Kerala Winter Rain 28/02/26 : ശൈത്യകാല മഴ സംസ്ഥാനത്ത് 116% അധികം, ചില ജില്ലകളിൽ വളരെ കുറവ് മഴ

India Meteorological Department (IMD) തിരുവനന്തപുരം കേന്ദ്രത്തിന്റെ കണക്കുകൾ പ്രകാരം ജനുവരി 1 മുതൽ ഫെബ്രുവരി 28 വരെ സംസ്ഥാനത്ത് ലഭിച്ച ശൈത്യകാല മഴ സാധാരണയേക്കാൾ 116 ശതമാനം അധികമെന്ന് രേഖപ്പെടുത്തി. സംസ്ഥാനത്തെ സാധാരണ മഴ 21.1 മില്ലിമീറ്ററായിരിക്കെ, ഈ കാലയളവിൽ 45.6 മില്ലിമീറ്റർ മഴയാണ് ലഭിച്ചത്.

ജില്ലകളിലെ മഴയുടെ സ്ഥിതി വിവര കണക്കുകൾ ഇങ്ങനെ

വളരെയധികം അധിക മഴ ലഭിച്ച ജില്ലകൾ

• കോഴിക്കോട് - 1219%
• കണ്ണൂർ - 565%
• വയനാട് - 234%
• പാലക്കാട് - 348%
• തൃശൂർ - 256%

എന്നീ ജില്ലകളിൽ ശൈത്യകാല മഴ അധികം രേഖപ്പെടുത്തി

സാധാരണയ്ക്കടുത്തോ കുറവോ രേഖപ്പെടുത്തിയ ജില്ലകൾ

• ആലപ്പുഴ - 75%
• എറണാകുളം - 88%
• കോട്ടയം - 90%

മഴ കുറവായി രേഖപ്പെടുത്തിയ ജില്ലകൾ

• കൊല്ലം - 11% കുറവ്
• മലപ്പുറം - 19%
• തിരുവനന്തപുരം - 17%
• ഇടുക്കി – 47%
• കാസർകോട് - 70%
• പത്തനംതിട്ട - 96% കുറവ് മഴ രേഖപ്പെടുത്തിയിട്ടുണ്ട്.

കാലാവസ്ഥാ വിദഗ്ധർ പറയുന്നതനുസരിച്ച്, മധ്യവും വടക്കൻ ജില്ലകളിലും മലയോര മേഖലകളിലുമാണ് ഈ കാലയളവിൽ ശക്തമായ മഴ ലഭിച്ചത്. അതേസമയം, തെക്കൻ ചില ജില്ലകളിൽ മഴ കുറവായിരുന്നുവെന്ന് കണക്കുകൾ വ്യക്തമാക്കുന്നുമുണ്ട്.

ശൈത്യകാലത്ത് സാധാരണയായി കുറവായ മഴ ലഭിക്കാറുള്ള സംസ്ഥാനത്ത് ഇത്തവണ മഴയുടെ വർധന കർഷകർക്കും ജലസ്രോതസ്സുകൾക്കും ഗുണകരമാകാമെന്നാണ് വിലയിരുത്തൽ.

ശൈത്യകാല മഴ ഗുണകരമാകുന്നു

പച്ചക്കറി, നെല്ല്, വാഴ, കുരുമുളക് തുടങ്ങിയ വിളകൾക്ക് മണ്ണിലെ ഈർപ്പം വർധിക്കുന്നതോടെ കർഷകർക്ക് ഗുണം ചെയ്യും. മലയോര മേഖലകളിലെ ചായ, കാപ്പി കൃഷികൾക്കും ഈ മഴ സഹായകരമാകും. കിണറുകൾ, കുളങ്ങൾ, ചെറിയ തോടുകൾ എന്നിവയിലെ ജലനിരപ്പ് ഉയരും.

കുടിവെള്ള ക്ഷാമം അനുഭവപ്പെടുന്ന പ്രദേശങ്ങളിൽ ആശ്വാസമാകും. വരൾച്ചാ സാധ്യത കുറയും. വനമേഖലകളിലെ സസ്യജാലങ്ങൾക്ക് ഈർപ്പം ലഭിക്കും.

അതേസമയം അമിതമായ മഴ ചിലപ്പോൾ പച്ചക്കറികൾക്കും പൂക്കൃഷികൾക്കും രോഗബാധ വർധിപ്പിക്കാനും ഇടയാക്കാം. കൂടാതെ, ഇടിമിന്നലും കാറ്റും ഉണ്ടായാൽ കൃഷിനാശ സാധ്യതയും ഉണ്ടാകും. ഒട്ടുമിക്ക മേഖലകളിലും ശൈത്യകാല മഴ ഒരു ആശ്വാസമാണ്, പ്രത്യേകിച്ച് കഴിഞ്ഞ കാലങ്ങളിൽ വരൾച്ച അനുഭവപ്പെട്ട പ്രദേശങ്ങൾക്ക്.

എന്തുകൊണ്ട് ഇത്തവണ ശൈത്യകാലത്ത് കൂടുതൽ മഴ ലഭിച്ചു

സാധാരണ ശൈത്യകാലം (ജനുവരി–ഫെബ്രുവരി) വരൾച്ചയുള്ള കാലഘട്ടമാണ്. എന്നാൽ ഇത്തവണ മഴ വർധിക്കാൻ പ്രധാനമായ ചില കാലാവസ്ഥാ ഘടകങ്ങൾ കാരണമായി എന്നു തന്നെ പറയാം. അതിലൊന്നാണ് ബംഗാൾ ഉൾക്കടലിലെ ന്യൂനമർദ്ദങ്ങൾ.

Bay of Bengal ബംഗാൾ ഉൾക്കടൽ)പ്രദേശത്ത് രൂപപ്പെട്ട ന്യൂനമർദ്ദങ്ങളും ചുഴലിക്കാറ്റ് സ്വഭാവമുള്ള വ്യതിയാനങ്ങളും കിഴക്കൻ കാറ്റുകൾ ശക്തമാക്കി. ഇതിന്റെ ഈർപ്പം കേരളത്തിലേക്ക് എത്തി. മാത്രമല്ല വടക്കേ ഇന്ത്യയിൽ രൂപപ്പെടുന്ന ഈ കാലാവസ്ഥാ വ്യതിയാനങ്ങൾ തെക്കൻ സംസ്ഥാനങ്ങളിലേക്കും സ്വാധീനം ചെലുത്തി മേഘസംഘടന വർധിപ്പിച്ചു.

അറബിക്കടലും ബംഗാൾ ഉൾക്കടലും സാധാരണയേക്കാൾ ചൂട് കൂടിയതോടെ വായുവിൽ ഈർപ്പം വർധിച്ചു. ഇത് ഇടിയോടുകൂടിയ മഴയ്ക്ക് അനുകൂല സാഹചര്യം സൃഷ്ടിച്ചു. ഉച്ചതിരിഞ്ഞ് ചൂട് കൂടുകയും വൈകുന്നേരത്തോടെ മേഘങ്ങൾ രൂപപ്പെടുകയും ചെയ്തതോടെ മലയോര മേഖലകളിൽ ഇടിയോടുകൂടിയ മഴ ലഭിക്കുകയായിരുന്നു.

English Summary : Kerala has witnessed an extraordinary surge in winter rainfall this year. According to the India Meteorological Department (IMD) Thiruvananthapuram, the state recorded 116% excess rain between January 1 and February 28. While the long-period average for this duration is 21.1 mm, the state received a substantial 45.6 mm.