Kerala Election Day Weather Forecast and Health Advisory : വോട്ടെടുപ്പ് ദിനത്തിലും ചൂട് കൂടും, ആരോഗ്യ ജാഗ്രത കൈവിടരുതേ

കേരളത്തില്‍ വോട്ടെടുപ്പ് ദിനമായ നാളെ (വ്യാഴം) കേരളത്തില്‍ വരണ്ട അന്തരീക്ഷസ്ഥിതി തുടരും. ഇന്നത്തെ പോലെ തെളിഞ്ഞ കാലാവസ്ഥയാണ് പ്രതീക്ഷിക്കുന്നത്. കേരളത്തില്‍ ചൂടു കൂടാന്‍ സാധ്യതയുള്ളതിനാല്‍ വോട്ടു ചെയ്യാന്‍ പോകുന്നവര്‍ ശ്രദ്ധിക്കേണ്ട ആരോഗ്യ ജാഗ്രതാ നിര്‍ദേശങ്ങള്‍.

നിര്‍ജലീകരണം ഒഴിവാക്കാന്‍ ഇടയ്ക്കിടെ വെള്ളം കുടിയ്ക്കുന്നത് ശീലിക്കുക
ക്യൂവില്‍ നില്‍ക്കുമ്പോഴും മറ്റും പരമാവധി തണല്‍ ലഭ്യമായ ഇടങ്ങള്‍ തെരഞ്ഞെടുക്കുക.
വെയിലില്‍ നിന്ന് സംരക്ഷണം തേടാന്‍, കുടയോ തൊപ്പിയോ ഉപയോഗിക്കുക.
സ്ഥിരമായി മരുന്നു കഴിക്കുന്നവര്‍ അത് മുടക്കാതിരിക്കാന്‍ പ്രത്യേകം ശ്രദ്ധിക്കുക.
കുട്ടികളെയും വളര്‍ത്തു മൃഗങ്ങളെയും വെയിലത്ത് പാര്‍ക്ക് ചെയ്തിരിക്കുന്ന വാഹനങ്ങളില്‍ ഇരുത്തരുത്.
ദേഹാസ്വാസ്ഥ്യം തോന്നിയാല്‍ ഉടന്‍ വൈദ്യസഹായം തേടുക.

കേന്ദ്ര കാലാവസ്ഥാ വകുപ്പിന്റെ പ്രവചനം അനുസരിച്ച് വോട്ടെടുപ്പ് ദിനത്തില്‍ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില്‍ ഇടത്തരം മഴക്കും തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ചാറ്റല്‍ മഴയ്ക്കും നാളെ (വ്യാഴം) സാധ്യതയുണ്ട്.

മെറ്റ്ബീറ്റ് വെതറിന്റെ നിഗമന പ്രകാരം ശനിയാഴ്ച മുതലാണ് കേരളത്തില്‍ മഴ സാധ്യതയുള്ളത്.

English Summary : On polling day (Thursday, April 9, 2026), Kerala is expected to experience dry and clear weather, continuing the current trend of high temperatures. While the overall atmosphere remains warm, the Central Meteorological Department predicts a chance of moderate rain in southern and central districts