത്തെ സാഹചര്യത്തിൽ എവിടെയുമില്ല. വരണ്ട അന്തരീക്ഷ സ്ഥിതി അനുഭവപ്പെടും. രാത്രി തണുപ്പും പകൽ ചൂടുമുള്ള അന്തരീക്ഷം ആയതിനാൽ അസുഖങ്ങൾ വർധിക്കാൻ ഇടയുണ്ട്. ഇതേക്കുറിച്ചുള്ള വിശദമായ സ്റ്റോറി താഴെ വായിക്കാം.

Kerala Weather Health problems : രാത്രി പകല്‍ താപനിലകളില്‍ 18 ഡിഗ്രി വരെ വ്യതിയാനം: കേരളത്തെ കാത്തിരിക്കുന്നത് ആരോഗ്യ പ്രശ്‌നങ്ങളുടെ നീണ്ട നിര
കേരളത്തില്‍ പകല്‍ കടുത്ത ചൂടും രാത്രി വൈകിയും പുലര്‍ച്ചെയും തണുപ്പും അനുഭവപ്പെടുന്ന അന്തരീക്ഷസ്ഥിതി ആരോഗ്യ പ്രശ്‌നങ്ങള്‍ക്ക് കാരണമാകും
https://metbeatnews.com/day-and-night-temperatures-vary-by-up-to-18-degrees-a-long-list-of-health-problems-awaits-kerala

English summary: kerala weather 09/02/26 : Temperatures will increase in these areas in Kerala