kerala weather 04/02/26 : ലക്ഷദ്വീപിന് സമീപം ചക്രവാത ചുഴി, കേരളതീരത്ത് ന്യൂനമർദ്ദ പാത്തി

കേരളത്തിൽ ഇന്നു ഒറ്റപ്പെട്ട മഴ സാധ്യത. കേരളതീരത്ത് അന്തരീക്ഷത്തിന്റെ താഴ്ന്ന ഉയരത്തിൽ ന്യൂനമർദ്ദ പാത്തി ( through) രൂപപ്പെട്ടിട്ടുണ്ട്. കർണാടക തീരം മുതൽ തിരുവനന്തപുരം വരെയുള്ള തീരമേഖലയിൽ സമുദ്രനിരപ്പിൽ നിന്ന് 1.5 കിലോമീറ്റർ ഉയരത്തിലാണ് ഇത് സ്ഥിതി ചെയ്യുന്നത്. അതോടൊപ്പം ലക്ഷദ്വീപിന് സമീപം ചക്രവാത ചുഴിയും രൂപപ്പെട്ടിട്ടുണ്ട്.

നിലവിൽ അറബിക്കടലിൽ മേഘരൂപീകരണം കുറവായതിനാൽ കാറ്റ് അനുകൂലമല്ലാത്തതിനാലും, കേരളത്തിൽ വ്യാപകമായ മഴക്ക് കാരണമാകില്ല. അതേസമയം ഒന്നോ രണ്ടോ പ്രദേശങ്ങളിൽ വൈകിട്ടും രാത്രിയും മഴ ലഭിക്കും.

ഇന്നലെയും കേരളത്തിൽ മഴ ലഭിച്ചിരുന്നു. കിഴക്കൻ മലയോര മേഖലകളിലും ഇന്ന് മഴ സാധ്യത.

വരും ദിവസങ്ങളിലും കേരളത്തിൽ ഒറ്റപ്പെട്ട മഴ സാധ്യതയുണ്ട്. വെള്ളിയാഴ്ച തെക്കൻ ജില്ലകളിൽ ഒറ്റപ്പെട്ട മഴ ലഭിക്കും. പത്തനംതിട്ട, കോട്ടയം ജില്ലകളിലാണ് മഴ സാധ്യത. കേരളത്തിൽ പകൽ താപനില വർദ്ധിക്കുകയാണ്. നേരിട്ട് വെയില് കൊള്ളുന്നത് ഒഴിവാക്കണം. ധാരാളം വെള്ളം കുടിക്കണം.

കോഴിക്കോട്,വയനാട്, മലപ്പുറം ജില്ലകൾ ഒഴികെ മറ്റു ജില്ലകളിലെല്ലാം ചൂടു വർദ്ധിക്കാനുള്ള സാധ്യത നിലനിൽക്കുന്നു. തിരുവനന്തപുരം ഉൾപ്പെടെയുള്ള തെക്കൻ ജില്ലകളിലും ചൂടുകൂടും.

അതേസമയം വടക്കൻ ജില്ലകളിൽ രാത്രി താപനിലയിലും വർദ്ധനവ് ഉണ്ടാവും. രാത്രിയിൽ എസിയുടെ ഉപയോഗം വർദ്ധിക്കും. അന്തരീക്ഷം വേനൽക്കാലത്തേക്ക് പരിവർത്തനം ചെയ്യപ്പെടുകയാണ്. രാത്രി അനുഭവപ്പെടുന്ന തണുപ്പ് കുറയുകയും ചൂടിലേക്ക് മാറുകയും ചെയ്യും.

നിങ്ങളുടെ പ്രദേശത്തെ കാലാവസ്ഥ പ്രവചനം അറിയാൻ ഞങ്ങളുടെ വെബ്സൈറ്റ് metbeat.com സന്ദർശിക്കാം.

വിശദമായ കലാവസ്ഥ വാർത്തകൾക്കും അവലോകനങ്ങൾക്കും metbeatnews.com ൽ തുടരുക.

Kerala Weather 04/02/26 : Cyclonic circulation Near Lakshadweep, through Over Kerala Coast