വീട്ടു മുറ്റത്തും പറമ്പിലും 30 മരം നട്ടാൽ 1 കോടി വരെ വരുമാനമുണ്ടാക്കാം

കേരളത്തിലെ ഭൂഉടമകൾക്ക് ഏറെ നാളായി കാത്തിരുന്ന വലിയ നിയമപരമായ മാറ്റം യാഥാർഥ്യമായയത് കഴിഞ്ഞ ഫെബ്രുവരിയിലാണ്. 2025ലെ കേരള വന (ഭേദഗതി) ബിൽ (Kerala Forest Amendment Bill 2025) 2026 ഫെബ്രുവരി 9 മുതൽ നിയമമായി പ്രാബല്യത്തിൽ വന്നതോടെ, സ്വകാര്യ ഭൂമിയിലെ ചന്ദനമരങ്ങൾ (Sandalwood Trees) മുറിച്ച് വനംവകുപ്പ് മുഖേന വിൽപന നടത്താനുള്ള അനുമതി ലഭിച്ചു. ഇതോടെ ചന്ദനകൃഷി ഒരു ഉയർന്ന വരുമാന സാധ്യതയുള്ള മേഖല ആയി മാറുകയാണ്.

നിയമത്തിലെ പ്രധാന മാറ്റങ്ങൾ (Key Legal Changes)

പുതിയ നിയമം അനുസരിച്ച്
• സ്വകാര്യ ഭൂമിയിലെ ചന്ദനമരം വനംവകുപ്പിന്റെ (Forest Department) അനുമതിയോടെ മുറിച്ച് വിൽക്കാം
• വിൽപ്പനയിൽ നിന്നുള്ള മുഴുവൻ തുകയും ഭൂഉടമയ്ക്ക് ലഭിക്കും
• ചന്ദനമരത്തിന്റെ പ്രായപരിധി (Age Limit) സംബന്ധിച്ച നിയന്ത്രണം ഇല്ലാതാക്കി
• എന്നാൽ പട്ടയ ഭൂമി (Patta Land) ഉൾപ്പെടുത്തിയിട്ടില്ല എന്നത് ശ്രദ്ധേയമാണ്

മുൻപ്, സ്വന്തം ഭൂമിയിലെ ചന്ദനമരം മോഷണം പോയാലും ഭൂഉടമയ്ക്കെതിരെ കേസ് എടുക്കുന്ന സാഹചര്യവും ഉണ്ടായിരുന്നു. അതിനാൽ പുതിയ നിയമം കർഷകർക്ക് വലിയ ആശ്വാസമായി മാറുന്നു.

ചന്ദനം: പ്രത്യേകതകളും വളർച്ച സ്വഭാവവും (Plant Characteristics)

ചന്ദനം ഒരു അർധപരാദ സസ്യം (Semi-parasitic Plant) ആണ്.
മറ്റു സസ്യങ്ങളുടെ വേരുകളിൽ നിന്ന് പോഷകങ്ങൾ (Nutrients) സ്വീകരിച്ചാണ് വളർച്ച. മഗ്നീഷ്യം (Magnesium), ഫോസ്ഫറസ് (Phosphorus) പോലുള്ള മൂലകങ്ങൾ ആവശ്യമാണ്. ഉഷ്ണമേഖലാ (Tropical)യും ഉപഉഷ്ണമേഖലാ (Subtropical) കാലാവസ്ഥയും അനുയോജ്യമാണ് ഇത് വളരാൻ.
താപനില (Temperature): 12°C – 35°C
സൂര്യപ്രകാശം (Sunlight): ദിവസവും 6–8 മണിക്കൂർ

മണ്ണും കൃഷി രീതികളും (Soil & Cultivation Methods)

മണ്ണിന്റെ ഗുണങ്ങൾ (Soil Conditions)
• നല്ല നീർവാർച്ച (Well-drained soil)
• മണൽ കലർന്ന പശിമരാശി മണ്ണ് (Sandy loam)
• pH മൂല്യം 6.0 – 7.5
കേരളത്തിലെ മണ്ണും കാലാവസ്ഥയും ചന്ദനക്കൃഷിക്ക് വളരെ അനുയോജ്യമാണ്.

നടീൽ (Planting)
• 1–5 അടി ആഴമുള്ള കുഴികൾ തയ്യാറാക്കണം
• ജൈവവളം (Organic manure), ചാണകം (Compost) ചേർക്കണം
• 7–8 മാസം പ്രായമുള്ള തൈകൾ ഉപയോഗിക്കുക
• 10–12 അടി അകലത്തിൽ നടണം. ഒരു ഏക്കറിൽ ഏകദേശം 400–500 ചന്ദനമരങ്ങൾ വരെ നട്ടുവളർത്താം.

സഹവളർത്തൽ (Intercropping)
• ചീര (Spinach), പയർ വർഗങ്ങൾ (Pulses), നെല്ലി (Amla), വേപ്പ് (Neem)
• ശീമക്കൊന്ന (Subabul), തുവരപ്പയർ (Red gram) എന്നിവ ഇടവിളയായി വളർത്താം

വളർച്ചയും പരിപാലനവും (Growth & Maintenance)
• ആദ്യ 7–8 വർഷം വളർച്ച മന്ദഗതിയിലാണ്
• പൂർണ വളർച്ച (Full Maturity) എത്താൻ 15–30 വർഷം
• 10 വർഷത്തിന് ശേഷം കാതൽ (Heartwood) രൂപപ്പെടാൻ തുടങ്ങും
• 50 സെ.മീ. ചുറ്റളവ് എത്തിയാൽ പൂർണ വളർച്ചയായി കണക്കാക്കാം

ചന്ദനമരം ഒറ്റത്തടിയായി വളരാൻ ശിഖരങ്ങൾ (Branches) നിയന്ത്രിക്കേണ്ടത് നിർണായകമാണ്.

വരുമാന സാധ്യത (Income Potential)

ചന്ദനകൃഷി “പച്ച സ്വർണം (Green Gold)” എന്നാണ് അറിയപ്പെടുന്നത്.
• 15 വർഷം വളർന്ന ഒരു മരത്തിൽ നിന്ന് ഏകദേശം 20 കിലോ കാതൽ ലഭിക്കും
• കിലോയ്ക്ക് ₹16,000 – ₹20,000 വരെ വില ലഭിക്കും
• ഒരു മരത്തിൽ നിന്ന് ₹3 ലക്ഷം വരെ വരുമാനം
അതായത് 30 മരങ്ങളിൽ നിന്ന് 15 വർഷം കൊണ്ട് ₹1 കോടി വരെ വരുമാനം

ഗുണനിലവാരവും ഇനങ്ങളും (Quality & Varieties)

ചന്ദനത്തിന് 16 ഗ്രേഡുകൾ (Grades) ഉണ്ട്. കേരളത്തിൽ ഏറ്റവും മികച്ച ഇനം സന്റാലം ആൽബം (Santalum album) ആണ്. ഇതിന്റെ കാതലും വേരും ഉയർന്ന വിലയ്ക്ക് ലേലത്തിൽ (Auction) വിൽക്കപ്പെടുന്നു.

English Summary : The Kerala Forest (Amendment) Bill 2025, which came into effect on February 9, 2026, has revolutionized private forestry by granting landowners the right to cut and sell sandalwood trees grown on private property. Previously hindered by stringent regulations and the risk of legal action even in cases of theft, farmers can now legally monetize sandalwood through the Forest Department, receiving 100% of the sale proceeds.