കേരളത്തിൽ ചൂട് 38°C, പക്ഷേ നമുക്ക് അനുഭവപ്പെടുന്നത് 43°C, എന്തുകൊണ്ട് ?

കേരളത്തിൽ പല പ്രദേശങ്ങളിലും താപനില (Temperature) 38°C ചുറ്റുമാണെങ്കിലും, ശരീരത്തിന് അനുഭവപ്പെടുന്ന ചൂട് (Feels Like Temperature / Apparent Temperature) 40–43°C വരെ ഉയരുന്നു, സൂര്യനെ പ്രാകുകയാണ് കേരളം. എന്തുകൊണ്ടാണ് ഇങ്ങനെ സംഭവിക്കുന്നത്? ഇതിന് പിന്നിൽ ചില പ്രധാന കാരണങ്ങൾ ഉണ്ട്.

38°C എന്നത് വായുവിന്റെ താപനില മാത്രമാണ്. പക്ഷേ ഈർപ്പം, കാറ്റ്, സൂര്യപ്രകാശം എന്നിവ ചേർന്നാണ് ‘Feels Like’ താപനില 40–43°C വരെ ഉയരുന്നത്. അതുകൊണ്ടാണ് കേരളത്തിൽ ചൂട് “കണക്കിൽ കാണുന്നതിലും” കൂടുതൽ അനുഭവപ്പെടുന്നത്.
കേരളത്തിൽ 36 മുതൽ 40 ഡിഗ്രിക്കു ഉള്ളിലാണ് നിലവിൽ അനുഭവപ്പെടുന്ന താപനില.

ജില്ലകളിലെ താപനില

• കണ്ണൂർ, കോഴിക്കോട്, മലപ്പുറം, തൃശ്ശൂർ, എറണാകുളം – 37°C
• കോട്ടയം, പത്തനംതിട്ട – 37–38°C
• കൊല്ലം, തിരുവനന്തപുരം – 36–39°C
• ഇടുക്കി, വയനാട് – 35°C (താഴ്ന്ന പ്രദേശങ്ങളെക്കാൾ കുറവ്)
ചെറുപ്പളശ്ശേരിയിൽ 37 °C താപനിലയാണ് കാണിക്കുന്നത്. പക്ഷേ അവിടെ feel ചെയ്യുന്നത് 43 °C ആണ്.

‘Feels Like’ താപനില എന്താണ്? (What is Feels Like Temperature?)

‘Feels Like Temperature’ എന്നത് വെറും വായു താപനിലയല്ല. മനുഷ്യശരീരത്തിന് യഥാർത്ഥത്തിൽ എത്ര ചൂട് അനുഭവപ്പെടുന്നു എന്നതാണ് ഇത് കാണിക്കുന്നത്.
ഇത് കണക്കാക്കുമ്പോൾ പ്രധാനമായും രണ്ട് കാര്യങ്ങൾ പരിഗണിക്കുന്നു അതിലൊന്ന് ഈർപ്പം (Humidity), മറ്റൊന്ന് കാറ്റിന്റെ വേഗത (Wind Speed).
ഇതുകൊണ്ടാണ് 34°C ആയിട്ടും 43°C പോലെ തോന്നുന്നത്.

ഈർപ്പം കൂടുമ്പോൾ ചൂട് കൂടുതൽ (High Humidity Effect)

കേരളം പോലുള്ള തീരപ്രദേശങ്ങളിൽ ഈർപ്പം (Humidity) വളരെ കൂടുതലാണ്.
ശരീരം ചൂട് കുറയ്ക്കാൻ വിയർക്കും (Sweating). എന്നാൽ
ഈർപ്പം കൂടുമ്പോൾ വിയർപ്പ് വേഗത്തിൽ ഉണങ്ങില്ല അതിനാൽ ശരീരം തണുപ്പിക്കാൻ കഴിയില്ല. ഇതിൻ്റെ ഫലമായി ചൂട് കൂടുതൽ തോന്നും. ഇതിനെ ‘Heat Index’ എന്നും വിളിക്കുന്നു (Temperature + Humidity combined effect).

കാറ്റ് കുറയുമ്പോൾ ചൂട് കൂടും (Low Wind Effect)

കാറ്റ് (Wind) ശരീരത്തിലെ ചൂട് കുറയ്ക്കാൻ സഹായിക്കുന്നു. എന്നാൽ കാറ്റ് ഇല്ലെങ്കിൽ ചൂട് കുടുങ്ങി നിൽക്കും. ശരീരത്തിൽ നിന്നുള്ള ചൂട് പുറത്തേക്ക് പോകാൻ ബുദ്ധിമുട്ട് ഉണ്ടാകും
അതിനാൽ ‘Feels Like’ താപനില ഉയരും.

സൂര്യപ്രകാശവും നിലത്തിന്റെ സ്വഭാവവും (Solar Radiation & Surface Heat)

നഗരങ്ങളിൽ കോൺക്രീറ്റ്, ടാർ റോഡുകൾ കൂടുതൽ ചൂട് ആഗിരണം ചെയ്യും.
മരങ്ങൾ കുറവായതിനാൽ തണൽ ലഭിക്കില്ല. ഈ ചൂടുള്ള അവസ്ഥയെ Urban Heat Island Effect എന്ന് പറയുന്നു. ഇതും കൂടുതൽ ചൂട് അനുഭവം വർധിപ്പിക്കുന്നു.

പാലക്കാട് എന്തുകൊണ്ട് കൂടുതൽ ചൂട്? (Why Palakkad is Hotter?)

പാലക്കാട് ജില്ലയിൽ ചൂട് കൂടുതലാകാനുള്ള കാരണം പശ്ചിമ ഘട്ടത്തിലെ (Western Ghats) ‘Palakkad Gap’ ആണ്.(Palakkad Gap എന്നത് പടിഞ്ഞാറൻ ഘട്ടത്തിൽ ഏകദേശം 30–40 കിലോമീറ്റർ വീതിയുള്ള വലിയ ഒരു ഇടവഴിയാണ്.
സാധാരണയായി പശ്ചിമഘട്ടം ഒരു മതിലുപോലെ പ്രവർത്തിച്ച് കാറ്റിനെയും കാലാവസ്ഥയെയും നിയന്ത്രിക്കും.) തമിഴ്നാട്ടിൽ നിന്ന് ചൂടുള്ള കാറ്റ് കടന്നു വരുന്നതും ഒരു കാരണമാണ്. ഇതുകൊണ്ടെല്ലാം ഇവിടെ യഥാർത്ഥ താപനിലയും ‘Feels Like’ താപനിലയും കൂടുതലായിരിക്കും.

‘Feels Like’ 43°C ആകുമ്പോൾ അപകടസാധ്യത (Health Risk)

‘Feels Like’ താപനില 40°C കടന്നാൽ ക്ഷീണം (Fatigue), ഡീഹൈഡ്രേഷൻ (Dehydration), ഹീറ്റ് സ്ട്രോക്ക് (Heat Stroke) അപകടം എന്നിവ സംഭവിക്കാം.

Kerala Heatwave : സംസ്ഥാനത്ത് കടുത്ത ചൂട്, ആശുപത്രികളിൽ ഹീറ്റ് സ്‌ട്രോക്ക് ക്ലിനിക്കുകൾ ആരംഭിച്ചു, ജാഗ്രത നിർദേശം ശക്തമാക്കി ആരോഗ്യവകുപ്പ്
സംസ്ഥാനത്ത് കനത്ത ചൂട് അനുഭവപ്പെടുന്ന സാഹചര്യത്തിൽ പൊതുജനങ്ങൾ കൂടുതൽ ജാഗ്രത പുലർത്തണമെന്ന് ആരോഗ്യ മന്ത്രി
https://metbeatnews.com/kerala-heatwave-alert-health-ministry-opens-heat-stroke-clinics-as-temperatures-soar

എങ്ങനെ സുരക്ഷിതരാകാം? (How to Stay Safe?)

• കൂടുതൽ വെള്ളം കുടിക്കുക (Stay Hydrated)
• ഉച്ച സമയത്ത് പുറത്തിറങ്ങുന്നത് ഒഴിവാക്കുക
• തണലുള്ള ഇടങ്ങളിൽ കഴിയുക
• ഇളം നിറത്തിലുള്ള വസ്ത്രങ്ങൾ ധരിക്കുക

English Summary : Are you feeling exhausted despite the thermometer only showing 37°C? Kerala is witnessing a massive spike in the "Feels Like" temperature, reaching dangerous levels of 43°C. This article breaks down how high humidity and the Heat Index prevent body cooling, the impact of the Palakkad Gap, and essential safety tips to survive Kerala’s record-breaking summer.