കേരളത്തിൽ ഇന്നലെ ഉച്ചയ്ക്ക് മുതൽ തുടങ്ങിയ മഴ ഇന്ന് രാവിലെയും തുടരുന്നു. മഴ കെടുതികളിൽ ഇന്നലെ ഒരു മരണം റിപ്പോർട്ട് ചെയ്തു. ഇടുക്കി ശാന്തമ്പാറയിൽ ഓട്ടോയുടെ മുകളിൽ മരം വീണ് മധ്യവയസ്കൻ മരിച്ചു.

കോഴിക്കോട് ജില്ലയിലെ കുന്നമംഗലത്തിന് സമീപം ചാത്തമംഗലത്ത് ഒഴുക്കിൽപ്പെട്ട് കുട്ടി മരിച്ചു. ചാത്തമംഗലം ചോയിമഠം റോഡിൽ ചെറുപുഴയിൽ ഇന്നലെ ഉച്ചയോടെ ആയിരുന്നു സംഭവം. രണ്ടു കുട്ടികളാണ് ഒഴുക്കിൽപ്പെട്ടത്. ഒരാളെ നാട്ടുകാർ രക്ഷപ്പെടുത്തി. കാണാതായ സനു ഫിയാസ് (13) എന്ന കുട്ടിയെ അഗ്നി രക്ഷാ സേനയുടെ കോഴിക്കോട് ജില്ല സ്കൂബാ ടീം നടത്തിയ തിരച്ചിലിൽ കണ്ടെത്തി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല.

ശാന്തമ്പാറ കോമാട്ടിൽ വിജയൻ (50) ആണ് മരിച്ചത്. പലയിടങ്ങളിലും നാശനഷ്ടം ഉണ്ട്. കോട്ടയത്ത് മിന്നലേറ്റ് പല്ലാട്ട് ബ്രഹ്മദത്തൻ എന്ന ആന ചരിഞ്ഞു. പത്തനംതിട്ട ജില്ലയിലെ കോന്നി കൊക്കത്തോട് മൂക്കം പൊയ്കയിൽ യുവതിക്ക് മിന്നലേറ്റു.

ഇടുക്കി ജില്ലയിലെ കോടിക്കുളം 12-ാo വാർഡിൽ ചെറു തോട്ടിൻകര ഭാഗത്ത് കാറ്റിൽ തകർന്ന വീട് - Photo : Special Arrangment

സിന്ധു എന്ന യുവതിക്കാണ് ഇടിമിന്നലേറ്റത്. ഇവരെ കോന്നി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സ്ഥലത്ത് നിരവധി വീടുകൾക്കും കടകൾക്കും നാശനഷ്ടം സംഭവിച്ചു. ശക്തമായ മഴയിലും കാറ്റിലും ഇടുക്കി ജില്ലയിൽ കോടിക്കുളം 12-ാo വാർഡിൽ ചെറു തോട്ടിൻകര ഭാഗത്ത് 4 വീടുകൾക്ക് നാശനഷ്ടം സംഭിവിച്ചു.

മഴ രാവിലെയും തുടരുന്നു

വടക്കൻ ജില്ലകളിൽ മഴ രാവിലെയും തുടരുകയാണ്. ഇന്നു പുലർച്ചെ കോഴിക്കോട്, മലപ്പുറം, വയനാട്, കണ്ണൂർ, കാസർകോട് ജില്ലകളിൽ മഴ ലഭിച്ചു. ഇന്ന് മഴയെ തുടർന്ന് 6 ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് നൽകി. പത്തനംതിട്ട, ഇടുക്കി, മലപ്പുറം, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്.

മഴയ്ക്ക് കാരണം ചക്രവാതചുഴിയും ന്യൂനമർദ്ദ പാത്തിയും

മാന്നാർ കടലിടുപ്പിന് മുകളിൽ രൂപപ്പെട്ട ചക്രവാതച്ചുഴിയും (cyclonic circulation) ഇതിൽനിന്ന് തെക്കൻ തമിഴ്നാടിന് മുകളിലൂടെ വടക്കൻ കേരളവും കർണാടകയും കടന്ന് മധ്യ കിഴക്കൻ അറബിക്കടലിലേക്ക് നീളുന്ന ന്യൂന മർദ്ദ പാത്തി (Trough) ആണ് മഴയ്ക്ക് കാരണം എന്ന് Metbeat Weather നിരീക്ഷിക്കുന്നു.

വടക്കൻ കേരളത്തിലും ദക്ഷിണ കന്നടയിലും ഇതു കാരണം രാവിലെയും ഇടിയും മഴയും തുടരുന്നുണ്ട്.

കാലവർഷം വിടവാങ്ങൽ ദക്ഷിണ ഇന്ത്യയിലേക്ക്

മഹാരാഷ്ട്രയുടെ വടക്കൻ മേഖല വരെ കാലവർഷം വിടവാങ്ങിയിട്ടുണ്ട്. കർണാടക, ആന്ധ്ര പ്രദേശ് , തെലങ്കാന, തമിഴ്നാട്, കേരളം എന്നിവിടങ്ങളിലാണ് ഇനി കാലവർഷം വിടവാങ്ങാനുളളത്. കാലവർഷം വിടവാങ്ങിയ ശേഷം ഇവിടങ്ങളിൽ തുലാവർഷം ആരംഭിക്കും.

ഇന്നത്തെ മഴ സാധ്യത

ഇന്ന് കേരളം, തമിഴ്നാട്, കർണാടക സംസ്ഥാനങ്ങളിൽ വ്യാപകമായ മഴക്ക് സാധ്യത. തമിഴ്നാട്ടിലും തെക്കൻ കേരളത്തിലും ഇന്ന് വടക്കൻ തമിഴ്നാടിനെയും വടക്കൻ കേരളത്തെയും അപേക്ഷിച്ചു മഴ കുറയും. കണ്ണൂർ, കാസർകോട് , വയനാട്, കോഴിക്കോട് , മലപ്പുറം, തൃശൂർ, പാലക്കാട്, എറണാകുളം, ഇടുക്കി, കോട്ടയം, പത്തനംതിട്ട, ആലപ്പുഴ ജില്ലകളിൽ ഇന്ന് വൈകിട്ടും രാത്രിയും ഇടിയോടെ മഴ സാധ്യത.

മഴ സാധ്യത ലൊക്കേഷനുകൾ ഉച്ചയോടെ അപ്ഡേറ്റ് ചെയ്യും. ഈ ലിങ്കിലും വായിക്കാം. മഴയും മിന്നലും ട്രാക്ക് ചെയ്യാൻ താഴെ കൊടുത്ത ലിങ്ക് ഉപയോഗിക്കാം. തൽസമയ മഴ വിവരങ്ങൾക്കും വാർത്തകൾക്കും ഈ വെബ്സൈറ്റ് നിരീക്ഷിക്കുക.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=11.2857

English Summary : Kerala Heavy Rainfall: Two Dead and Widespread Damage Reported Across Districts. Rainfall that began on Sunday afternoon continues to lash Kerala, leaving two dead, causing significant property damage, and triggering a yellow alert in six districts.