കഴിഞ്ഞ 10 വര്‍ഷത്തിനിടെ ജൂണ്‍ 1 ന് കാലവര്‍ഷം എത്തിയത് 2020 ല്‍ മാത്രം

തെക്കുപടിഞ്ഞാറന്‍ മണ്‍സൂണ്‍ കേരളത്തില്‍ എത്തേണ്ട സാധാരണ തിയതി ജൂണ്‍ 1 ആണ്. എന്നാല്‍ കഴിഞ്ഞ 10 വര്‍ഷത്തിനിടെ 2020 ല്‍ മാത്രമാണ് കാലവര്‍ഷം ജൂണ്‍ 1 ന് കേരളത്തിലെത്തിയത്. കാലാവസ്ഥാ വകുപ്പിന്റെ പ്രവചന തിയതി പ്രകാരം മണ്‍സൂണ്‍ എത്തിയത് 2017 ലും 2018 ലും. കഴിഞ്ഞ 10 വര്‍ഷം കാലവര്‍ഷം എത്തിയ തിയതിയും കാലാവസ്ഥാ വകുപ്പിന്റെ പ്രവചന തിയതിയും ജൂണ്‍ 1 എന്ന സാധാരണ തിയതിയേക്കാള്‍ വ്യതിയാനവും പരിശോധിക്കാം.

2017 ല്‍ കാലാവസ്ഥാ വകുപ്പ് പ്രവചിച്ചത് മെയ് 30 ന് കാലവര്‍ഷം എത്തുമെന്നാണ് മെയ് 30 ന് തന്നെ കാലവര്‍ഷം എത്തിയ പ്രഖ്യാപനമുണ്ടായി. രണ്ടു ദിവസം മുന്‍പെയാണ് 2017 ല്‍ കാലവര്‍ഷം ഓണ്‍സെറ്റുണ്ടായത്.

കേരളം മഹാ പ്രളയത്തെ നേരിട്ട 2018 ല്‍ മെയ് 29 ന് കാലാവസ്ഥാ വകുപ്പ് പ്രവചിച്ച ദിവസം തന്നെ കാലവര്‍ഷം എത്തി. സാധാരണയേക്കാള്‍ 3 ദിവസം മുന്‍പായിരുന്നു മണ്‍സൂണ്‍ എത്തിയത്.

2019 ല്‍ ജൂണ്‍ 6 ന് കാലവര്‍ഷം എത്തുമെന്നായിരുന്നു കാലാവസ്ഥാ വകുപ്പിന്റെ പ്രവചനം. ആ വര്‍ഷം കാലവര്‍ഷം എത്തിയത് ജൂണ്‍ 8 നാണ്. ഏഴു ദിവസം വൈകിയായിരുന്നു ഓണ്‍സൈറ്റ്.

2020 ല്‍ കാലാവസ്ഥാ വകുപ്പ് ജൂണ്‍ 5 ന് പ്രവചിച്ചെങ്കിലും ജൂണ്‍ 1 ന് തന്നെ കാലവര്‍ഷം എത്തി. കൃത്യസമയം പാലിച്ചത് ഈ വര്‍ഷം മാത്രം

2021 ല്‍ മെയ് 31 ന് കാലവര്‍ഷം എത്തുമെന്നായിരുന്നു കാലാവസ്ഥാ വകുപ്പിന്റെ പ്രവചനം. ജൂണ്‍ 3 ന് സാധാരണയേക്കാള്‍ രണ്ടു ദിവസം വൈകിയാണ് കാലവര്‍ഷം എത്തിയത്.

2022 ല്‍ മെയ് 27 യായിരുന്നു കാലവര്‍ഷം എത്തുമെന്ന് ഐ.എം.ഡി പ്രവചിച്ചത്. മെയ് 29 ന് സാധാരണയേക്കാള്‍ രണ്ടു ദിവസം മുന്‍പ് കാലവര്‍ഷമെത്തി.

2023 ല്‍ ജൂണ്‍ 4 ന് കാലവര്‍ഷമെത്തുമെന്നായിരുന്നു പ്രവചനം. ജൂണ്‍ എട്ടിന് ഏഴു ദിവസം വൈകിയാണ് ആ വര്‍ഷം കാലവര്‍ഷം എത്തിയത്.

2024 ല്‍ മെയ് 31 ന് കാലവര്‍ഷം എത്തുമെന്നായിരുന്നു പ്രവചനം. മെയ് 30 നാണ് കാലവര്‍ഷം എത്തിയത്. രണ്ടു ദിവസം നേരത്തെ.

2025 ലും മെയ് 31 നായിരുന്നു കാലവര്‍ഷം എത്തുമെന്ന് പ്രവചിച്ചിരുന്നത്. മെയ് 24 ന് തന്നെ 8 ദിവസം നേരത്തെ കാലവര്‍ഷം എത്തി.

2026 ല്‍ മെയ് 26 നായിരുന്നു കാലവര്‍ഷം എത്തുമെന്ന് കാലാവസ്ഥാ വകുപ്പ് പ്രവചിച്ചത്. ജൂണ്‍ നാലിന് സാധാരണയേക്കാള്‍ 4 ദിവസം വൈകിയാണ് കാലവര്‍ഷം എത്തിയത്.

കാലവര്‍ഷം എത്തിയെന്ന് സ്ഥിരീകരിക്കാനുള്ള മാനദണ്ഡം പൂര്‍ത്തിയാകാത്തതാണ് പലപ്പോഴും പ്രവചന ദിനങ്ങളില്‍ കാലവര്‍ഷം പ്രഖ്യാപിക്കാന്‍ കഴിയാതിരുന്നത്. മോഡല്‍ വ്യതിയാനത്തില്‍ 4 ദിവസത്തെ സമയ പരിധി നല്‍കിയിട്ടുണ്ടെങ്കിലും അതും മറികടന്നാണ് ഇത്തവണ ഉള്‍പ്പെടെ കാലവര്‍ഷം എത്തിയത്.

കാലവര്‍ഷം പ്രവചിക്കാന്‍ കാലാവസ്ഥാ വകുപ്പ് തദ്ദേശീയമായി വികസിപ്പിച്ച പ്രവചന മാതൃകയാണ് ഉപയോഗിക്കുന്നത്. ഇതില്‍ നാലു ദിവസത്തെ വ്യതിയാനത്തിന് സാധ്യതയുണ്ട്. മുകളില്‍ പറഞ്ഞ തിയതികളില്‍ മിക്കതും ഈ പരിധിയില്‍ വരുന്നതുമാണ്.

English Summary : Kerala Monsoon Trends: June 1 Arrival Recorded Only Once in the Last Decade . The official normal onset date for the southwest monsoon in Kerala is June 1. However, an analysis of the past ten years (2017–2026) reveals that the monsoon arrived precisely on this date only once in the year 2020.