kerala weather 05/02/26 : തെക്കൻ കേരളത്തിന് സമീപം അന്തരീക്ഷ ചുഴി, കേരളതീരത്ത് ന്യൂനമർദ്ദ പാത്തി തുടരുന്നു

തെക്കൻ കേരളത്തിൽ ഇന്നും (വ്യാഴം) ഒറ്റപ്പെട്ട മഴ സാധ്യത. തെക്കൻ കേരളതീരത്ത് അന്തരീക്ഷത്തിന്റെ താഴ്ന്ന ഉയരത്തിൽ അന്തരീക്ഷ ചുഴി (upper air circulation) രൂപപെട്ടിട്ടുണ്ട്.

കർണാടക തീരം മുതൽ തിരുവനന്തപുരം വരെയുള്ള തീരമേഖലയിൽ സമുദ്രനിരപ്പിൽ ന്യൂനമർദ്ദ പാത്തിയും ( through) രൂപപ്പെട്ടിട്ടുണ്ട്. സമുദ്ര നിരപ്പിൽ നിന്ന് 1.5 കിലോമീറ്റർ ഉയരത്തിലാണ് ഇത് സ്ഥിതി ചെയ്യുന്നത്.

നിലവിൽ അറബിക്കടലിൽ മേഘരൂപീകരണം കുറവായതിനാൽ കാറ്റ് അനുകൂലമല്ലാത്തതിനാലും, കേരളത്തിൽ വ്യാപകമായ മഴക്ക് ഇപ്പോഴത്തെ അന്തരീക്ഷ മാറ്റങ്ങൾ കാരണമാകില്ല, എന്നാൽ തെക്കൻ ജില്ലകളുടെ മലയോര മേഖലകളിൽ ഇന്ന് രാത്രിയും വൈകിട്ടുമായി ഒറ്റപ്പെട്ട മഴ സാധ്യത.

ഇന്ന് തിരുവനന്തപുരം, കൊല്ലം, കോട്ടയം, ഇടുക്കി, പത്തനംതിട്ട ജില്ലകളിൽ കേന്ദ്ര കാലാവസ്ഥാ വകുപ്പ് ഇടത്തരം മഴയ്കുള്ള മുന്നറിയിപ്പ് നൽകിയിട്ടുണ്ട്. മറ്റു ജില്ലകളിൽ മഴ മുന്നറിയിപ്പ് ഇല്ല.

കോഴിക്കോട്,വയനാട്, മലപ്പുറം ജില്ലകൾ ഒഴികെ മറ്റു ജില്ലകളിലെല്ലാം ചൂടു വർദ്ധിക്കാനുള്ള സാധ്യത നിലനിൽക്കുന്നു. തിരുവനന്തപുരം ഉൾപ്പെടെയുള്ള തെക്കൻ ജില്ലകളിലും ചൂടുകൂടും.

അതേസമയം വടക്കൻ ജില്ലകളിൽ രാത്രി താപനിലയിലും വർദ്ധനവ് ഉണ്ടാവും. രാത്രിയിൽ എസിയുടെ ഉപയോഗം വർദ്ധിക്കും. അന്തരീക്ഷം വേനൽക്കാലത്തേക്ക് പരിവർത്തനം ചെയ്യപ്പെടുകയാണ്. രാത്രി അനുഭവപ്പെടുന്ന തണുപ്പ് കുറയുകയും ചൂടിലേക്ക് മാറുകയും ചെയ്യും.

ഇന്ന് കേരളം ലക്ഷദ്വീപ് കർണാടക തീരങ്ങളിൽ മത്സ്യബന്ധനത്തിന് വിലക്കില്ല. തമിഴ്നാട് കന്യാകുമാരി, മാന്നാർ കടലിടുക്ക് ഭാഗത്ത് കാറ്റിനു വേഗത മണിക്കൂറിൽ 55 കിലോമീറ്റർ വരെ ആക്കാൻ സാധ്യതയുള്ളതിനാൽ ഈ പ്രദേശങ്ങളിൽ മത്സ്യബന്ധനത്തിന് വിലക്കുണ്ട്.

നിങ്ങളുടെ പ്രദേശത്തെ കാലാവസ്ഥ പ്രവചനം അറിയാൻ ഞങ്ങളുടെ വെബ്സൈറ്റ് metbeat.com സന്ദർശിക്കാം.

വിശദമായ കലാവസ്ഥ വാർത്തകൾക്കും അവലോകനങ്ങൾക്കും metbeatnews.com ൽ തുടരുക.

English summary: Kerala Weather 05/02/26: upper air circulation circulation over south Kerala, low north south through over Kerala coast