നേപ്പാൾ മിന്നൽ പ്രളയം : മരണസംഖ്യ 95 ആയി, 350 പേരെ കാണാതായി, ഹെൽപ്പ് ഡെസ്ക് തുറന്നു

ചൈനയിലും നേപ്പാളിലും ഉണ്ടായ മിന്നൽ പ്രളയത്തിൽ മരിച്ചവരുടെ എണ്ണം 95 ആയി. മഞ്ഞുമല ഇടിഞ്ഞുവീണത് മൂലം മിന്നൽ പ്രളയം ഉണ്ടായതാണ് അപകടത്തിന് കാരണമെന്നാണ് പ്രാഥമിക സൂചനകൾ.

This is crazy almost looks AI generated for a movie. Massive flash flood in Nepal China border prayers 🙏 . #nepalflood pic.twitter.com/Zw16sNtLQe
— Davetrader (@davetrader03) August 26, 2026

350 വിദേശികളെയും സഞ്ചാരികളെയും കാണാതായിട്ടുണ്ട്. ചൈനയിൽ മൂന്നുപേർ മരിക്കുകയും 250 പേരെ കാണാതാവുകയും ചെയ്തു. ചൈനയിലെ Gyirong തുറമുഖത്ത് മണ്ണും മറ്റും അടിഞ്ഞു. അടിയന്തര സാഹചര്യം നേരിടാൻ സൈന്യത്തിന് നിർദ്ദേശം നൽകിയതായി ചൈനീസ് പ്രസിഡണ്ട് ഷീ ജിങ് പിങ്ങ് പറഞ്ഞു.

പ്രളയദുരിതം നേരിടുന്ന നേപ്പാളിലേക്ക് ഇന്ത്യ അടിയന്തര സഹായം അയച്ചു. കാണാതായവരിൽ 135 പേർ ഇന്ത്യക്കാർ ഉണ്ടെന്നാണ് റിപ്പോർട്ട്. മിന്നൽ പ്രണയത്തിൽ പാലങ്ങളും മറ്റും തകർന്നു. കെട്ടിടങ്ങൾ ഒലിച്ചുപോയി.

Floods in Nepal wreak havoc, sweeping away several villages and leaving over 1,000 people missing. Bridges and power plants destroyed. Army deployed.

horrific helicopter view of the Trishuli River corridor after the flood.#NepalFloods #Nepal #Rasuwa #FlashFlood #Floods pic.twitter.com/Gdj3JyAVrX
— Ravi Pandey🇮🇳 (@ravipandey2643) August 26, 2026

ഇന്ത്യൻ എംബസി കൺട്രോൾ റൂം

അടിയന്തര സാഹചര്യം നേരിടാൻ നേപ്പാളിലെ ഇന്ത്യൻ എംബസി കൺട്രോൾ റൂം തുറന്നു. താഴെകൊടുത്ത നമ്പറിൽ ബന്ധപ്പെടണം

+977 985 131 6807
+977 970 910 7500

(ഈ നമ്പറിൽ വിളിക്കാനും വാട്സപ്പിൽ ബന്ധപ്പെടാനും കഴിയും)

ചൈനയിലും ഇന്ത്യൻ എംബസി കൺട്രോൾ റൂം തുറന്നു. ചൈനയിലെ രക്ഷാപ്രവർത്തകരെയും വിളിക്കാം. ഇതാണ് നമ്പർ. 0086 139 8999 0012.

ബെയ്ജിങ്ങിലെ ഇന്ത്യൻ എംബസിയുടെ നമ്പറിലും വിവരങ്ങൾ ലഭിക്കും . 0086 185 1428 4905 ഈ നമ്പറിൽ വിളിക്കാനും വാട്സാപ്പിൽ ബന്ധപ്പെടാനും കഴിയും.

🚨 INDIA, BE CAREFUL! 🇮🇳

A major flood wave has entered Nepal’s Bhote Koshi from the Tibetan side, triggering alerts across the Trishuli basin.

Bhote Koshi → Trishuli → Narayani/Gandak → Bihar → Ganga.

West Champaran, East Champaran, Gopalganj, Saran & Vaishali should… pic.twitter.com/5oayN3emjN
— Megh Updates 🚨™ (@MeghUpdates) August 26, 2026

Bhotekoshi നദിയിലാണ് മിന്നൽ പ്രളയം ഉണ്ടായത്. 95 പേരുടെ മരണം സ്ഥിരീകരിച്ചതായി നേപ്പാൾ പോലീസ് അറിയിച്ചു. പോലീസിന്റെ കണക്കനുസരിച്ച് 28 പേരാണ് കാണാതായത്.

റോഡുകൾ , ജലവൈദ്യുത പദ്ധതികൾ, വാർത്താവിനിമയ സംവിധാനങ്ങൾ എന്നിവ തകർന്നു. നേപ്പാൾ സൈന്യം രക്ഷാപ്രവർത്തനത്തിന് രംഗത്തുണ്ട്. മുപ്പതിലേറെ ഹെലികോപ്റ്ററുകൾ ഉപയോഗിച്ച് നിരീക്ഷണം നടത്തുന്നു. സ്വകാര്യ മണ്ണ് മാന്തി ഉപകരണങ്ങളും രക്ഷാപ്രവർത്തനത്തിന് എത്തിച്ചു.

ഇന്ത്യൻ വ്യോമസേനയുടെ C-130J വിമാനങ്ങളും രക്ഷാപ്രവർത്തനത്തിൽ ഏർപ്പെടുന്നുണ്ട്. മരുന്നുകളും അവശ്യസാധനങ്ങളും ഉൾപ്പെടെ 10 ടൺ സഹായ വസ്തുക്കൾ ഇന്ത്യ നേപ്പാളിൽ എത്തിച്ചു.

കേരളത്തിൻ്റെ ഹെൽപ്പ് ഡെസ്ക്

നേപ്പാളിലെ മിന്നൽപ്രളയത്തിൽ പെട്ട മലയാളികൾക്കായി കേരളം ഹെൽപ്‌ഡെസ്‌ക് തുറന്നു.

നേപ്പാളിലുണ്ടായ മിന്നൽപ്രളയത്തിൽ പെട്ട മലയാളികൾക്ക് അടിയന്തര സഹായം ലഭ്യമാക്കുന്നതിനായി സംസ്ഥാന സർക്കാർ സ്ഥാപനമായ നോർക്ക-റൂട്ട്സ് (Norka-Roots) വഴി കേരളം ഹെൽപ്‌ഡെസ്‌ക് ആരംഭിച്ചു.

നൂറിലധികം ഇന്ത്യക്കാരെ കാണാതായിട്ടുണ്ടെന്ന റിപ്പോർട്ടുകൾക്കിടയിൽ സംസ്ഥാനം സാഹചര്യം സൂക്ഷ്മമായി നിരീക്ഷിച്ചു വരികയാണെന്ന് മുഖ്യമന്ത്രി വി.ഡി. സതീശൻ അറിയിച്ചു.

മുഖ്യമന്ത്രിയുടെ ഓഫീസിന്റെ (CMO) നിർദേശപ്രകാരമാണ് ഹെൽപ്‌ഡെസ്‌ക് തുറന്നതെന്ന് നോർക്ക-റൂട്ട്സ് ചീഫ് എക്സിക്യൂട്ടീവ് ഓഫീസർ രാജേഷ് മാധവൻ പ്രസ്താവനയിൽ പറഞ്ഞു.
കേരള സർക്കാരിന് കീഴിലുള്ള പ്രവാസി കേരളീയ കാര്യ വകുപ്പിന്റെ (Non-Resident Keralites Affairs) പ്രവർത്തന ഏജൻസിയാണ് നോർക്ക റൂട്ട്സ്.

സഹായം ആവശ്യമുള്ളവർക്ക് നോർക്ക ഗ്ലോബൽ കോൺടാക്ട് സെന്ററിന്റെ 18004253939 എന്ന ടോൾ ഫ്രീ നമ്പറിലോ, വിദേശത്തുനിന്ന് +91-8802012345 എന്ന നമ്പറിലേക്ക് മിസ്ഡ് കോൾ ചെയ്തോ ബന്ധപ്പെടാമെന്ന് പ്രസ്താവനയിൽ പറയുന്നു.

നേപ്പാളിൽ യാത്ര ചെയ്യുന്ന മലയാളികളെ ബന്ധപ്പെടാൻ സാധിക്കാത്ത കുടുംബങ്ങൾ 9447111844 അല്ലെങ്കിൽ 9747132147 എന്നീ നമ്പറുകളിൽ മുഖ്യമന്ത്രിയുടെ ഓഫീസിൽ വിവരമറിയിക്കണമെന്നും അഭ്യർത്ഥിച്ചു.

മിന്നൽപ്രളയം ബാധിച്ചതായി സംശയിക്കുന്ന മലയാളികളുടെ വിവരങ്ങൾ 1070 എന്ന ടോൾ ഫ്രീ നമ്പറിലൂടെ അറിയിക്കണമെന്ന് കേരള സംസ്ഥാന ദുരന്തനിവാരണ അതോറിറ്റിയും ആവശ്യപ്പെട്ടിട്ടുണ്ട്.

English Summary : Kerala Sets Up Emergency Helpdesk for Malayalis Caught in Nepal Flash Floods.