2025 തുലാവർഷ കലണ്ടർ ഔദ്യോഗികമായി അവസാനിച്ചപ്പോൾ കേരളത്തിൽ -21% മഴ കുറവ് രേഖപ്പെടുത്തി . ഒക്ടോബർ 1 മുതൽ ഡിസംബർ 31 വരെ നീളുന്നതാണ് തുലാവർഷ കലണ്ടർ. ഈ കാലയളവിൽ 491.9 mm മഴ ലഭിക്കേണ്ട സ്ഥാനത്തു ഇത്തവണ ലഭിച്ചത് 388.3 എംഎം 2024 ൽ 487.2 mm.( 1% കുറവ്)

ഒക്ടോബറിലും ( 10% കുറവ് ) നവംബറിലും ( 42% കുറവ് ) ഡിസംബറിലും ( 28% കുറവ്) ഇത്തവണ സാധാരണ ലഭിക്കേണ്ട മഴ ലഭിച്ചിട്ടില്ല. കഴിഞ്ഞ വർഷവും ഒക്ടോബർ, നവംബർ മാസങ്ങളിൽ കുറവ് മഴയാണ് ലഭിച്ചത്. ആ മഴ കുറവ് പരിഹരിക്കാനായത് ഡിസംബർ ലഭിച്ച റെക്കോർഡ് ( 306% കൂടുതൽ ) മഴയിലാണ്. 1% കുറവായിരുന്നു കഴിഞ്ഞവർഷം രേഖപ്പെടുത്തിയത്. 2023 ൽ 624.8 mm ആയിരുന്നു ലഭിച്ചത്. 27% കൂടുതൽ ലഭിച്ചിരുന്നു.

അതേസമയം ഈ വർഷം ഏറ്റവും കൂടുതൽ മഴ കോട്ടയം ജില്ലയിൽ ആണ്. ( 550mm, 4% കുറവ് ). ഏറ്റവും കുറവ് മഴ ലഭിച്ചത് വയനാട് ജില്ലയിൽ ( 252 mm, 22% കുറവ് ). ഇത്തവണ എല്ലാ ജില്ലകളിലും സാധാരണ ഈ കാലയളവിൽ ലഭിക്കേണ്ട മഴയെക്കാൾ കുറവ് മഴയാണ് ലഭിച്ചത്.

2025ൽ കേരളത്തിൽ 2925 mm മഴ ലഭിച്ചു

കേരളത്തിൽ ഈ വർഷം ലഭിച്ചത് 2925 mm മഴ. സാധാരണ ലഭിക്കേണ്ടത് 2891 mm മഴയാണ്.

ഈ വർഷം ഏറ്റവും കൂടുതൽ മഴ ലഭിച്ചത് കണ്ണൂർ ( 4371 mm ), കാസറഗോഡ് (3857 mm) ജില്ലകളിലാണ്. മാഹി ( 3958 mm). ഏറ്റവും കുറവ് തിരുവനന്തപുരം ( 2060 mm) പാലക്കാട്‌ ( 2298 mm) ജില്ലകളിൽ ആണ്.

കണ്ണൂർ, കാസർഗോഡ്, കോഴിക്കോട്,പാലക്കാട്‌, തൃശൂർ,കോട്ടയം, പത്തനംതിട്ട, തിരുവനന്തപുരം ജില്ലകളിൽ സാധാരണ ലഭിക്കേണ്ട മഴയെക്കാൾ കൂടുതൽ ലഭിച്ചിട്ടുണ്ട്.

അതേസമയം കഴിഞ്ഞ മൂന്നു വർഷങ്ങൾക്കിടയിൽ ഏറ്റവും കൂടുതൽ തണുപ്പ് അനുഭവപ്പെട്ട വർഷമായിരുന്നു 2025 ഡിസംബർ. 2023 ഡിസംബറിൽ 22 മുതൽ 24 ഡിഗ്രി വരെയായിരുന്നു താപനില രേഖപ്പെടുത്തിയത്. പിന്നീട് മഴ ലഭിച്ചതോടെ തണുപ്പ് കുറഞ്ഞു തുടങ്ങി. എന്നാൽ 2024ൽ താപനില 20 ഡിഗ്രി സെൽഷ്യത്തിലേക്ക് എത്തിയിരുന്നെങ്കിലും കൂടുതൽ ദിവസം തണുപ്പ് നിലനിന്നിരുന്നില്ല. ഇടയ്ക്കിടെ മഴ ലഭിച്ചത് തണുപ്പ് കുറയാൻ കാരണമായി.

അതേസമയം, 2025-ലെ ഡിസംബർ കഴിഞ്ഞ രണ്ട് വർഷങ്ങളെ അപേക്ഷിച്ച് കൂടുതൽ തണുപ്പ് അനുഭവപ്പെട്ട വർഷമായിരുന്നു. മാസത്തിന്റെ ആദ്യ പകുതിയോടെ തന്നെ താപനിലയിൽ ഇടിവ് ആരംഭിച്ചു, ഡിസംബർ 10 മുതൽ 22 വരെ ശരാശരി കുറഞ്ഞ താപനില 16–18 ഡിഗ്രി സെൽഷ്യസ് വരെ താഴ്ന്നു . മാസാവസാനം വരെ രാത്രിയും രാവിലെയും തണുപ്പ് തുടർന്നു തുടർന്നു

*Join our WhatsApp Channel* : https://whatsapp.com/channel/0029Va4nNXQ0rGiHaJp0NS3c

പ്രവാഹം, ഹിമാലയം മറികടന്നു വടക്കേ ഇന്ത്യ വഴി തണുത്ത വായു പ്രവാഹം ദക്ഷിണേന്ത്യയിലേക്കും വ്യാപിച്ചത് കൂടാതെ എംജെഒ (MJO) ജെറ്റ് സ്ട്രീം എന്നിവയാണ് 2025-ൽ തണുപ്പ് വർദ്ധിക്കാൻ കാരണം.

അതേസമയം പുതുവത്സര തലേന്ന് കേരളത്തിൽ മഴ ലഭിച്ചു. മലപ്പുറം കരുവാരക്കുണ്ട് പുൽട്ടയിൽ ചെറിയ മഴയാണ് ലഭിച്ചത്. വിവിധ ജില്ലകളിൽ മൂടിക്കെട്ടിയ അന്തരീക്ഷമാണ്. തെക്കൻ കേരളത്തിലും മധ്യകേരളത്തിലും മഴയ്ക്ക് സാധ്യതയുണ്ടെന്ന് മുന്നറിയിപ്പ് നൽകി കാലാവസ്ഥ വകുപ്പ്.

Metbeat news

Credit : രാജീവൻ എരിക്കുളം