UAE Big Ticket Draw: ജൂണിലെ ആദ്യ ഇ-ഡ്രോയിൽ നാല് മലയാളികൾക്ക് 25,000 ദിർഹം വീതം സമ്മാനം

യു.എ.ഇയിലെ ബിഗ് ടിക്കറ്റിന്റെ ജൂൺ മാസത്തെ ആദ്യ പ്രതിവാര ഇ-ഡ്രോയിൽ നാല് മലയാളികളെ ഭാഗ്യം തേടിയെത്തി. ഓരോരുത്തർക്കും 25,000 ദിർഹം (ഏകദേശം 5.5 ലക്ഷത്തിലധികം ഇന്ത്യൻ രൂപ) വീതമാണ് സമ്മാനമായി ലഭിച്ചത്.

വിജയിച്ചു എന്ന് അറിയിച്ചുകൊണ്ടുള്ള ആദ്യത്തെ ഫോൺ വിളി വിശ്വസിക്കാൻ കഴിഞ്ഞില്ലെന്ന് മലയാളികൾ പറഞ്ഞു.

മക്കളുടെ ഭാഗ്യമെന്ന് അഫ്താബ്

വിജയികളിൽ ഒരാൾ കേരളത്തിൽ നിന്നുള്ള 51 കാരനായ അഫ്താബ് കോടക്കടൻ ആണ്. ബിസിനസ്സുകാരനായ ഇദ്ദേഹം 2006 മുതൽ കുടുംബത്തോടൊപ്പം ദോഹയിലാണ് താമസം. വിമാന യാത്രകൾക്കിടയിലാണ് ബിഗ് ടിക്കറ്റിനെക്കുറിച്ച് അഫ്താബ് ആദ്യം അറിയുന്നത്. കഴിഞ്ഞ മൂന്ന് വർഷമായി അദ്ദേഹം ബിഗ് ടിക്കറ്റ് എടുക്കുന്നുണ്ട്.

"കഴിഞ്ഞ മൂന്ന് വർഷമായി ഞാൻ സ്വന്തമായാണ് ഓൺലൈനായി ടിക്കറ്റുകൾ എടുക്കുന്നത്. ടിക്കറ്റ് എടുക്കുമ്പോൾ ഞാൻ എപ്പോഴും ചെയ്യുന്ന ഒരു കാര്യം, ടിക്കറ്റ് നമ്പറുകൾ തെരഞ്ഞെടുക്കാൻ എന്റെ മക്കളോട് ആവശ്യപ്പെടാറുണ്ട് എന്നതാണ്," അഫ്താബ് പറയുന്നു.

ബിഗ് ടിക്കറ്റ് പ്രതിനിധികൾ സമ്മാനവിവരം ഫോണിൽ അറിയിച്ചപ്പോൾ ആദ്യം വിശ്വസിക്കാൻ കഴിഞ്ഞില്ലെന്നും ആരോ പറ്റിക്കാൻ വിളിച്ചതാണെന്നാണ് കരുതിയതെന്നും അദ്ദേഹം പറഞ്ഞു.

സമ്മാനത്തുക എന്ത് ചെയ്യണമെന്ന് തീരുമാനിച്ചിട്ടില്ലെങ്കിലും, അടുത്ത ബിഗ് ടിക്കറ്റ് അദ്ദേഹം ഇതിനകം തന്നെ എടുത്തു കഴിഞ്ഞു. മെഗാ ജാക്ക്‌പോട്ട് അടിക്കുമെന്ന പ്രതീക്ഷയിലാണ് ഇദ്ദേഹം.

സുബൈറിന്റെ ആദ്യ വിജയം

അൽ ഖൈമയിൽ കഴിഞ്ഞ 13 വർഷമായി സൂപ്പർമാർക്കറ്റിൽ ജോലി ചെയ്യുന്ന 44 കാരനായ സുബൈർ അബ്ദു സുബൈർ ആണ് സമ്മാനം നേടിയ മറ്റൊരു മലയാളി. സാധാരണയായി സുഹൃത്തുക്കളോടൊപ്പം ഗ്രൂപ്പായി ടിക്കറ്റ് എടുക്കാറുള്ള സുബൈർ, ഇത്തവണ തനിച്ചാണ് ടിക്കറ്റ് എടുത്തത്.

അതുകൊണ്ട് തന്നെ ഈ വിജയം അദ്ദേഹത്തിന് തികച്ചും അപ്രതീക്ഷിതമായിരുന്നു. സുബൈറിന്റെ ജീവിതത്തിലെ ആദ്യത്തെ ബിഗ് ടിക്കറ്റ് വിജയമാണിത്. ഈ തുക കുടുംബത്തെ സഹായിക്കാൻ ഉപയോഗിക്കുമെന്നും മറ്റുള്ളവരും തങ്ങളുടെ ഭാഗ്യം പരീക്ഷിക്കണമെന്നും അദ്ദേഹം പറഞ്ഞു.

21 പേരുടെ കൂട്ടായ്മയ്ക്ക് വിജയം സമ്മാനിച്ച് സഫ്ന

അൽ ഐനിൽ കുടുംബത്തോടൊപ്പം താമസിക്കുന്ന 26 കാരിയായ സഫ്ന പൊത്തങ്ങൽ കാദറാണ് സമ്മാനം ലഭിച്ച മറ്റൊരു മലയാളി. 21 പേർ അടങ്ങുന്ന ഗ്രൂപ്പായി ചേർന്നാണ് സഫ്നയും കൂട്ടരും ടിക്കറ്റെടുത്തത്. കഴിഞ്ഞ കുറച്ചു വർഷങ്ങളായി ഇവർ ഒരുമിച്ച് ടിക്കറ്റ് എടുക്കുന്നുണ്ടെങ്കിലും ആദ്യമായാണ് ഇവരെ തേടി സമ്മാനമെത്തുന്നത്.

ഗ്രൂപ്പിലെ എല്ലാവരും ഈ വിജയത്തിൽ സന്തോഷത്തിലാണ്.
2.5 കോടി ദിർഹത്തിന്റെ (Dh25 million) ബമ്പർ ജാക്ക്‌പോട്ട് ലക്ഷ്യമിട്ട് ടിക്കറ്റെടുക്കുന്ന പ്രവാസികൾക്ക് ഈ പ്രതിവാര സമ്മാനങ്ങൾ വലിയൊരു ആശ്വാസവും പ്രതീക്ഷയുമാണ് നൽകുന്നത്.

ഉറക്കത്തിനിടയിൽ തേടിയെത്തിയ ഭാഗ്യം; അനീഷ് അബ്രഹാം

യു.കെയിൽ ഹോസ്പിറ്റാലിറ്റി മേഖലയിൽ ജോലി ചെയ്യുന്ന 30 കാരനായ മലയാളി അനീഷ് അബ്രഹാമാണ് നാലാമത്തെ വിജയി. അനീഷിന്റെ കുടുംബം നാട്ടിലാണ്. സോഷ്യൽ മീഡിയ വഴിയും അബുദാബി വഴിയുള്ള യാത്രാവേളകളിലുമാണ് അനീഷ് ബിഗ് ടിക്കറ്റിനെക്കുറിച്ച് അറിയുന്നത്.

അബുദാബിയിൽ ലേ-ഓവർ ഉള്ളപ്പോഴൊക്കെ ഞാൻ ടിക്കറ്റ് എടുക്കാറുണ്ട്. നാട്ടിലായിരിക്കുമ്പോൾ വെബ്‌സൈറ്റ് വഴിയും എടുക്കും. കുറച്ചുകാലമായി ഞാൻ ഇതിൽ പങ്കെുടുക്കുന്നുണ്ടെങ്കിലും ആദ്യമായാണ് സമ്മാനം ലഭിക്കുന്നത്," അനീഷ് പറഞ്ഞു.

യു.കെയും യു.എ.ഇയും തമ്മിലുള്ള സമയവ്യത്യാസം കാരണം സമ്മാനവിവരം അറിയിക്കാൻ ഫോൺ വരുമ്പോൾ അനീഷ് നല്ല ഉറക്കത്തിലായിരുന്നു. ആദ്യം വിശ്വസിക്കാനായില്ലെങ്കിലും വാർത്ത സത്യമാണെന്ന് അറിഞ്ഞതോടെ വലിയ ആവേശത്തിലായെന്ന് അനീഷ് പറഞ്ഞു.

തന്റെ സാമ്പത്തിക ബാധ്യതകൾ തീർക്കാൻ ഈ തുക ഉപയോഗിക്കുമെന്നും തുടർന്നും ടിക്കറ്റ് എടുക്കുമെന്നും അദ്ദേഹം കൂട്ടിച്ചേർത്തു.

കാത്തിരിക്കുന്നത് 2.5 കോടി ദിർഹത്തിന്റെ മഹാഭാഗ്യം

നാല് മലയാളികൾക്ക് ഈ പ്രതിവാര സമ്മാനം ലഭിച്ചിട്ടുണ്ടെങ്കിലും ബിഗ് ടിക്കറ്റിന്റെ വമ്പൻ സമ്മാനങ്ങൾ പ്രവാസികളെ കാത്തിരിക്കുകയാണ്. ജൂലൈ 3-ന് നടക്കുന്ന തത്സമയ നറുക്കെടുപ്പിലൂടെ 2.5 കോടി ദിർഹത്തിന്റെ (Dh25 million) ബമ്പർ സമ്മാനം ഒരാൾക്ക് സ്വന്തമാകും.

ഇതുകൂടാതെ അഞ്ച് വിജയികൾക്ക് 10 ലക്ഷം ദിർഹം (Dh1 million) വീതം ആശ്വാസ സമ്മാനവും ലഭിക്കും.
ജൂൺ മാസത്തിൽ ഇനി മൂന്ന് പ്രതിവാര ഇ-ഡ്രോകൾ കൂടി ബാക്കിയുണ്ട്. ഇതിലൂടെ ഓരോ ആഴ്ചയും നാല് പേർക്ക് 25,000 ദിർഹം വീതം ലഭിക്കും. എല്ലാ ആഴ്ചയും യു.എ .ഇ സമയം രാവിലെ 11 മണിക്ക് ബിഗ് ടിക്കറ്റ് യൂട്യൂബ് ചാനലിലൂടെയാണ് ഈ നറുക്കെടുപ്പ് തത്സമയം സംപ്രേഷണം ചെയ്യുന്നത്.

കൂടാതെ ജൂൺ മാസത്തിൽ ടിക്കറ്റ് എടുക്കുന്നവർക്ക് 'ദി ബിഗ് സ്പിൻ' (The Big Spin) പ്രൊമോഷനിലൂടെ 10 ലക്ഷം ദിർഹം വരെ നേടാനുള്ള അവസരവും ബി.എം.ഡബ്ല്യു X6, മാസെരാട്ടി ഗ്രെകെയ്ൽ തുടങ്ങിയ ആഡംബര കാറുകൾ സ്വന്തമാക്കാനുള്ള 'ഡ്രീം കാർ' പ്രൊമോഷനും ബിഗ് ടിക്കറ്റ് ഒരുക്കിയിട്ടുണ്ട്.