മാലിന്യം നിറഞ്ഞ നദികളുടെ എണ്ണത്തിൽ കേരളം രണ്ടാമത്, 32 നദികൾ മലിനമാക്കിയത് നമ്മൾ ഓരോരുത്തരും

രാജ്യത്ത് മലിനമായ നദികളുടെ എണ്ണത്തിൽ കേരളം രണ്ടാംസ്ഥാനത്തെന്ന് കേൾക്കുമ്പോൾ ഞെട്ടിയോ. എന്തിനു ഞെട്ടണം. ഇതിനുത്തരവാദികൾ നമ്മൾ ഓരോരുത്തരുമാവുമ്പോൾ ഈ ഞെട്ടലിനിവിടെ പ്രസക്തിയില്ല. ഏതായാലും കേന്ദ്ര മലിനീകരണ നിയന്ത്രണ ബോർഡ് പുതിയ റിപ്പോർട്ട് പുറത്തുവീട്ടിട്ടുണ്ട്. മാലിന്യ വാഹികളായ രാജ്യത്തെ 271 നദി കളിൽ 32 എണ്ണം കേരളത്തിലാണ്. 54 നദികളുമായി മഹാരാ ഷ്ട്രയാണ് ഒന്നാമത്.

കേരളത്തിലെ 32 നദികളിൽ മലിനമായി കിടക്കുന്നു

മൂവാറ്റുപുഴയാർ, കല്ലായിപ്പുഴ, പെരിയാർ, കല്ലടയാർ, കരമന യാർ, മണിമലയാർ, പെരിയാർ, അച്ചൻകോവിലാർ, ചിത്രപ്പുഴ തു ടങ്ങി സംസ്ഥാനത്തെ 32 നദികളിലാണ് മാലിന്യം കണ്ടെത്തിയത്. വെള്ളത്തിൽ കലരുന്ന വിസർ ജ്യത്തിന്റെ തോത് അനുസരിച്ചുള്ള ഫീക്കൽ കോളിഫോം കൗണ്ട്(എഫ്സി കൗണ്ട്) ഈ നദിക ളിൽ അനുവദനീയ പരിധിക്ക് (2500 മി.ലി.) പുറത്താണ്. വെള്ള ത്തിലെ ഓക്സിജന്റെ അളവു പരിശോധിച്ച് മലിനീകരണ തോത് കണക്കാക്കുന്ന ബിഒഡി (ബയോകെമിക്കൽ ഓക്സിജൻ ഡിമാൻഡ്) നിരക്കും അപകടനി ലയിലാണെന്നാണ് റിപ്പോർട്ടിൽ പറയുന്നത്.

ഇന്ന് ലോക മാലിന്യനിയന്ത്രണ ദിനം

ലോക മാലിന്യനിയന്ത്രണ ദിനത്തിൽ തന്നെ കേരളത്തിനു കിട്ടിയ ഈ സ്ഥാനം നമ്മൾ ഒട്ടും പ്രതീക്ഷിക്കാത്തതാണ്. കാരണം ഓരോ ദിവസവും വികസനം കൊണ്ടു വരുന്ന വിവിധതരം മാലിന്യ നിർമ്മാർജ്ജ പദ്ധതികൾ വിപുലീകരിക്കുന്ന കേരളത്തിൽ ഇത്തരമൊരു റിപ്പോർട്ട് പുറത്തു വിടുമ്പോൾ ഇതിന് ഉത്തരവാദികൾ നാം ഓരോരുത്തരുമാണെന്ന് ഓർക്കണം.

ഇപ്പോഴുള്ള തലമുറയ്ക്കും ഭാവിയിലുമുള്ള തലമുറകൾക്കും സുരക്ഷിതവും ആരോഗ്യകരവുമായ ഒരു ഇടം ഉറപ്പാക്കുന്നതിന് സുസ്ഥിരമായ പദ്ധതികൾ ആവശ്യമാണ്. മെച്ചപ്പെട്ടതോ വൃത്തിയുള്ളതോ ആയ ഒരു അന്തരീക്ഷം രൂപപ്പെടുത്തുന്നതിന് മലിനീകരണത്തെക്കുറിച്ച് ജനങ്ങൾക്ക് അറിവ് നൽകേണ്ടതും പ്രധാനമാണ്.

നാടിനെ നടുക്കിയ ഭോപ്പാൽ ദുരന്തം

1984-ലെ ഭോപ്പാൽ വാതക ദുരന്തത്തിൽ മരിച്ചവരുടെ സ്മരണയ്ക്കായാണ് എല്ലാ വർഷവും ഡിസംബർ 2-ന് ദേശീയ മലിനീകരണ നിയന്ത്രണ ദിനം ആചരിക്കുന്നത്. വായു, ജലം, മണ്ണ് എന്നിവയെ ബാധിക്കുന്ന മലിനീകരണത്തിന്റെ ഗുരുതരമായ പ്രത്യാഘാതങ്ങളെക്കുറിച്ച് അവബോധം വളർത്താനും ഭോപ്പാലിൽ ഉണ്ടായതുപോലുള്ള വ്യാവസായിക ദുരന്തങ്ങൾ ഒഴിവാക്കാൻ പ്രതിരോധ നടപടികളുടെ ആവശ്യകത ഊന്നിപ്പറയാനും ഈ ദിനം ശ്രമിക്കുന്നു.

English Summary: Commemorate the victims of the Bhopal gas tragedy on December 2nd. Join us in raising awareness about pollution's impact and the need for preventive measures.