കേരളപ്പിറവിയിൽ കേരളത്തിൽ ഒറ്റപ്പെട്ട മഴ, മുരശു ചുഴലിക്കാറ്റ് നാളെ രൂപപ്പെടും

കേരളപ്പിറവി ദിനത്തിൽ പാലക്കാട് ജില്ലയിലെ രാവിലെ നേരിയ മഴ. വടക്കൻ കേരളം മേഘാവൃതമായിരുന്നെങ്കിലും 11 മണിയോടെ പലയിടത്തും വെയിൽ തെളിഞ്ഞു. മധ്യകേരളത്തിലും തെക്കൻ ജില്ലകളിലും പ്രത്യേകിച്ച് കാലാവസ്ഥയിൽ മാറ്റമില്ല. അറബിക്കടലിലും കണ്ണൂർ ജില്ലയ്ക്കും തൃശ്ശൂർ ജില്ലയ്ക്കും ഇടയിലായുള്ള പ്രദേശമാണ് രാവിലെ ഭാഗികമായി മേഘാവൃതവും പാലക്കാട്ട് മഴയും ഉണ്ടായത്.

തെക്കു കിഴക്കൻ അറബിക്കടലിൽ നിന്ന് കർണാടകയുടെ മുകളിലേക്ക് നീണ്ട ന്യൂനമർദ്ദ പാത്തിയാണ് ചില പ്രദേശങ്ങളിൽ മഴയ്ക്ക് കാരണമായത്.

അതിനിടെ ബംഗാൾ ഉൾക്കടലിൽ കഴിഞ്ഞദിവസം രൂപപ്പെട്ട തീവ്ര ന്യൂനമർദം (Depression) ഇന്ന് അതി തീവ്ര ന്യൂനമർദം (Deep Depression) ആയി ശക്തിപ്പെട്ടു. ഇത് നാളെ വീണ്ടും ശക്തിപ്പെട്ടു മുരശു ചുഴലിക്കാറ്റ് ആകും.

ഇന്നും നാളെയും വടക്കൻ കേരളത്തിൽ ഒറ്റപ്പെട്ട മഴ സാധ്യത. തമിഴ്നാട്ടിലും നാളെ മഴ സാധ്യത. നാളെ ആന്ധ്രപ്രദേശിൽ ശക്തമായ മഴ സാധ്യത. ആന്ധ്രപ്രദേശിൽ റെഡ് അലട്ടിനും തെലങ്കാനയിൽ ഓറഞ്ച് അലർട്ടിനും സാധ്യതയുള്ളതിനാൽ ആ ഭാഗങ്ങളിലേക്ക് യാത്ര ചെയ്യുന്നവർ ശ്രദ്ധിക്കണം.

മറ്റന്നാൾ മുതൽ തീരദേശ ആന്ധ്രപ്രദേശ്, തെലങ്കാന, ഒഡിഷ, ജാർഖണ്ഡ് സംസ്ഥാനങ്ങളിൽ ശക്തമായ മഴയ്ക്ക് സാധ്യതയുണ്ട്. ചുഴലിക്കാറ്റിനെ തുടർന്നാണ് ഇത്. ആന്ധ്രപ്രദേശിൽ അടുത്ത മൂന്ന് ദിവസത്തേക്ക് റെഡ് അലർട്ട് നാണ് സാധ്യത. മറ്റു സംസ്ഥാനങ്ങളിൽ ഓറഞ്ച് അലർട്ട് / റെഡ് അലർട്ട് സാധ്യത.

English Summary : On Kerala Piravi day, Palakkad experienced light morning showers, while northern Kerala remained cloudy before clearing up by 11 AM. The rain in certain areas was driven by a trough extending from the southeast Arabian Sea to Karnataka. Weather across central and southern Kerala remained largely unchanged.