കേരള ബജറ്റ് 2026: കാർഷിക മേഖലയ്ക്ക് കരുതലായി ബജറ്റ് 2026

കാര്‍ഷിക മേഖലയ്ക്ക് പ്രത്യേക ഊന്നൽ നൽകികൊണ്ട് 2,024 കോടി രൂപയാണ് ബജറ്റില്‍ പ്രഖ്യാപിച്ചത്. കേര പദ്ധതിക്ക് 100 കോടി, നെല്ല് സംയോജിത പദ്ധതിക്ക് 150 കോടി, കാര്‍ഷിക സര്‍വകലാശാലയ്ക്ക് 72 കോടി, സമഗ്ര പച്ചക്കറി കൃഷി വികസനത്തിനായി 78. 45 കോടി, ഇതിൽ പച്ചക്കറി കൃഷി പ്രോത്സാഹിപ്പിക്കുന്നതിനുള്ള വിവിധ പദ്ധതികൾ ഏറ്റെടുക്കുന്നതിന് വി.എഫ്.പി.സി.കെ-യ്ക്ക് 18 കോടി രൂപയും കൃഷി വകുപ്പിൻ്റെ വിവിധ പച്ചക്കറി വികസന പ്രവർത്തനങ്ങൾക്കായി 60.45 കോടി രൂപയും ഉൾപ്പെടുന്നു.

മറ്റ് കാർഷിക പ്രഖ്യാപനങ്ങൾ ഇങ്ങനെ

നാളികേര വികസനത്തിനായി 73 കോടി രൂപ

സുഗന്ധവ്യഞ്ജന വികസന പദ്ധതിയുടെ അടങ്കൽ 7.60 കോടി രൂപയിൽ നിന്ന് 15 കോടി രൂപയായി വർദ്ധിപ്പിക്കുന്നു.

സംസ്ഥാനത്ത് പഴവർഗ്ഗങ്ങൾ, പൂക്കൾ, ഔഷധസസ്യങ്ങൾ എന്നിവയുടെ കൃഷി വ്യാപിപ്പിക്കുന്നതിനും പഴവർഗ്ഗങ്ങളുടെ കൃഷി വിസ്തൃതിയും ഉല്പാദനവും ഉല്പാദന ക്ഷമതയും വർദ്ധിപ്പിക്കുന്നതിനായി 20.92 കോടി രൂപ.

കേരള കാർഷിക സർവ്വകലാശാലയ്ക്കായി 78 കോടി രൂപ. ഇത് മുൻവർഷത്തേക്കാൾ 2 കോടി രൂപ അധികമാണ്.

ഉല്പാദക സംഘങ്ങളുടെ വികസനത്തിനും സാങ്കേതിക വിദ്യാ പിന്തുണയ്ക്കുമായുള്ള പദ്ധതിയ്ക്കായി 5 കോടി രൂപ.

മണ്ണിന്റെ ആരോഗ്യപരിപാലനവും, ഉത്പാദനക്ഷമത മെച്ചപ്പെടുത്തലും എന്ന പദ്ധതിക്കായി 31.15 കോടി രൂപ. വിള ആരോഗ്യപരിപാലനം പദ്ധതി യ്ക്കായി 13 കോടി രൂപ.

ജൈവ കൃഷിയും, ഉത്തമ കൃഷി രീതികളും (ജി.എ.പി) പ്രോത്സാഹിപ്പിക്കുന്ന പദ്ധതിയ്ക്കായി 5.25 കോടി രൂപ.

ഗുണമേന്മയുള്ള നടീൽ വസ്തുക്കളുടെ ഉത്പാദനത്തിനും വിതരണത്തിനും കൃഷി വകുപ്പിൻ്റെ കീഴിലുള്ള ഫാമുകൾ മെച്ചപ്പെടുത്തുന്നതിനുമായി 13.44 കോടി രൂപ

കാർഷിക മേഖലയിൽ ശാസ്ത്രസാങ്കേതിക വിജ്ഞാന വ്യാപനം ശക്തിപ്പെടുത്തുന്നതിനു വേണ്ടി 15.40 കോടി രൂപ.

തൊഴിലാളി ക്ഷാമം മറികടക്കുന്നതിനും, യന്ത്രവൽക്കരണ പ്രവർത്തനങ്ങളുടെ ഭാഗമായ കാർഷിക സേവന കേന്ദ്രങ്ങൾ, കാർഷിക കർമ്മ സേനകൾ, കസ്റ്റം ഹയറിംഗ് സെൻ്ററുകൾ എന്നിവ ശക്തിപ്പെടുത്തി പ്രവർത്തനങ്ങൾ ഏകീകരിച്ച് 638 കേന്ദ്രത്തിലൂടെ സേവനങ്ങൾ നൽകുന്നതിനും ലക്ഷ്യമിടുന്ന പദ്ധതിയ്ക്കായി 10 കോടി രൂപ.

സംസ്ഥാന വിള ഇൻഷുറൻസ് പദ്ധതിയ്ക്കായി 33.14 കോടി രൂപ.

രാഷ്ട്രീയ കൃഷി വികാസ് യോജന, കൃഷി ഉന്നതി യോജന, മറ്റു കേന്ദ്രാവിഷ്കൃത പദ്ധതികൾ എന്നിവയുടെ സംസ്ഥാന വിഹിതമായ 40 ശതമാനമായി 78.14 കോടി രൂപ.

ആധുനിക കാർഷിക രീതികൾ പരിചയപ്പെടുത്തി രംഗത്തേക്ക് പദ്ധതികൾ കൊണ്ട് വന്ന് യുവതലമുറയെ കാർഷിക രംഗത്തേക്ക് ആകർഷിക്കുന്നതിന് ആവശ്യമായ പദ്ധതികൾ ആസൂത്രണം ചെയ്ത് നടപ്പിലാക്കും. ഹൈടെക്ക്/ പ്രിസിഷൻ ഫാമിങ്ങിൻ സംരംഭങ്ങൾ തുടങ്ങാൻ 3 ശതമാനം പലിശ സബ്സിഡിയോടെ വായ്പകൾ ലഭ്യമാക്കുന്ന പദ്ധതിക്കായി 10 കോടി രൂപ.

മണ്ണ്, ജലസംരക്ഷണ മേഖലയിലെ വിവിധ പദ്ധതി പ്രവർത്തനങ്ങൾക്കായി 81.24 കോടി രൂപ

കാർഷിക മേഖലയിലേക്ക് യുവതലമുറയെ ആകർഷിക്കാനുള്ള കാർഷിക പദ്ധതികൾ കൊണ്ടുവരിക എന്നതാണ് ഇത്തവണത്തെ ബജറ്റിലെ ശ്രദ്ധേയമായ കാര്യം. സത്യത്തിൽ കാർഷിക രംഗത്ത് വലിയ തോതിലുള്ള പ്രാപനമാണ് ഇത്തവണ ഉണ്ടായിരിക്കുന്നത്.

English Summary : The notable thing about this year's budget is the introduction of agricultural projects to attract the younger generation to the agricultural sector.